威仕頓餐廳 (上環)

在上環返工..已經對附近既餐廳好厭倦，上星期行過德輔道中，見到原來舊既"好煮意"變左一間西餐廳 太好了!!
就立刻同朋友去食左個dinner。一入去，都full full 地，等左一陣，就有位女侍應同我地講有個卡位埋緊單，下一張到我地了。
全餐廳都貼左好得意既wall paper，加上卡位有好special 既燈飾，成間主題餐廳咁，好岩情侶同一家大奴細黎食

望一望個menue，d 價錢真係好平，三四十蚊一個意粉or 飯，跟飲品就半價。另外仲有個午餐menue，我望左一陣，有個女侍應就走埋黎同我講，由於新開張，晚餐menue 仲未ready，所以尼個午餐暫時仲可以供應，分別係dinner就只可揀湯or 包。

我最終都係揀左個白咖哩魚柳飯set 跟包同熱lemon tea，友人就揀左蛋汁卡邦尼長通粉set 跟湯同hot coffee。

在等既期間，就聽到有人客講d餐仲未到，我心諗，我的點的不會等太耐掛....最終係我的比較快，15分鐘已經到齊了，朋友的就比較耐，都等了25分鐘吧，侍應送餐給朋友時，我就多口問下佢點解其他野會咁耐? (心想:我之後黎食lunch or dinner 係咪都要咁等嫁?) 侍應說因為有d突發事件發生，同埋新餐廳仍在不斷改善同熟習，老闆自己亦在廚房睇住d食物質素，時間，過程，妳下次黎一定會無問題了。哈哈.....

話說回來，我覺得個白咖哩魚柳飯都幾好食，個白咖哩好野味，d汁送飯好好味。
而朋友個蛋汁卡邦尼長通粉就普通左d，冇咩特別，不過都好食過xx hurt 果d!! 起碼平d!!
個hot coffee 朋友話幾好飲，比一般茶餐廳的好! 下次我一定要試!!

希望尼間新西餐廳可以多元化d，但keep住尼個價就好啦~因為我個人都幾鍾意食西餐。下一次黎我一定會試其他新野!!

青葉日本料理 (尖沙咀)

之前黎過慶祝朋友生日飯，式但已是3,4年前既事了..但食物我和我的朋友都覺得不錯...所以今次慶祝紀念日，我就提議黎尼度食。

但食物已大不如前了....刺身唔凍，一d都唔新鮮..壽司...食左一口..已經唔想再食第二啖..三文魚頭骨腩...點似呀!!! 咪玩啦!! 係魚骨黎嫁咋喎! 仲要好難食lor!其他野都唔會令我加分....因為都唔係好食....唉...點解攪成咁....以前黎覺得係超值....今次黎覺得一文不值..我真係寧願食貴d...係食得舒服又開心同安心...我男朋友食完仲痾左兩次...