為食 Kat 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-10-10
我最近鍾意咗整韓式紫菜卷,但自己整得唔太好。早一星期經過渣甸街搵食,見到呢間店嘅紫菜卷唔貴,就同同事一齊嚟試。但果次同同事一齊,就費事畀相機食先啦,冇相所以就冇評到喇。 而今次就自己嚟試佢嘅石鍋飯。 叫咗個雞肉石鍋飯,加 $9 配熱玉竹茶。落單等冇耐飯餐就送到。我一睇,$42 嘅飯畀得咁少我?但無計啦,都叫咗咯,就即管試試。好似韓劇咁,食前先加少少辣椒醬,再撈勻嚟食。 一食,嘩!石鍋飯雞肉淋滑多汁,飯粒鮮明,配菜豐富,辣椒醬香而不辣,好食!而且,其實撈起咗,啲飯唔算少的,只因石鍋太大。 再試埋個玉竹茶,味道淡淡的,有啲似玄米茶但又冇咁燥嘅感覺,無咩特別。其實我唔知咩叫玉竹茶先叫嚟試下。我一路食一路查埋英文 Solomon's seal tea,完全係字面解釋唔到, haha! 推介美食: 雞肉石鍋飯
評分: 味道 4 環境 3 服務 3 衛生 3 抵食 2
|