春三娘 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2018-03-01
最初去食,無論食物,環境都十分好,只係員工有d操心大意,落錯單。心諗都算,咁嘅價錢,唔通五星級服務咩。所以都喺呢一個月內照幫襯咗4至5次,最初都無乜事發生,但係到mm呢次打電話去book位時想book明天的午餐,但竟然full booking,心諗係好野至會有咁多人去食,咁就唯有照延遲到第二日。等咗兩日,終於有位,照舊叫返佢開頭燒得唔錯嘅牛扒,但嚟到有點失望,因為塊扒縮咗水,係縮咗三份二,又薄又細又咸,牛扒薄就唔好食。叫五成熟嘅牛扒已去到八成熟。。柴皮一樣😠😠😠最震驚係食完侍應執走d碟後,有條蚯蚓喺枱面😱😱對答如下。 客:點解有條蟲嘅? 侍應:應該d菜太新鮮。 客:可否叫經理來? 侍應:經理無返。 客:咁除左經理,有無話得事嘅人? 侍應:我唔知㗎,我係散工嚟㗎,你唔好難為我啦。。。。。😡😡😡😡😡😡😡😡😡 好嬲咗,我仲要同埋有重要嘅客人一齊,我廢事失身分,只好埋單走。。但係佢地一句道歉說話都無,完全唔覺得有條活生生嘅蟲出現喺酒店裏面嘅餐枱上係有問題😡😡😡😡🤬🤬🤬🤬🤬
評分: 味道 1 環境 1 服務 1 衛生 1 抵食 1
2012-09-02
旺角區價廉物美,58蚊兩隻凍蟹,好好味又鮮甜,一定唔會係唔新鮮。豉椒炒蜆十分有鑊氣,收費同茶餐廳一樣,但係有酒樓水準。蒜蓉粉絲蒸大聖子,十分鮮味,啱啱好熟,鮮味一流。例牌好味係炸子雞,蒜香骨。外趣內軟,美味嘅肉汁依然留喺肉入面。最正係個經理,佢送咗一籠壽飽比我地食,原來個壽飽係佢地個點心師父做嘅,個飽好彈牙,奶黃餡唔太甜,口感啱啱好。 推介美食: 大聖子,炸子雞,蒜香骨
評分: 味道 3 環境 3 服務 3 衛生 3 抵食 3
|