今晚來來雞煲火鍋料理 (銅鑼灣)

呢間餐廳係經陀地介紹既,本人非常之喜歡食辣同食雞,所以決定信佢地去呢間辣雞煲試下!
入到入邊,好香既四川辣味撲鼻而黎,已經預左成身辣雞味會跟你返屋企,下次建議大家搵野蓋一蓋先...
一坐低,侍應好迅速咁問我地需唔需要落個辣雞煲先,我地3個女仔,心諗應該半隻就夠,但侍應建議我地叫一隻,咁就信下佢啦,半隻$118,一隻$188,
餐牌仲有其它配菜比你揀,我地叫左凍豆腐,皇帝菜,白蘿蔔,雪花肥牛!
趁d野未上就叫住小食咬下先,餐牌上都有好多選擇,有小炒,涼拌同四川麻辣野,叫左個麻辣鴨舌同涼拌豆干配白肉,麻辣鴨舌略嫌唔夠辣,但本人非常喜歡o個種酸宿味(不過我d朋友頂唔順就話好宿),涼拌豆干配白肉好入味,豆干好爽,白肉半肥半瘦好好味!
食飽小食,主菜辣雞煲上檯喇,我地叫左個中辣,單睇賣相紅紅既湯成陣香味撲鼻而黎,真係o係呢一刻好想order個白飯撈汁,但係驚食唔晒最後都無,之後已急不及待要即刻夾舊雞黎試,嘩!雞胸肉都可以咁滑,但略嫌開頭唔夠辣,食食下越黎越入味,當辣到頂唔順既時候侍應會幫你加返d唔辣既湯,咁又可以蓋下d辣味重新再戰過,原本以為3個女仔會食唔曬隻雞,點知最後竟然一件不留,蘿蔔一早已經放晒落去,最後索晒辣雞湯既湯味,又腍又入味!
酒牌都有幾種sake同沖繩啤酒你揀,叫左一支300ml既sake,食飽飽埋單都係每人$200!
下個月決定同朋友一齊再黎呢間食過~

金壘葡式美食 (新馬路)

原來住在這餐廳附近，卻沒有留意到！後來經同事介紹下，於聖誕節前席在這裡舉行聚餐~一試之下，竟令我有無比的驚喜！
餐前先點了魚翅忌廉鮑魚湯，熱呼呼的湯加足料的材料，簡直是色香味俱全，濃而不膩！
燒青口~整塊青口都鋪滿了滿滿的蒜蓉，再加薯蓉打底，就連平時不怎吃蒜蓉的我，也忍不住要為了這塊青口而破戒！
燒汁羊脾，燒牛仔柳~輪到我至愛的羊脾，order了6成熟，上桌時真的恰到好處，配上薄荷和芥茉醬，簡直把羊扒的鮮味發揮得淋漓盡至，再淺嚐一口紅酒，絕對是人生一大樂事！至於燒牛柳，真可惜，由於自己不吃牛，只能望著旁邊的同事吃得津津有味，只看見他們手起刀落的一切，肉質應該煙煙靭靭，不到一會，整碟牛柳已被他們吃光，問他們味道如何，只回應了一句＂正＂！
招牌菜燒雞釀飯，之前在某間餐廳已試過，已心知燒雞肉質應該會比較＂鞋＂，但令我驚喜的事，不僅燒雞肉質滑嫩，裡面的飯味道更是恰到好處！
西班牙海鮮煲~本想order海鮮湯飯，但餐牌沒有，老闆娘貼心的建議這個海鮮煲 白飯，海鮮煲海鮮足料，湯底濃郁，真的令我知什麼叫＂吃過返尋味＂的滋味！
三色燒扇貝~何謂三色，就是有三款用芝士，蒜蓉，燒汁來燒，熱騰騰的芝士蒲滿整隻扇貝，完全沒有＂溜＂的感覺，燒汁扇貝是用日本燒汁，大玩中日cosplay,新鮮感已足以給10個讚，濃郁的蒜蓉配上大大件扇貝，鮮味加蒜蓉之味道在口腔滾存，這時再配一口白酒，扇貝的餘香簡直令人食指大動！
最後再加一底雞蛋布甸，滑滑的蛋香，恰到好處的甜味，真令我捨不得要向這頓美味的晚餐劃上完美的句號！
想不到澳門還有如此出色的葡國餐，無論服務與味道，真想像不到可以用滿分來形容，最後埋單，11人平均每人不到$200元，物超所值，建議大家先訂位啊，未到八點已座無虛席呢！
..

南屏雅敘 (新馬路)

細細個住呢度附近，個時都唔覺呢間野好味！到後期中個左同搬走左先知呢間野好好味！奶茶咖啡好味唔在講，最好味就係佢既旦治，厚厚既旦配超級鬆軟既面包，簡直係一試難忘，個人覺得最好味又抵食既就係佢艮山鹹餐，有旦治通粉配埋奶茶，一個字，正！

群芳 (路氹城)

諗住有我最愛既生蠔，但去到原來每轉只可以攞三隻，仲要大排長龍，野食都算多款！但我唔鐘意食自助餐要限住晒囉，就連攞魚生都每人限住，又每人每款比得三件左右，以咁既價錢唔使山長水遠去到咁遠，下次應該都唔會再去

碧濤意國漁鄉 (路氹城)

朋友生日，去左呢間餐廳慶祝！可能我地早左去，餐廳既侍應就安排我地坐另一邊，我地就剈左支紅酒品住先，原來酒吧既環境都超正！之後有位就安排我地坐喇！先黎個海鮮塔，好新鮮，超鮮甜！其它主菜羊扒又係一試難忘，環境更加唔使講啦~埋單$2，800，4個人，包左兩支紅酒約$1000蚊