Sum-yee 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-10-25
早幾日同朋友去荃灣,朋友帶咗我去食天恩了。 初時企係門口等位,心諗點解好似去咗大學飯堂咁 心 我地叫是日飯餐,真正的四餸一湯,飯就任裝 先講個自家製無味精湯,係南瓜湯,超好飲 啲飯有紅米食同薑飯任君選擇,我就特別鐘意薑飯,好夠薑,食後另人好開胃 四個餸包括:生菜、薯仔煮肉碎、豆角炒肉片、煎芽帶魚 頭兩味都冇咩特別,當場係好味啦 最另我驚喜係炒肉片的肉片真係做個好似,食落去仲好有豬肉味 而芽帶魚個外型係睇唔出唔係真芽帶魚,咬落去果時連一層層魚肉嘅口感都做到出黎,而個味道就鹹鹹地,唔講都唔記得自己係食緊齋 四個餸都好好送飯,絕對可以食到兩碗。 不過由於等位的人太多,通常d人食完就走,唔好意思坐得耐 行開荃灣一定要去試下 推介美食: 薑飯
評分: 味道 5 環境 3 服務 3 衛生 3 抵食 5
2014-10-25
天氣開始有秋意,係時候食雞煲補下。 叫咗雞煲(小辣) 由於是四川風味,所以就算揀唔辣,結果都係有少少少少少辣味嘅! 個雞煲有得揀一隻雞同半隻,加上裡面已經好多料,所以人多去食先好味 雖然隻雞一路咁滾住,但d雞肉一d都唔「鞋」,仲非常入味 係雞煲裡面拾一拾就食得,辣辣地好好味 另外我地仲叫咗菜、嚮鈴、魚皮、水餃 不過掛住食冇影相了 推介美食: 雞煲,魚皮,嚮鈴
評分: 味道 5 環境 3 服務 3 衛生 3 抵食 3
2014-10-17
間鋪開咗咁耐,一次都無食過 今日唔想食茶記,所以就入去試下 可能因為中午時間,真係好多人食, 不過等咗一陣就有位,但啲凳搖搖下,坐得麻麻地舒服。 老公叫咗麻辣墨丸腩肉米線 我就食酸辣豬膶米線 嗯,服務態度就唔講喇,廿幾蚊碗麵,大家明白嘅 啲野好快就黎到,我問老公好唔好食,佢回應:有麻辣嘅感覺。 而我果碗酸酸地,微辣,豬膶好淋,好好味。 不過由於環境因為,我地食完就拿拿聲走了 推介美食: 酸辣米線
評分: 味道 4 環境 2 服務 2 衛生 2 抵食 4
|