兩合特色餐廳 (屯門)

SEP 12, 2009 (SAT) LUNCH
一早又要去覆診，痛到死辛苦極了！
睇完都下午，食個晏先返去再訓過！
午餐 $26 『出前一丁 +$2』
火腿三文治、腸仔蟹柳出前一丁 + 熱奶茶
三文治鬆軟，腸仔兩條煎得頗燶，蟹柳兩條看起來極紅，一丁麵質感跟以前不太相似，不過都是麵質本身問題了吧！
似下午茶多過午餐的午餐喔！
快餐 $26
農村牛扖腸仔意粉 + 熱華田
農村牛扖就像早餐薄牛扖似的，腸仔一條沒比午餐這兩條那麼燶，加上燴汁幾好味，意粉份量蠻多！吃不下那麼多了！
華田不像一般的咁多奶，不用加糖也很好飲！
卡位頗濶落，坐得挺舒服！

坤記 (屯門)

鯇魚片粥 $14炸油條 $5
鯇魚肉好多，但肉質有D霉且有骨，粥底一般，整體就唔太欣賞！
條油炸鬼好熱好脆卜卜，又唔會覺得好油，真係好想食多條！
D油器好新鮮，樣樣都好吸引，有機會會試吓個牛脷鬚 & 炸煎堆！
不過D呀姐就黑口黑面咁，堂食就咪再攪我，只會外賣D油器食吓都仲可以！

美心西餅 (屯門)

SEP 9,2009 (WED) TEA

用一張餅咭換咗5件精美西餅『$48』

本來ORDER的是『宇治綠茶』，不過回到家才發覺拎錯俾我了！
卻變了一件『鮮果戀人』 $8，雖然有點失望，但OK喇！只是味道唔同咗，蛋糕依然是好鬆軟美味，還多了兩件水果添，呀Q精神了吧！
悠情慕加 $8 ~ 真的好濃烈嘅Mohca味道，平凡中帶點不平凡！
意大利咖啡芝士撻 $10 ~ 面頭舖滿咖啡碎粉，令吃起來有點兒不太方面，散佈滿檯都是碎粉，HEHE！內裡嘅芝士撻十分香滑，蠻飽肚喔！
鮮果撻 $10 ~ 滿滿的水果，顏色漂亮，裡面嘅吉士好香好味道！
芒果雪果拿破崙 $12 ~ 一向是拿破崙蛋糕嘅支持者的我，又點少得了這件芒果雪果拿破崙呢！瘦瘦長長的它足有兩件半西餅嘅長度呀！最吸引人嘅地方係有層次的外層，非常鬆脆！再配上帶甜的吉士&微酸的芒果肉非常配合！哇好正呀！

服務員態度親切，不過就唔係太細心，隨了回家先發覺錯換了件『鮮果戀人』外，其實先前都俾了兩件『鮮果撻』給我，但當時及早發現，即時換回我最愛的拿破崙！
回想起總是拎錯『鮮果味的蛋糕』，是不是別有用心呢？

因為係用餅咭換的，所以不用付錢！

新興麵家 (屯門)

SEP 7, 2009 (TUE) LUNCH $24

好耐無嚟呢頭，一嚟到就諗起要嚟呢間幾十年老字號嘅麵舖食個麵先！
行入去發覺兩個人都換咗！煮開麵嘅男人換咗個後生D嘅，不過之前都見過佢喺度，反而樓面好快手嘅姐姐就換咗個婆婆，我諗都係一家人嚟嘅！

牛腩河 $19 支裝忌廉 $6
不過今日放棄我最愛吃嘅金錢肚，叫咗個牛腩河，因為好耐無食過牛腩呀！HEHE！今日天氣熱到飛起，仲叫咗支支裝忌廉回味吓先！
啲牛腩排列得好整齊，有8舊medium size，好夠諗之餘，肉味極濃，肉汁濃香，腩汁混入香濃嘅湯中，加上一些蔥花嘅香，真係食碗麵已經夠享受喇！啲河粉嘅份量仲一D都唔少，呢度D河粉仲好滑好滑添！我個人喜好仲加咗一些醋 & 辣椒油，D辣油幾好味，唔止夠辣仲好香，因為好怕食啲得個辣嘅辣油！呢餐我已經好滿足！食飽走人個婆婆仲好親切咁同我講聲多謝添！

新興麵家 (屯門)

SEP 7, 2009 (TUE) LUNCH $24

好耐無嚟呢頭，一嚟到就諗起要嚟呢間幾十年老字號嘅麵舖食個麵先！
行入去發覺兩個人都換咗！煮開麵嘅男人換咗個後生D嘅，不過之前都見過佢喺度，反而樓面好快手嘅姐姐就換咗個婆婆，我諗都係一家人嚟嘅！

牛腩河 $19 支裝忌廉 $6
不過今日放棄我最愛吃嘅金錢肚，叫咗個牛腩河，因為好耐無食過牛腩呀！HEHE！今日天氣熱到飛起，仲叫咗支支裝忌廉回味吓先！
啲牛腩排列得好整齊，有8舊medium size，好夠諗之餘，肉味極濃，肉汁濃香，腩汁混入香濃嘅湯中，加上一些蔥花嘅香，真係食碗麵已經夠享受喇！啲河粉嘅份量仲一D都唔少，呢度D河粉仲好滑好滑添！我個人喜好仲加咗一些醋 & 辣椒油，D辣油幾好味，唔止夠辣仲好香，因為好怕食啲得個辣嘅辣油！呢餐我已經好滿足！食飽走人個婆婆仲好親切咁同我講聲多謝添！