阿啦 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-04-29
用兩款蕃茄,加上意大利黑醋及新鮮羅勒,多汁厚肉的蕃茄,味道清新爽口,微酸黑醋配羅勒香,加上奶香清新的布袋芝士,口感軟滑細膩,外層微煙韌,味道非常好。 用手製牛角包,香酥富油香,入口酥脆,配松露炒蛋,嫩滑蛋味濃,配大量新鮮松露片,超級香,加上巴馬臣芝士添加咸香味道。 西冷牛扒揀左五成熟,煎得香口,粉紅肉質嫩腍多肉汁,西冷唔會油膩感,亦少筋位,所以每片牛扒都口感好,沾蛋黃汁食更嫩滑。迷你薯仔調味到位,軟綿薯味重。 玫瑰伯爵茶牛奶,有淡淡玫瑰花香,入口有伯爵茶獨有的橘子香,牛奶融合各種味道,好清香輕盈的優雅茶味。 榛子朱古力牛奶咖啡,榛子與朱古力的香甜,配合牛奶咖啡的甘香,細滑順喉香甜帶甘。
評分: 味道 5 環境 4 服務 4 衛生 4 抵食 4
2024-03-27
今晚同友人去銅鑼灣的樓上Cafe [UNNIE],新店加上裝潢簡約,而且座位寬敞舒適,感覺可以放鬆享受咖啡,同友人飲野傾計。 沙律用油醋汁,味道帶點韓式風味,酸酸地幾開胃,沙律菜新鮮乾淨,食落好爽脆。 賣相好靚,乾坤黑白,有齊兩款口味,搞勻一齊食又有另一番滋味。 薯條即炸,又熱又脆卜卜。 抹茶味濃香,加左滑溜豆腐,令口感更細滑,而中和甜度,所以飲完唔膩,抹茶同豆腐兩者味道都平均,甜度唔高,好好飲。 咖啡突出,夠凍又夠大杯,個人喜歡啡味重,而唔酸,呢杯好岩我。 估唔到甜品都咁正,朱古力好rich,質感細膩幼滑,入口化開濃濃朱古力味,底層係鬆軟朱古力蛋糕。 推介美食: 乾坤海鮮炸醬意粉, 安格斯牛肉芝士漢堡, 抹茶豆腐拿鐵, 美式咖啡, 朱古力慕絲蛋糕
評分: 味道 5 環境 4 服務 5 衛生 5 抵食 4
2024-03-26
每次入長洲都經過呢間西餐小店,今日閒日見少人,就入去嘆個悠閒午餐。 可揀室內或室外座位,我揀室外,因為有陽光又有微海風,仲可以望到船仔長洲海景,感覺好似渡假咁舒服。 素菜春卷,即點即製,炸得金黃香脆,估唔到素菜都好好味,簡單餡料,有椰菜、甘筍、薯蓉,調味很好,就咁食都好好味,沾甜辣醬更滋味。 蕃茄海鮮意粉 用長洲街市每日新鮮入貨,魷魚、蜆肉、蝦肉都非常新鮮,魷魚彈牙,蝦肉爽口,最吸引係蜆肉,超大超鮮甜,脹卜卜好飽滿。意粉也煮得有咬口,掛滿蕃肉的醬汁,用料很足很用心。 香草燒雞(半隻),燒得好靚,皮脆肉嫩,做法亦非常欣賞,將rosemary 同調味都釀入雞皮同雞肉之間,雞肉吸哂香料味,每口都有濃郁rosemary 香,雞肉亦保持濕潤多汁,雞胸亦做到嫩腍,雞脾肉有彈性。 沙律亦落足料,用油醋汁調味,蔬菜清爽消膩。粗薯條飽肚又重薯味。 雖然中午就飲酒,但吹海風嘆酒好chill 見到其他客人食pizza都好吸引,下次可以再去。
評分: 味道 4 環境 4 服務 4 衛生 4 抵食 4
2024-03-26 慢活瞬間長洲粒粒雪糕 (長洲)
好香好惹味,鰻魚汁甜甜地,好夾海鮮,帆立貝煎得香脆,咬落好嫩好香。份量多又大粒,好味抵食。仲有沙律都新鮮乾淨,蔬菜爽脆,加芝麻醬汁好開胃。 好香帶微微羊羶味,肉質都嫩帶肉汁,有肉香夾著脂肪位,特別重羊位同油香,配沙律消膩。 搞勻先飲,清新爽口,有甜甜蜂蜜味,果味都突出,個底有蘆薈粒粒,酸酸甜甜好飲。 推介美食: 鰻魚汁帆立貝, 法式香草羊架, 長洲撈撈麵, 蜂蜜白提梳打, 粒粒雪糕
評分: 味道 4 環境 4 服務 5 衛生 5 抵食 4
2024-02-29
個湯底味道濃郁,好重胡椒香,咸菜爽脆,豬肚很最後食夠軟腍入味。 今晚主角手切本地肥牛,牛肉船 超有氣勢,有牛筋膜、手切肥牛、牛脷托、牛爽肉、金錢展(牛展)、安格斯牛、牛肉粒。 份量十足,墨魚滑雪白,入口彈牙爽口,墨魚味亦重。蝦滑微橙色,食到細細的蝦肉粒,爽彈口感也好好。 什餃 $22 粒粒飽滿,脹卜卜好多餡。 好豐富有齊多款蔬菜,包括有蕃茄、紅白蘿蔔、粟米、冬菇、娃娃菜、唐生菜、油麥菜。蔬菜都乾淨新鮮,粟米好甜,冬菇厚肉吸哂湯汁好正,蕃茄好多汁。
評分: 味道 4 環境 4 服務 4 衛生 4 抵食 4
|