天平貓貓 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2013-12-06
講咗咁耐,第一次幫襯,兩個人,叫咗個常餐、炒蛋多士、凍唂咕,炒蛋多士ok,但亦未至於好食到會掛住。通粉已經淋哂,味精湯,好難食,凍奶茶不過不失,凍唂咕好濃味,但啲粉未溶哂。最大問題係啲職員態度超差!講嘢黑口黑面又串,送食物嚟近附掉落枱!又坐得迫,仲要趕住食,趕客咁,食咗10分鐘就要走,唔走佢哋又眼望望,咁樣做生意,幾好食幾抵食都唔值囉!更何況我又唔覺真係好食到會上癮!又平又好食過佢嘅食肆大把!冇興趣再幫襯!!
評分: 味道 3 環境 2 服務 1 衛生 3 抵食 2
2012-01-15
朋友生日, 有人揀咗嚟呢度食, 事前完全唔知食乜, 只係諗住當試新嘢, 八個人食飯, 打開餐牌先知大鑊, 原來啲嘢都幾貴, 而且冇idea新彊菜有咩好食, 唯有叫個六人餐再加幾個餸同飲品啦~ 我哋唔同既肉都叫一碟試吓, 有牛有豬有雞有羊有魚肉, 有啲份量幾大, 但有啲份量就小食得好緊要, 同埋可能新彊菜唔係我杯茶, 對大部份菜色都麻麻, 因為大部份菜都比較乾身, 冇乜汁, 啲肉都係鞋啲, 醬料又唔多夠濃, 食咗咁多個菜, 係個蟹肉菜苗同碟唔知咩煮魚條(第11幅相)幾好味。 呢度特別之處係會有幾個dancer喺度不停跳肚皮舞, 如果生日嗰個人仲會走埋嚟喺佢面前跳一陣, 但真係一陣就跳完, 同埋可能我唔係咁鍾意喺太嘈既環境食嘢, 所以感覺呢度實在過份地嘈, 嘈到有少少傾唔到計, 成個環境又太黑, 根本睇唔到啲食物咩樣咩顏色...... 同埋有一半食物都好似唔多熱咁, 可能係我自己鍾意啲食物熱辣辣咁食先夠香啦~ 仲有加咗每人$10同我哋及dancer影張大合焄, 點知幫我哋影相既職員好冇水準, 畀啲燈色遮咗我哋其中一個朋友成個人都可以照影, 同埋影出嚟都係得一張4R, 咁樣$80影張相真係唔多值... 同埋啲飲品又係幾貴, 普通一杯果汁梳打之類都要至少$50, 雖然食得飽, 但整埋食物味道真係普通... 題外話/補充資料: 都係嗰句, 可能新彊菜唔係我杯茶,所以我冇興趣再嚟幫襯, 但可能鍾意食新彊菜既人會覺得呢度氣氛好好既~ 推介美食: 蟹肉菜苗
評分: 味道 3 環境 3 服務 3 衛生 4 抵食 2
2012-01-15
約咗班朋友夜晚喺K11食飯, 不過又未夠鐘又未齊人, 但又勁肚餓, 三個人忍唔住要入嚟食少少嘢先! 最簡單就係食隻炸雞脾, 老實真係完全冇期望, 點知隻炸脾上枱就好驚喜, 個皮炸得勁靚, 唔食雞皮既我都忍唔住食咗少少, 又幾大件幾多肉, 啲肉亦唔似雪得太耐嗰隻, 加埋杯熱杏霜 $31, 真係OK喎~ 份熱狗朋友食, 佢話都幾好, 呢個價錢($13)真係算抵食, 坐得又舒服, 啲職員服務又唔錯, 下次嚟試吓佢啲小菜先~ 推介美食: 炸雞脾
評分: 味道 4 環境 4 服務 4 衛生 4 抵食 4
2012-01-15
book咗嚟中環呢邊畫畫, 未係好肚餓又想食少少嘢, 呢區最方便都係嚟翠華, 好鍾意食佢哋度既淨紫菜四寶, 雖然成$39真係幾貴, 但勝在啲紫菜幾多, 四寶既魚腐、墨魚丸、魚肉卷、潮式魚蛋都幾好味, 仲有個魚湯底可以飲晒佢, good呀! 另外個特長熱狗都OK好食呀, 條腸幾硊皮, 不過感覺好似細份咗少少... 推介美食: 淨紫菜四寶,特長熱狗
評分: 味道 4 環境 4 服務 3 衛生 4 抵食 2
2012-01-15
本身勁鍾意食刺生壽司, 朋友介紹嚟呢度試吓, 初時諗住百幾蚊唔會好好食, 普普通通已經過得去, 點知食過一次就上癮, 啲刺生有成10款, 落order全部都會嚟, 仲要幾新鮮, 特別係馬刀貝、蟹棒、劍魚腩、虎蝦等等, 雖然寫得太多佢都唔會比足, 但都會每次嚟幾多份量, 再order都唔會特登唔嚟或比少啲, 壽司就麻麻哋, 不過嚟食放題都費事食咁多飯啦~ 其他食物都幾多款揀, 啲燒物都幾好, 樣樣都合格好味, 好似多春魚、粟米、雞翼、雞軟骨、燒菠蘿等都好好味! 特別要再讚啲天婦羅, 唔會勁多粉, 係正常喺啲日本料理店食到既水準。 另外啲日式小食如炸豆腐、日式煮茄子、炸年糕都好味呀! 仲有好多嘢食, 其實真係食唔晒, 不過要記得留肚食雪糕, 有綠茶、紅豆、芝麻, 三隻味都唔錯~ 一定會再幫襯! 推介美食: 馬刀貝刺生,蟹棒刺生,劍魚腩刺生,虎蝦刺生,日式煮茄子,天婦羅,燒雞軟骨,燒菠蘿
評分: 味道 5 環境 4 服務 4 衛生 4 抵食 5
|