卡邦啦啦 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-10-29
今日同左兩位好友嚟到山頂 原本諗住係呢d旅遊區食飯一定好貴 點知經過呢間spaghetti 360 價錢每碟大約70-90 經濟實惠 待應原本安排我地坐室內 但係我地就要求坐出面 雖然大風 天氣有點涼 但係一場嚟到點都要睇下夜景既 所以我對餐廳環境仍然好滿意 食物方面 小食 芝士肉醬焗薯 味道好普通 薯條好唔新鮮 大部分都係唔脆 肉醬上有芝士 但係芝士唔夠多 建議落多d會香口啲 肉醬汁亦唔夠多 cover唔到每一條薯條 令人失望 白汁海鮮意粉 呢道係我最滿意既 首先白汁好香 亦都好多汁 令到意粉唔好乾 海鮮有尢魚 蝦 帶子 份量好足夠 好扺食 意粉既軟熟度調較得好好 唔會太軟太硬 海鮮墨汁焗飯 海鮮係同意粉以上既材料一樣 配上洋蔥 洋蔥未熟好生 唔食得 墨汁既味道好淡 難以就咁同飯食 所以要有多d海鮮先會冇咁淡 芥辣煙三文魚原批pizza 佢一送到眼前 立即覺得焗得唔耐 皮唔脆 煙三文魚唔夠熟 太生 叫左待應入去拎再焗多陣 焗完之後即刻唔同 賣相更吸引 咬落去好脆口 三文魚同芥末醬好夾 令魚腥消失 pizza口感豐富 材料亦多 唯一美中不足為有d三文魚太咸 冇左鮮味同香味 推介美食: 海鮮意粉
評分: 味道 3 環境 4 服務 3 衛生 3 抵食 4
2014-10-29
完左個assesment, 點都要放鬆下嘅,所以去左紅磡附近掃街 尼到都幾出名嘅紅磡雞蛋仔,當然要試下啦 呢度款式唔算太多,但基本嘅都有 要左份原味雞蛋仔,拎上手仲熱辣辣,好興奮 一咬,嘩!正!!外面層皮又熱又脆,重點係冇過左火,一d焦都冇 雞蛋仔入面唔係平時食開果d空心,而係豐富而且軟綿綿嘅蛋漿,比例岩岩好,脆得尼冇犠牲到個餡!! 仲要都算平,一份12蚊唔錯,會再番尼食,下次試埋pan cake 推介美食: 雞蛋仔
評分: 味道 5 環境 5 服務 5 衛生 5 抵食 5
2014-10-29
食完晚飯之後仲覺得有啲肚餓,所以想食啲甜野,醒起附近有一間細鋪賣豆腐花,於是諗住試下。其實呢到都有賣台式飲料、涼粉,之前黎過一次買珍珠奶茶飲,味道都唔錯,重點係老闆同老闆娘既熱情款待令我印象深刻。再一次黎到既時候,老闆娘一樣好好笑容,呢種感覺係細鋪先感覺得到。
評分: 味道 4 環境 3 服務 5 衛生 3 抵食 3
2014-10-29
深水埗出名多好野食,至於呢間公和荳品廠聽朋友介紹就介紹得多,今日同男朋友行開涉水埗終於有機會試下佢啦~ 我地一去到,樓下已經冇晒位,於是就經過隔離條好懷舊既樓梯上去二樓坐低。跟住好快就有一個叔叔上左黎同我地落單。 推介美食: 豆腐花
評分: 味道 5 環境 4 服務 4 衛生 3 抵食 5
2014-10-29
自己經常經過美孚,呢幾年黎好多做小生意既鋪仔,如魚蛋燒賣,或賣特色飲料既都做唔長。但惟獨呢間做豆品小生意既“日日鲜豆漿”堅持到5年以上,想必背後街坊既支持唔會小得去邊。 於是走去一試佢既枝裝豆漿,有一陣淡淡既豆香,唔似其他市面上既豆漿,甜味過剩;而且飲落有d沙粒既感覺,想必每一支都係新鮮榨出黎!價錢方面$12我略嫌覺得有d貴,但有老闆娘親切既笑容,令到呢支鮮豆漿再升上一級!
評分: 味道 5 環境 3 服務 5 衛生 3 抵食 3
|