瀰月屋 (尖沙咀)

真係要讚一讚佢既裝修
真係幾有日式風味
眼見有地道日本人去食
相信風評應該唔錯口感幾有趣
有少少糯米糰同芋園既FEEL
加上黑糖比較清淡
加少少抹茶粉就好好味喇食落口酸酸甜甜咁
不過我就食唔出有幾多士多啤梨既味道
賣相方面真係唔錯聽朋友講之前並唔係配米通
可能咁O岩無哂貨啦
嗯~普普通通之作上OPENRICE見咁多人讚好
諗住叫黎試吓
點知就中伏喇
之前有人話D蘋果硬…
佢今次真係軟到呢…
真係有少少核突既感覺…
除左外面層酥皮外
真係完全唔掂…

如果大家想食吓氣氛貪得意既可以去吓
至於D野好唔好食就真係要試過先知
我相信佢有部份野食係唔錯
亦都見佢地擺唔少心機
只係……真係有待改進囉…

蘭芳園 (尖沙咀)

人就係咁衰~就算明知佢服務差都好
你都會因為D野真係好食而再去…
琴晚第二次再去蘭芳園之前
上過OPENRICE，眼見劣評如潮
心諗：唔係衰到連野食都衰埋呀
不過約左就係約左…唯有睇餸食飯啦~

首先真係要幫佢平一平反先
食物方面…其實同往常一樣…真係唔錯無論係出哂名既喇沙定撈丁凍奶茶，定普普通通既免治牛肉窩蛋飯都KEEP到水準
不過朋友係嗜辣之人就嫌喇沙唔夠味
雞扒撈丁最正就莫過於個雞扒
大大件~外面既皮非常脆身
但係入面既肉又唔會老哂
仲係好滑

不過真係要鬧一鬧佢D人
除左個話得事既姐姐外…全部都禮貌
咁樣既待客之道邊得架！
阿哥仔~~個客有野唔清楚問你其實係俾面你
你地D野難食既話
MENU又唔清楚的話~香港人既性格係會即走
仲會問你咁多野俾你兇咩~
敷衍到咩咁~咁唔想做咪唔好做囉
你咁搞法D野幾好食都無用啦
不斷趕客走既做法
真係差到喊

都係嗰句啦
大家唔想俾低D錢食飯之餘仲要受氣的
真係唔好黎喇…

euro go go (葵芳)

舗位太細
真係等位都等到頸長
太多人太少位
有d客仲衰到見住咁多人都當cafe咁坐法
真係好過份吓

半個prizza
蘑菇肉醬意粉
蜜糖雞翼
煙肉焗忌廉西蘭花
番茄忌廉湯好濃番茄味
如果係熱的話一定更好味唔洗多介紹既蜜糖雞翼
大大隻、香口而且有成堆蜜糖係底
真係好正
肉醬意味既肉醬好好味西蘭花唔算突出之作
甚至有d普通
不過有一味蜜糖雞翼都真係夠佢賺

Euro Go Go最大的問題
就係無論邊間都係舗位細
細到d客等等吓都會想走
咁搞法
就算d野幾好食都無用

牛角日本燒肉專門店 (葵芳)

貪佢少人排隊
所以兩點幾到先入去食
先講講點咗D咩先

紫蘇梅子冷麵
香蔥溫泉玉子飯
鲷魚燒[吉士]
牛角雪糕
胡麻紅豆雪糕[抹茶]
香蒜牛油一口牛
月見牛肋肉
牛舌
豬頸肉
香草雞腿肉
塩味牛油帶子
野菜盛合
腹腔肉[蒜蓉味噌]冷麵：凍就真係夠凍…不過酸又唔係酸怪怪地的味道
我諗上一次限定的韓式冷麵或者本身已經有的牛角冷麵會好食D一口牛：幾好玩，而且食落口好香牛油蒜蓉味，但又唔會搶哂牛肉既味
推介推介牛油帶子：老老實實成餐飯最抵食就係佢
$39的帶子唔會話將貨就價俾隻MINI SIZE你
而且FOR FUN的話又幾好玩
食落口幾新鮮加埋牛油真係正
鍾意海老的朋友都同樣係$39
大家去番官網睇番菜單就知牛角雪糕：唔洗介紹啦出名好食
朋友點既胡麻紅豆雪糕都唔差
不過聽講D紅豆麻麻地
可能係佢地整得唔好食

鲷魚燒：佢教話每邊燒一分鐘…我想話一分鐘之後無野睇喎
後尾都係自行調教…見佢開始有D金黃色先幫佢轉身
不過D奶油會唔會多咗D？
畢竟香港人唔同日本人
對於甜食…就算幾鍾意都唔會成堆CREAM送入口咁驚

另外雖然無相不過都想推介吓月見牛肋肉
本身都好滑，再加埋新鮮生雞蛋
真係正！白桃、巨峰、熱情果COLLAGEN JELLY

感覺上算唔算KEEP住水準呢？
只係覺得有D野係就係越出越新鮮
不過好唔好食就真係見人見智
另外都想講句…唔該你番緊工就唔好掛住溝女同玩啦
一係就掛住同女同事傾計
一係就扮傻睇唔到
唉不過算啦大家後生仔女
不過有時真係幾無奈…
搞到好似客等STAFF得閒先叫佢SERVE你咁
除左依樣野都算幾NICE幾好態度既

時時樂餐廳 (北角)

自從唔洗番學
都真係好耐都無去過時時樂
咁O岩琴晚路經舊地
真係要入去食番餐比起LUNCH同下午茶
夜晚真係無咩SET DINNER可撰
畢竟茶餐廳…夜晚都係主張大家散嗌多D
最後選擇咗最COMMON既港式常餐
豬骨湯叉燒公仔麵、炒蛋油包加多杯熱奶茶
$34落樓…夜市黎講真係算平叉燒麵個湯底係咪用豬骨就唔知喇
最少個麵唔係用緊d平價「下欄」貨
食落口唔會脹到變做難食版烏冬
炒蛋都好好味
仲有少少半生熟既口感~好爽！
如果改做火腿奄列就更加PERFECT
奶茶~幼滑順喉
飲落口最緊要舒服

補充一下
雖然LUNCH既選擇多D
同時因為大排長龍
勸大家早D落去食/外賣比較實際
如果唔係等到變長頸鹿就無謂啦