BBQ 7080 (尖沙咀)

BBQ7080 係一直都好想去嘅一間餐廳，但係去過幾次都冇訂檯，要成七點幾等到九點先有位，所以一直都無嘗試。今次終於早咗一個星期定位，食咗八點半果一輪。一入到去個間鋪頭就被濃濃嘅燒烤味所吸引，我哋將我哋嘅手袋放左係椅子裏面，之後就開始點餐。我哋叫咗燒牛肋骨、秘製辣五花肉、燒雞扒、燒安格斯牛柳，仲有最特別而且最想嘗試嘅豬皮。佢地所有嘅食物都係水準之上，最想講嘅係豬皮！一直擔心豬皮會味道好怪，當豬皮係生嘅時候送上檯面，真係比佢嘅外表嚇親，甚至唔想燒，但係當店內嘅人幫你燒嘅時候，你會發現豬皮本身嘅乳白色漸漸變成透明。當你放入口中嘅時候，你會發現佢好好容易入口，而且一啲都唔肥膩，真係值得推介！

Jamie's Italian (銅鑼灣)

時間:終於去左食最近好hit既Jamie's Italian, 其實早小小去食就唔係好洗排隊。我同朋友預早左好多到, 五點幾六點去排 , 等左15鐘就有得食。
服務: 一入到去啲waiter/waitress 好nice好好人, 完全唔會催你落order。見你揀左好耐重會行過黎介紹自己,叫你有咩可以塭佢幫手,比suggestions 你, 呢一點同其他餐廳真係好唔一樣! 
環境: 好靚好靚! 夜啲熄左少少燈之後更加有氣氛。2人座位雖然唔算好闊落,但係幾舒服; 另外4人sofa座位好大, 好岩幾個朋友黎食野傾計, 全程都唔會有人催, 好正!
食物: 非常不錯, 我試左佢好出名既Sphagetti & Prawns, 啲pasta 日日新鮮整真係唔同啲, 口感一啲都唔會好粉或者爛, 好好食~ 我朋友就食左Mushroom Risotto, full of flavours, 好creamy, 都好推介! 然後不得不提甜品The Epic Brownies !!! 真係好正!! 冰凍既雪糕加上微熱兼有好濃郁朱古力味既fudgy brownies 真係十萬個正! 下次去一定會再食!
總評: 好滿意, 價錢同質素相乎, 會再去

華嫂冰室 (元朗)

聽好多朋友講華嫂冰室既野食好好味，上星期同一個朋友終於搵到時間去試下。一去到有三十幾個人等緊位，等左差不多兩個鐘先入到坐。叫左鮮茄豬扒雞翼通粉、皮蛋芫茜豬潤牛肉米線、招牌豬扒包、招聘芝士咸牛肉蛋朱仔包、凍奶茶同埋凍檸檬益力多。最令我深刻既係個碗米線，個湯好香好入味，感覺好健康。凍奶茶唔太甜岩岩好，拍得住出面好既茶記。檸檬益力多都好好飲好有新意。第一次去，食既野都唔係成日係市區可以試到，值得一試。

港島香格里拉大堂酒廊 (金鐘)

第一次同女朋友黎到香格里拉食tea 哈哈哈
呢度環鏡唔錯，幾浪漫，亦都好衛生。
侍應服務態度好好，會自動幫我地添茶同食完馬上有人執枱。
試左果度既macaroon，女朋友話覺得唔會太甜，土多啤梨味好好食👍👍
另外其他甜品都好別致，好多我之前都未食過。
茶方面雖然唔太多有得揀，不過勝在餐具同茶具上既花紋好別致! 第一次飲既話，我推介飲花茶^^

滿記甜品 (北角)

我晚見心情靚，食完飯行完街就想同男朋友食甜品就去左滿記食甜品。男朋友不嬲中意食芒果就點左個芒果pancake。滿記嗰芒果pancake真係無得頂😋😋😋嗰皮又滑，又軟熟又薄，啲cream加埋大大舊又甜到漏嘅芒果真係好好食😆
我本身就中意食涼粉，加上天氣咁熱就嗌左個雪花涼粉+兩球雪糕😚雪糕好好味，尤其係雲呢拿味。而伴涼粉嘅嗰個奶同糖水好細滑，雖然係多冰左少少