講到旺角食晚飯之選，其中一間我鍾意嘅就係懷舊打咭feel嘅大排檔「女人街食飯公司」😻！呢度長期都咁旺，基本上都要早一個星期book位😌 雖然比一般大排檔稍貴，但食物質素確係掂👍🏻 🦐黑松露鮮蝦多士：嚟呢度必點🤩！唔單止炸得又香又脆，蝦同黑松露嘅份量亦唔少～🤤 🦑虎皮尖椒醬爆鮮魷：有紅椒同青椒，唔算太辣，鮮魷嘅柔軟度亦啱啱好😉 係比較油咗啲😌🐮黑椒蜜餞薯仔牛柳粒：牛柳份量都唔少，而且唔會炒得太韌；黑椒同蜜糖嘅比例都夾到😀
🐷鳳梨懷舊咕嚕肉：最有驚喜嘅係難得係用新鮮菠蘿🍍嘅咕嚕肉😋！！三色椒好甜，咕嚕肉算係偏瘦，而且切得比較細舊，令人感覺份量超多～😹
🥬高湯蝦乾粉絲雜菜煲：蝦乾好大隻，但菜就係白菜偏多🥲
🍚鱈魚肉碎泡飯：好可惜冇咗之前食過嘅龍蝦泡飯，我以為呢個係類似嘅所以叫咗，點知唔係😞 算係多料，但味道冇乜特別，有啲失望🙈
仲有其他餸想試，特別係想食蟶子生菜包，同埋希望將來有返龍蝦泡飯🥹

知道銅鑼灣有間拉麵店成日會同啲卡通人物聯乘，今次輪到Kuromi😽 成個Kuromi系列有3款拉麵、2款小食同2款特飲，每款都有不同大小嘅可愛Kuromi造型，睇得又食得，Kuromi fans 見到一定好開心😸
🍜我揀咗 #特製牛奶拉麵，本身諗住特別啲或者冇咁鹹，但其實都係類似平時食拉麵嘅湯底，係冇牛奶嘅甜味😹 不過隻 #半熟蛋 同舊好似牛腩嘅 #豬軟骨 就好好食🤤，只係份量有啲少🥲 而朋友叫嘅 #特製黑醬油拉麵，配料係一樣，只係湯底唔同，佢話都好食～
🍢小食方面，我哋叫咗上面有塊Kuromi曲奇嘅 #明太子章魚燒，加埋啲明太子醬一齊都幾好食😋 不過我將塊曲奇連埋啲木魚一齊食就變咗怪味🤣 （大家千祈唔好學🤭）
好可惜，我最期待嘅紫薯味蒸包竟然賣晒….本当に残念ですね🥺🥹😭 唯有影menu當食咗🤦🏻‍♀️

如果要約養寵物嘅朋友，想搵間坐得舒服、啲嘢又好食嘅餐廳真係唔容易。今次發現喺K11 Musea有間可以接待🐶🐶嘅餐廳，有靚景睇之餘，啲嘢都幾好食😋

我哋3個人叫咗1份呢度出名嘅麻糬窩夫、3個主食同飲品：

🧇#紅豆抹茶麻糬窩夫：份量都算多。一層薄薄哋、連埋啲綠茶粉嘅麻糬鋪喺4舊窩夫上，再加埋抹茶雪糕、紅豆同有少少黑糖味嘅cream，撈埋一齊食超正🤤 身為抹茶控+麻糬控嘅我，表示好鍾意😻 但個人希望抹茶味再濃啲苦啲會更好🤭🍱#味增三文魚腩親子丼：因為食咗窩夫，就唔想咁heavy，所以就揀咗呢個椰菜花飯，捨棄咗雞胸窩夫漢堡。啲三文魚腩煎得幾香幾好食，但我冇諗過其他嘢（包括椰菜花飯）全部都係凍嘅😹 如果入面多返樣熱嘢，我會開心啲🫠
🍵#焙茶鮮奶：暫時係我喺香港飲過算比較好飲嘅，個比例溝得唔錯，推薦👍🏻👍🏻👍🏻
🥗朋友們分別叫咗 #慢煮雞胸肉 & #手撕慢煮法式油浸鴨 嘅 All Day Breakfast。雞胸肉幾嫩滑，而油浸鴨嘅味道亦唔錯～整體配搭都幾好，同其他餐廳嘅all day有少少唔同，其他配料都好食🙂 綜合朋友對寵物友善餐廳嘅睇法，呢間算係性價比較高，而且選擇亦較多；想帶寵物出街食飯嘅朋友，可以考慮嚟呢度😉

飯局間唔中都會打邊爐，搵到平靚正嘅火鍋放題的確好重要🤪 朋友介紹呢間「#馬辣台式鴛鴦火鍋」，2.5小時任食、生啤任飲，都只係$200頭，仲有每人1杯Movenpick雪糕送😻性價比都算高～
🍲我哋揀咗「#台式麻辣鍋」同「#酸菜白肉鍋」。麻辣鍋嘅小辣唔算太辣，好彩我混醬嗰陣拎咗啲花椒油補底😹 另一鍋唔辣嘅味唔算太突出，有啲似加咗味精嘅清湯🙈

火鍋配料方面：整體嚟講都係正常火鍋店有嘅嘢，而我覺得「#甜不辣」同「#韭菜餃」最好食😋

🍻個人認為比較吸引嘅，就係有好多款啤酒任飲，包括生啤都有得無限添飲🤩！

🍦埋單後，店員話可以憑單去甜品吧度一人拎一杯Movenpick雪糕🤤 以呢個價錢嚟講，有得食Movenpick再加生啤放題，已經係物超所值了🙂

喺香港好食嘅甜品店，基本上一年四季都咁旺場，刨冰專門店亦唔例外🤩！之前有朋友講過「#ShariShari」係最好食嘅刨冰店，今次終於有機會一試😻

🍧我哋加埋叫咗3款刨冰：
🍵#抹茶忌廉焦糖刨冰（配白玉）：身為抹茶控，當然要揀返抹茶味先滿足🤭 可惜嘅位係，抹茶味嘅苦比焦糖嘅甜味搶走咗；如果一啖裡面只係得焦糖味，就會甜到死，多過抹茶味嘅話亦會錯重點🥲 我諗配紅豆嘅宇治金時味應該會好少少～🫠🍨#伯爵奶茶刨冰（配白玉）：呢間刨冰嘅高質之處，就係可以好簡單、唔需要太多配料都好好食😋 除咗白玉，刨冰入面只係有消化餅碎同奶凍🍮 我本身唔太鍾意伯爵茶味，但都覺得好食😀
🖤#日本黑芝麻刨冰（季節限定）：芝麻味超級濃郁！！芝麻醬多到滿瀉咁滯，就好似食緊夠濃嘅芝麻糊咁，同埋有之前喺日本食黑芝麻芝士蛋糕嘅味道🥰
唔知遲啲會唔會再出豆腐味呢🥹？同埋下次好想試吓焙茶黃豆粉～～🤤

一班朋友食飯，叫餸食小菜都係一個好選擇。今次就揀咗食酸菜魚，有得揀辣度之餘，仲有其他小菜可以食😉

🐟我哋叫咗條標準size嘅小辣酸菜魚，我覺得一啲都唔辣😹 不過條魚唔多骨，加埋薯粉用嚟撈飯食都唔錯～我見唔食辣嘅朋友都食到，如果鍾意食辣啲嘅朋友可以揀中辣或以上😻 🍲#咸菜豬肚湯 比我想像中好飲，啲咸菜都幾甜，有好多菇喺入面，如果胡椒味再勁啲會更好😋
🥔#酸辣土豆絲 係我唯一食到辣味嘅小食，都幾惹味，每次都想夾多幾條🤤🥘我哋仲叫咗 #鹹魚雞粒豆腐煲，啲炸豆腐幾滑；同埋 #啫啫芥蘭煲，菜嘅份量都算多，亦都好啱用嚟送飯🙂

其中一間我要大推嘅Cafe，一定有「THE SITE」份😻！無論你想三五知己、拍拖定me time都好，呢度都係一個好地方🥰

🍝我哋5個人叫咗3碟意粉：#明太子蟹肉忌廉意粉、#香煎日本刺身帶子蒜香意粉、#蕃茄藍青口意粉。每款都十分出色，尤其係明太子蟹肉意粉！！Creamy得嚟啲明太子又唔會太鹹😺 啲海鮮亦煮得啱啱好，2粒帶子夠大粒，不過同人share嘅話就唔夠喉🥹🥗另外都叫咗個「THE SITE 全日早餐」。平時我好少叫All Day Breakfast，但今次啲配料我都覺得好食👍🏻
🍮嚟到呢度一定要食「#日式焦糖布甸」！！！！真係超好食😻 又係本來好少食嘅甜品，但係夠滑同甜度適中，諗返起都想再食🤤
🍰總係要覺得食埋件蛋糕先滿足，我哋就叫咗件 #原味巴斯克蛋糕。其實想試唔同味，可惜當日冇晒🥺 原味都好好食，鍾意食cheesecake嘅朋友應該都會鍾意食😊
🍵飲品我揀咗「#鮮奶日式抹茶」。抹茶控表示幾好飲，拉花亦好靚😻
下次會嚟食Risotto同其他未食到嘅甜品😋

之前Office喺旺角，早午晚都有好多餐廳可以揀，除咗因為老闆們，呢度嘅食物的確性價比高，而且都幾多選擇😻
🍝泰國菜之中，其中一樣我最鍾意嘅就係「#泰式蝦炒金邊粉」🤤 酸酸甜甜嘅炒金邊粉，再加上蝦🦐同其他配料，既開胃又飽肚😋
🥙#秋葵生菜9包：其實我一向好怕食生菜包，因為比韓式烤肉更容易食到周圍都係🤣 適合用嚟送飯，同埋鍾意食重口味嘅朋友應該會啱食😉

🐔食泰國嘢都會想食吓咖喱，我哋揀咗 #紅咖喱雞 配 #蒜蓉法包 😛 呢個配搭一流，雞嘅份量比想像中多，算係抵食👍🏻

🥘同場加映一次食Lunch叫咗嘅 #青咖喱～味道偏甜，唔算太辣😺 呢度食晏其實係好抵，60幾蚊有個餐包嘢飲；相比起同區求其一間好唔好食嘅茶記，啲茶餐平均都要$5X，呢度真係抵好多🥹


下次一定會再嚟試多啲其他嘢😊！！

喺尖沙咀行街行到肚餓，第一時間就諗起AK老闆哥哥間拉麵店「#日暮家 麵匠」😻 拉麵有幾款味道選擇，總有一款啱你心水😛
🍜#琥珀拉麵：即係 #黑松露蜆貝醬油湯拉麵，配 #慢煮豚肉 加 #雞肉叉燒，另外仲加咗隻 #溏心蛋 🥚 湯底唔算鹹，但黑松露味唔夠重🥲 不過我幾鍾意入面配蜆肉同雞肉叉燒～感覺冇咁肥膩😋
🥟食拉麵可以加錢配小食+飲品，我加咗3隻 #羽根餃子。餃子味幾好，可惜好快就凍咗🥹🐥另外屋企人再加咗個 #天婦羅無骨雞翼 配 #明太子醬。我本身唔鍾意食雞翼，但呢碟雞翼又幾好食喎🤤 值得試吓～👍🏻👍🏻👍🏻
🍵飲品方面，我揀咗 #日暮家黑豆茶 😼 食完拉麵再飲黑豆茶，清清哋解吓膩，感覺非常好😺
下次嚟再試吓唔同味嘅拉麵先～～😽

陪朋友去海濱放狗，想坐低食個tea都唔係間間得。咁啱嚟到「#屋子」，見到仲有下午茶，而又有近門口嘅位置安排比有寵物嘅客人，我哋就可以安心坐低食返個tea 😋

🍝有選擇困難症嘅我，最終揀咗「#明太子奶油意粉」。明太子同温泉蛋都係我鍾意嘅組合🤤 加上今次提自己要撈勻啲，所以唔會太鹹。不過呢度嘅意粉就偏粗身，質感比較似港式多過日式🙈🍚朋友叫咗「#關西牛肉茶漬飯」，佢話牛肉偏甜。睇返正規menu原來仲有明太子同鮭魚，如果有呢兩款我都應該會揀食茶漬飯😀
🍰總覺得要食埋甜品先滿足，於是我哋就揀咗好似個三角形小山丘嘅「#抹茶小丘」。個人認為朱古力味嘅餅底都幾好食，但抹茶味可以再濃啲😉
🍵飲品我揀咗「#焙茶牛奶」。正常味道。可能我之前喺日本飲過太好飲，所以有比較有傷害😹整體嚟講，呢度嘅下午茶係抵食嘅，同埋都算多選擇，去開附近嘅朋友想搵個地方坐下食tea，都可以嚟試吓😊