龍門客棧 (馬鞍山)

如果唔係幫朋友搬屋，真係無機會人入黎恒安站😂朋友話佢住馬鞍山，但唔係馬鞍山站落車，再三強調係恆安站，哈哈。

午飯去咗佢屋企附近有we go mall度食嘢，商場入面食店都幾多，我哋就揀咗龍門客棧嗰度食，佢話平日啲客飯好抵食㗎。



坐低後店員就開咗壺茶，啲茶有桂花香又幾好飲喎，仲示意喺餐牌上圈低食咩，直接用marker寫落大餐牌真係好神奇😂



⭐土匪羊肉
自己就嗌咗個客飯套餐要咗土匪羊肉，羊肉又嫩又香好好食，啲京蔥食起上嚟仲有甜味添😍



⭐川醬回鍋肉
朋友就揀咗要回鍋肉，椰菜炒得爽脆甜，腩片鹹香鮮味，微微辣好惹味，送飯一流🤤



客飯套餐仲包餐湯同白飯一碗，是日例湯係粉葛豬骨湯，幾鮮甜，而跟餐送嘅白飯亦都大大碗，一定飽肚。





⭐川辣口水雞
再加多咗份小食口水雞，醬汁調味唔錯，雞件入味，雞翼部分好嫩滑，但雞上脾都有少少鞋口了。





⭐招牌小籠包
一向勁鐘意食小籠包，今日咁肚餓，叫夠一人一籠唔使爭先😋皮薄湯汁多，上枱時熱辣辣好正呀🤤





⭐胡椒生煎包
表面看似平平無奇，其實個底好多芝麻亦煎得香脆，餡料係混咗胡椒嘅薺菜豬肉，又香又鮮味，仲有胡椒嘅辛辣，又係勁正🤤



⭐煎鮮肉鍋貼
最後仲有鍋貼，皮厚有咬口，一口咬落去爆汁，估唔到啲湯汁同小籠包一樣咁犀利，鮮味可口，早知呢樣都一人一碟啦。



一向最鍾意食呢啲京川點心，味道真係好正喎，朋友冇介紹錯，又多個食小籠包鍋貼嘅好地方🤤

Non Kitchen (觀塘)

約左個好耐無見嘅舊同事食晚飯，睇下附近有咩好餐廳先，諗起多年前食過的non kitchen，佢地個牛扒放題真係好正，朋友又鍾意食扒，就揀佢啦😆



入到黎揀左張卡位坐，睇下食咩好先🤔



落完單店員送上麵包盤，個碗cream cheese真係好好味，配麵包食勁正😍



⭐炸洋蔥圈
叫左份洋蔥圈小食share下，炸得香脆唔油膩，仲配有茄汁同蜜糖芥末醬，好食👍







⭐炭燒澳洲草飼牛扒
朋友果然係揀左牛扒，要七成熟，牛扒厚身肉味濃，有炭烤香又有肉汁，真心正🤤下層有薯蓉同雜菜，吸左牛油好好味。







⭐黑松露野菌薄餅
自己就揀個pizza，好耐無食想食下薄餅，烘完即刻上枱，勁燙手😂拎起即刻又放返低，哈哈。薄餅香脆，雜菌落得唔少，入口係滿滿的菌香，仲唔少芝士添，又係好好味🤤



叫左唔係好多野但意外地飽，最後個片pizza食唔落夾硬食埋佢，嘩嘩，飽到上心口🤣

Proton (元朗)

每次行過都坐滿人，是晚天氣凍，終於唔使排隊就食到😋同朋友試下佢先，睇餐牌都幾多野想試。





是晚得6度，店員示意窗口位會涼，坐入啲會暖啲喲，平時呢個室外枱一位難求㗎。





⭐Mocha & Iced Earl Grey Chocolate
黎cafe就梗係要點返杯靚靚飲品啦，自己點有咖啡朱古力，個拉花幾靚😘仲有厚厚奶泡，啡味香甜幾好飲。朋友叫左伯爵茶朱古力，入口先飲到好香嘅伯爵茶，慢慢啲朱古力味先出黎，都好好飲喎。



⭐黑松露野菌忌廉湯 & 風乾火腿哈蜜瓜田園沙律
加$58就可以升級做套餐，咁抵就梗係要啦。前菜揀左一湯一沙律😋野菌湯勁香，鮮味不造作。沙律有驚喜，居然有一條蜜瓜嘅份量，鹹香火腿配上香甜蜜瓜，清甜爽口，勁好味🤤







⭐烤大啡菇安格斯牛肉漢堡包薯條
朋友個主食揀左漢堡包，塊漢堡扒超厚🤤有肉汁又有肉香，再配上大啡菇的菌汁，一口咬落係口腔入面爆汁真係超正！伴碟仲有新鮮炸起的薯條同灑了藍莓黑醋汁的沙律菜，好睇又好味😍



⭐軟殼蟹牛油果煙三文魚野菌意大利飯
自己就點左意大利飯，放了一隻企起身的軟殼蟹好吸睛，炸得酥脆可口，意大利飯口感一流，仲落左唔少牛油瓜同三文魚，又鹹又甜好好味喎。



⭐Dirty Tiramisu
跟餐有蛋糕，但朋友決定再升級做招牌甜品🤤髒髒提拉米蘇，賣相好吸引。浸軟的麵包條又香又綿，上面的忌廉香滑帶咖啡苦味，甜而不膩，實在太好味，後悔無升級自己個份添😂



⭐藍莓芝士蛋糕
跟餐的蛋糕都有幾款揀，要左藍莓口味，蛋糕軟綿濕潤，好香芝士味，加上酸酸甜甜的藍莓醬更添層次，呢個都好好食喎🤤



好好味又好貼地的cafe，唔怪得長期爆滿啦。

串囍 (屯門)

朋友約出黎傾下偈，揀左佢屋企樓下的串囍Cheers Here，門口有隻招財貓做logo就係啦。





店內不大，大概二十個位左右，但電視勁多，每張枱都可以睇到電視，睇波嘅日子真係啱哂，飲野睇波人生一樂也😆



⭐火樹銀花
入座送的小食火樹銀花，有個好靚嘅名但其實係炸意粉黎😆簡單得黎好味喎，蛋黃醬配上炸得香脆的意粉幾正，串燒製作需時，用呢個止下口痕真係唔錯😘



⭐鵪鶉蛋串
外脆內軟，無過多調味，幾好食。



⭐日本蛋蟹肉大啡菇
大啡菇上面放了蟹肉、溫泉蛋、沙律菜等，再加左照燒醬同蛋黃醬調味，鮮嫩多汁，個蛋汁好正呀。





⭐日本牛肋肉串、日本厚切牛舌心串、燒西班牙豬頸肉串、燒鱔串
等多一陣串都黎了🤤香噴噴啊～最驚喜係豬勁肉呢，本身肉塊好多脂肪，燒完後好甘香🤤鱔串都好食，魚肉彈牙鮮味，可惜燒得過火少少，魚皮有燶味，扣分了。



⭐蒜燒茄子
軟綿綿的茄子肉充滿蒜香😋



⭐叉燒拉麵
除左串燒，餐廳仲有主食套餐，叫左碗叉燒拉麵，叉燒有四片，仲有海帶、紫菜、筍、粟米等配料，麵條彈牙都唔錯，勁大碗好飽肚。



⭐日式咖喱豬頸肉飯
朋友叫咗碗咖哩飯，開頭諗住都係日式咖哩醬加飯嘅啫，點知嚟到有驚喜，係餸菜加埋咖哩一齊煮，碗飯望落去冇咖哩汁，因為啲咖哩已經滲曬喺餸菜入面🤤又香又鮮味，比唔少主打咖哩嘅舖頭都煮得好食。



⭐橙汁 & 無糖可樂
跟餐仲有飲品送，加48蚊可以轉生啤添，好抵！



呢度真係傾偈飲嘢食嘢嘅好地方，讚👍

燈籠滷味 (九龍灣)

一直都想試下燈籠滷味，因覺得個店名好搞笑，佢終於開到九龍灣德福啦，咁近就放工過黎試下先😗都幾多人食喎，雖然未使等位，但都不斷有人入坐㗎。餐牌同二人餐內容差不多，咁就叫呢個燈籠飽飽二人餐啦，唔使諗😆⭐招牌燈籠滷味
本身已有六款滷味，而蔬菜就揀左花椰菜，麵類就揀左米線。啲滷味真係滷得好入味，個人最愛百頁豆腐同牛肚，蘿蔔都正，鮮甜無渣。花椰菜即係西蘭花，真係唔知原來台灣咁叫，我淨係知西蘭花仲會叫做百加利咋😆⭐人氣台式小吃
呢度就揀左起司麻薯，哈哈，一向鍾意食芝士年糕，試下台灣版先😆外脆內軟正呀～⭐地道夜市小吃
今次就揀左麻辣鴨血冬粉，入口先嚐到甜味，個麻同辣係漸漸滲出嚟，刺激但不嗆喉，多芫茜正喎😍⭐餐後甜點九份經典芋圓
珍珠同芋圓煙煙韌韌有咬口，甜湯幾好味，但個人覺得太細碗唔夠兩個人分，哈哈，至愛甜食嘛。
⭐台式特飲
朋友話天氣凍要飲熱嘅柚子綠茶，自己就揀左凍茉香奶綠，要半糖。柚子蜜配上綠茶又幾夾喎😋茉香奶綠個茶底香，半糖嘅甜度我覺得啱啱好。加埋一$265，商場價算幾抵食啦。