添發碗仔翅美食 (新馬路)

有一次行過紅窗門, 又未食過呢間d 碗仔翅, 聽日朋講話ok...咁就入去買返屋企食la...
叫左一個招牌魚肚海參大隻翅, 一個豪華碗仔翅, 一個雞絲竹笙碗仔翅...佢係即叫即煲ge...so都要等一陣la, 拎左返屋企就梗係即刻開黎食...
招牌魚肚海參大隻翅 - 我唔覺得佢舊翅可以稱大隻lo...又加左醋同麻油...total只係食到d醋同麻油味...
豪華碗仔翅 - 就ok la... 都係好普通ge碗仔翅味,就係多左1~2條薄到不得了ge海參...
雞絲竹笙碗仔翅 - 呢碗就真係碗仔翅咁lo...有咩咁特別...最特別ge就係佢特別貴lo...
如果可以比我簡...就算佢同出面ge碗仔翅一樣價錢...我都未必會食佢...

潘榮記 (新馬路)

呢間你唯一一間我次次去親都會休息ge食店...但係我又會一次又一次咁走去睇下佢有冇開門架wo...
因為佢d金錢餅太好味la...又香又脆, 又唔會太薄...好似食緊以前藍罐曲奇咁...好好味...好野係值得等ge!!

又一川 (黑沙環)

前日想食酸辣粉, 坎去左又一川度食la...心思思又想食水煮野wo...咁就叫左個水煮田雞萵荀底中辣...
佢d水煮野唔係好多汁個種...係有少少芡汁ge...佢d田雞好大隻架...好多肉tim, d萵荀仲係爽ge...好好味!!!值得推薦!!!
酸辣粉就都ok好味...好過x哥lo...

琛情咖哩 (望廈)

我之前都係睇左openrice先去試下ge...試左一次即刻上哂癮la!!!
我一入到去, 個老闆就走出黎招呼我地, 同我地介紹有咩好食咁, 個老闆都幾得意..haha
我order左一份黑椒牛柳6成熟, 咖哩牛腩米中辣, 咖哩海鮮飯轉豬仔包, 一杯夠薑碧...
d野黎到真係好驚喜ar!!!!!個份黑椒牛柳, 真係好正, $60有3大塊, 仲跟埋飯!!每一塊都有2cm厚, 超juicy!!!好味道!!!!!
咖哩牛腩米中辣, 咖哩味好香, 但係唔似d印度咖哩咁杰, 不過對於我中辣唔夠辣lo...再叫佢比多一碗咖哩汁比我, wa!!正!!!!!!!!!!!!!!!
咖哩海鮮飯轉豬仔包, 好驚喜ar, d海鮮好好好新鮮!!原來老闆會去街市買新鮮ge海鮮, 最驚喜ge係佢d魚塊, 係新鮮ge石斑塊, 用個個豬仔包黎點d汁黎食, wa!!!好味到呢!!!因為男朋友唔食得辣, so呢兜咖哩係唔辣架, 但係都可以咁好味!!!!!不得了!!!!!
夠薑碧-一定要講, 其實佢係薑汁檸檬雪碧,好好味...係我想像唔到咁好味, 老闆每日一早就會榨薑汁!!好有heart!!!!
食飽飽之後, 老闆走埋黎問我地覺得點....仲請我地飲牛骨湯...好味到呢...因為我屋企都會煲牛骨湯ge...同我屋企煲ge係一樣味架!!好濃牛味!!
最攪笑係老闆係我比錢ge時候, 同我地講左一句"你地真係大膽...夠膽飲我d牛骨湯...你一定上曬癮ar!!!!"係!!!我認!!!我真係上左癮la!!!!!

美家咖啡室 (下環)

我第一次食清湯腩就係係呢間la...我見網上有人介紹過話好味咪去試下lo...搵左一陣...唔難搵...外表好似一間舊舊地ge茶餐廳, 原來好多人識架!!入到去梗係第一時候叫個清湯腩煲la...唔係好大煲...都要60蚊我覺有d貴, 飲左一啖湯...wa!!好重胡椒味...唔係我想像中ge味道, 不過都ok!!d肉得幾舊...都幾腍...整體上都ok ge...點知我地食哂都唔多夠, 所以再叫多一個牛肉河, 點知有驚喜, 湯底好好味, d肉腍得黎又唔會好似用左好多鬆肉粉咁冇哂咬口!!so good!!!