camilyhinyan 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2012-04-21
好野有芝士蛋糕食! 講樣,其實好少蛋糕長方形,多數圓同正方,上邊放果D粒粒好似曲奇﹐聽講係話一一放上去。 味道方面,白白的CHEESE真係好LIGHT,唔HEAVY,女仔最怕肥,不過呢層CHEESE好OK,堅好食。 下層有薄薄一層柚子,甜酸好清新,我未食過蛋糕有柚子架!!!!! 幾夾呀~ 我地個個都覺得個蛋糕幾好食,不過舊檸檬最咩事燒到咁燶呢? 黑晒 =_=" 溫馨小提示: 用HSBC/HANG SENG CARD有折呀,要買記住帶呀~
評分: 味道 5 環境 5 服務 5 衛生 5 抵食 4
2012-04-20
朋友約去九龍酒店龍逸軒食中菜,高級中菜喎,好期待。 入到龍逸軒,好失望,點解個中菜廳會咁細? 好似酒樓用木板間開一個Corner咁,放得十幾張枱,以高級中菜廳嚟講,氣派唔夠。 朋友點了幾道招牌菜,首先是避風塘豬手。以蒜粒辣椒辣炒軟淋淋豬,超好食! 豬手淋而不膩,辣味入肉,一流! 第二道,乳豬配芒果醬,ok喎,乳豬外皮鬆趣,配合鮮甜芒果醬,味道竟然天衣無縫。 第三道蒜香脆皮雞,雞肉嫩滑,外皮趣卜卜,又係好食。 其他一般般,但都味道合格。 賣單每人$350,用citibank有8折,又有免費拍車,算抵食啦! 總結幾句,九龍酒店的食物和服務一流,但環境則有點侷促。
評分: 味道 4 環境 3 服務 4 衛生 3 抵食 4
2012-04-18
開左個ACCOUNT咁耐,都係第一次寫食評.. 星期一去左同屋企人吃飯,見美心中菜做五邑菜promotion , 阿麻系新會人,所以就簡左係到食... 前菜有蘿蔔果d, 38 碟,不過都好貴下 之後 點左鼔油鵝,鼓油味好濃,略帶甜,鵝半肥瘦,脂肪吸了甜鼓油味,正!不過吃兩件就收手,驚膽固醇超標。 蒸(lim) 魚,唔太識讀個名,幾塊魚已經168!魚肉用左新會火蒜加陳皮,再加蒸魚鼓油,比起一般海斑鮮味。 豆腐蒸帶子,十個好食,山水豆腐滑入口,帶子切薄片豆鼓一齊蒸,全家人都啱食,真系老少咸宜。 甜品就叫左陳皮紅豆糕, 即叫即做,仲暖立立 雖然埋單都唔小$$, 但值我一試~~~~
評分: 味道 4 環境 5 服務 4 衛生 4 抵食 4
|