Greyhound Café (九龍塘)

因為要接送孩子們返放學和帶我家小姐學溜冰，我做了一個經常遊走九龍塘的女人，有機會食盡又一城。

又一城食肆林立，除了之前講過的Simply Life, 這間Greyhound Cafe也是數一數二我喜歡光顧的。食物好吃，尤其是coconut crepe cake和mango crepe cake是我的大愛!每次幫襯我都會在兩者之間難以取捨，今次心肝女兒替我選了mango crepe cake，不太甜又軟滑, 百吃不厭.

小鬼們也有他們的心頭好，便是用檸檬茶製成冰的凍檸茶, Greyhound用Lime而唔用Lemon, 感覺更refreshing, 而且有啲泰feel, 孖寶更會連冰也吃掉 :Coconut/ mango crepe cake和凍檸茶，是KKF心目中在Greyhound Cafe的皇牌，冇得輸!

Sweetology (九龍塘)

因溜冰公主學溜冰，又要在又一城搵食，今次試新嘢，幫襯在冰場隔鄰的新開餐廳 - Sweet'ology.

不知是否太新的關係，菜式選擇不多，但味道和份量都算ok幾好，孖寶各自點了一客英式和美式 All-day breakfast, 其實我一向唔會好理英式定美式，總之好食就得，亦冇乜心機慢慢研究menu對每款菜式的描述，今次兩款擺哂喺面前，唔，家姐仔和細佬仔，邊份係英式、邊份係美式?

家姐仔的:細佬仔的:英式定美式，問你識唔識，邊款最得戚？哈哈! 好爛的順口溜!

其實兩份各自都有我喜歡和不喜歡的東西，先講家姐仔嗰碟，我本身不太好煙肉，覺得好鹹好肥，同pancake一起吃，又ok喎，感覺冇咁油膩，不過件pancake好厚，厚到我有種俾人用一團粉"質"飽咗嘅感覺。

細佬仔那碟我本身唔鍾意太陽蛋，卻有我很喜歡吃的茄汁焗豆，但整碟食落冇家姐仔嗰碟咁豐富(家姐仔仲有炒磨菇㖭)；而兩碟都有足夠嘅沙律菜和potato wedges，味道不錯，所以俾我哋掃清，最後只有那兩件厚如棉胎的粉餅未能ko。

整體而言，兩個all-day breakfast均up to standard，期待營運上了軌道後有多點選擇，下次再幫襯，揀英式定美式好呢?!

baby Mon cher Cafe (銅鑼灣)

今日趁孖寶返了學，溜了去Sogo週年慶湊熱鬧，買吓啲兒童用品外，亦為自己的化妝品入吓貨。

自己買得高興之餘，當然亦唔會忘記孖寶的課後茶點；用中國銀行Sogo信用卡，除了之前我在Kisskidsfamily的"購物小情報"提過買某些名牌化妝品有等於95折的現金回贈外，這間位於地庫的baby Mon cher Cafe也有此優惠，週年慶期間還有額外9折呢:睇孖寶個開心樣，就知道佢哋有幾like Mami買俾佢哋嘅茶點啦! 心肝女兒的My Melody由白朱古力整成，而寶貝兒子的黑人Hello Kitty則由啡色朱古力整成，兩款糕點賣相都算吸引(當然白色Melody比變啡了的Hello Kitty外型較討人歡喜)，入面的蛋糕入口幼滑而鬆軟，出面的忌廉則口味清新而不太甜膩，啱哂我哋呢啲喜歡精緻甜品嘅"少女"，嘻嘻!

我食嗰款叫"幸福御守"，是黃色薄皮包著忌廉的"大雲呑":啲皮夠薄，忌廉夠滑，能夠興高采烈地同寶貝們品嚐啖啖忌廉的香滑而不怕肥, 都算幾幸福嘅!

添好運點心專門店 (大角咀)

添好運 - 一間以即叫即蒸點心打響名堂的食店，分店愈開愈多，水準卻... 還是當初總店的味道最好! 雖然分店味道不及最初的總店，但點心仍是不錯的，而且坐得較舒服，所以今日兩口子去開奧海城有點事要辦，還是"中"了入去添好運嘆番一盅兩件。

菠蘿叉燒包是我在添好運的至愛:蝦餃都ok，都算皮薄餡靚:鳳爪排骨飯只能説普通啦:千萬千萬要記住這碟咸水角:其實之前已吃過，嗰皮又厚又硬超少餡，超級唔掂，彭主席好鍾意食咸水角，所以唔記得今次又點了，結果第二次居然能"保持水準"，同樣是又厚又硬超少餡，真的不想再給第三次機會了!

撇除那碟又再中伏的咸水角，我是幾喜歡這種即叫即蒸點心小店的，尤其這種寒風颯颯的天氣，在溫暖的室內嘆番一盎兩件，很老人家的喜好，但我喜歡。

牛記清湯腩 (九龍城)

某日閒逛九龍城，少爺仔瞓醒肚餓，唔知有乜好食，路經一舊式街坊麵舖，見門口有一張陳年影帝周潤發合照，好啦，陪太子讀書，呀，唔係，係陪太子食嘢，即管試吓這間牛記清湯腩啦。

諗緊食乜期間，見不時有人入來問仲有冇崩砂腩，睇吓菜牌，原來每日限量供應，一於㸃崩砂腩先:又真係幾好味噃! 崩砂腩腍得來有點煙靭，湯底清得嚟夾雜陣陣牛腩香，很清甜。

彭少爺的雙丸河食到津津有味，都幾好，就是那種傳統的雙丸河味道。支持舊式小店 - 九龍城牛記清湯腩!