鍋心粥底火鍋 (高士德)

本來係fb已經見到佢有賣廣告, 
我呢個海鮮痴已經心思思都試下, 
但係次次經過都見到好多人排隊,
又話唔知要book到幾時先有d食, 
所以一直都食唔到,
終於有一日大約6點半經過,
諗住試下問下有冇2位,
點知又有wo, 
一坐低就有人介紹個menu要點叫, 
海鮮類可以要5種, 
我地要左貴妃蚌(1人1隻), 白蜆(1人4-5隻), 白蝦(1人3隻), 肉蟹(1人半隻), 大花甲(1人2隻),
下面肉, 菜類可以選8樣, 
一開始佢比個粥水鍋底我地煮海鮮, 
再食肉同菜, 
食到差不多佢會比南瓜粒+芋頭粒用黎煮粥,
再過一陣會問係鐘意食杰粥定稀粥, 
佢地會比1大碗爛飯比你整粥食, 
佢地仲有個三寶:豬油渣,蔥粒,沖菜粒,
我因為之前要左炸魚皮,油條, 
所以全部落哂落去, 
再加上之前食ge海鮮同肉ge味道,
真心好味,
個粥食唔哂仲可以打包!!!!
2個人400蚊, 
你話抵唔抵?我就覺得唔洗我洗野已經抵返哂 

如果鐘意食豬油渣, 一定要叫佢落多d

葡國美食天地 (氹仔舊城區)

呢間葡國美食天地唔係我表姐同我講, 我都唔知有呢間好野存在ar...
表姐話好彩佢識人可以book到位, 如果唔係我地就食唔到呢度架la...
(因為我地都係即日先決定要出街食ge)
一入到去, 全部都係d外國人, 都有幾個旅客, 
個餐牌都有中文, 我第1時間就叫左2個sangria, 1個係白酒, 1個係紅酒, 
佢係用個葡式水壺瓷器裝ge, 平日ge sangria應該係用幾種生果整ge, 但係佢只係用橙...
食物方面, 最好味係葡式燒乳豬, 皮脆肉香, 
其他我地仲叫左沙律, 白酒煮蜆, 燒牛扒, 燒羊架, 燒魷魚, 白烚椰菜, 馬介休炒飯等等,
燒牛扒:要左7成熟, 因為我係食5成熟ge, 所以我覺得有d鞋...冇醬汁跟ge...食原味都ok
燒羊架:呢個我幾鐘意, 不過唔食得騷味ge人就要諗下先叫la, 因為都係冇醬汁跟ge...食原味
燒魷魚:好咸...本身個隻魷魚已經有d咸味, 燒個陣仲落, 就算加左d檸檬汁都仲好咸
白酒煮蜆:好味, 我本身唔鐘意食洋蔥ge, 但係佢個d洋蔥入哂味...d汁又有酒香, 正!!!!!

澳門金越越南牛肉粉 (荷蘭園)

而家打緊都已經開始流口水la....
我試一次堂食, 不過佢個鋪位有d細, 得一行位, 
所以我通常都會叫外賣返屋企食....
不過佢d野食真係ok....只係你要有d耐性...
佢得3~4個人做野, 即叫即做,
佢有一個好特別ge, 叫牛肉刺身, 
一聽個名我以為係全生ge牛肉, 
原來佢係一個好似牛肉沙律咁架, 
底下有d生菜同蕃茄, 上面係d外面已經燒熟左ge牛肉(大概4成熟la), 
因為我係打包返屋企食, 所以要開黎食ge時候d菜已經比d牛肉汁浸住, 
佢仲會跟1盒仔黑椒青檸汁, 
當然佢d牛肉唔會係咩和牛la, 但好有牛味,
我問過老闆, 佢唔係日日都有牛肉刺身,
要返到d質量佢覺得ok ge牛肉, 先會做, 
佢d檬粉有d好有特色, 好似蟹檬, 咖哩鴨檬都好味, 
佢仲有凍春卷同凍蝦(好似係呢個名)都好味, 
我覺得老闆對食物好有heart, 
佢覺得唔ok ge, 佢唔會比客食, 
呢d咪係良心lo.....

祥記麵家 (新馬路)

祥記聽佢個名就已經聽左好耐, 但係次次都食唔到, 因為佢個邊比較難泊車, 上上個星期行開個邊, 就同男朋友入去試下,
叫左一個馳名ge蝦子撈麵, 一個姜蔥魚皮, 一個冰糖雪耳;
個個撈麵好細, 真係好細, 我用左6啖就食哂, 不過真係幾多蝦子ge,
姜蔥魚皮就只有2個字形容--難食, D魚皮唔爽ge, 仲好腥, d汁又唔咸唔甜咁, 好難食!!!
冰糖雪耳得d糖味, 其他咩味都冇, 真係好一個冰糖雪耳ar!!!!

張記粥麵 (高士德)

佢一開張就已經食過幾次, 都覺得o幾好...又抵食...仲介紹左好多朋友去食,個個都話好食!!
但係佢越多人食d食物質素就越差, 次次去親, 叫個個2人套餐, 次次都唔同樣ge, d雞所謂雞件, 全部都係d骨...
可能佢地又唔係好夠人手la, 每次想加d粥都要叫2~3次先會有人應下你, 而且d粥又好稀, 食到最後成肚都係水....
不過佢d蜆芥鯪魚球都幾好食, 不過蜆芥就唔係人人都鐘意la!!!