京城茶餐廳 (慈雲山)

難得老豆休息，一於成家人落街食番餐！
見三記同洪記都爆哂人，唯有試下呢間啦。

叫左：
煎墨魚餅－食左兩舊，只係覺得唔係好新鮮，想同佢退番，但老豆話算
啫啫雞煲－只係記得好多雞頸同雞骨
椒鹽多春魚－都算乾身，但好似細碟左d，每人食到兩條左右
紅燒豆付－d豆付又係唔係好新鮮，真係佢問下佢個雪櫃搞咩，雖然呢排天氣熱，但都唔可以咁囉
金銀旦現才－較為穩陣的一個餸
粟米魚肚羹－一般啦，略為淡左d，但都算足料既

小插曲：當我地食哂其他餸都未見個沙拉骨既縱影，追佢又話出緊，等等等多半個鐘都未出，真係火都黎！
咁既服務態度，拖得就拖，唉！漏左單咪出聲囉，又無又要人係度等！

附近既洪記同三記多數都係坐街，都算係慈雲山既特色黎既，但呢間鋪既街位完全阻住左半條行人路，d人行過都會撞到你
我就唔係幾鐘意

慈雲山小食館 (慈雲山)

中學既時候已經成日黎TEA...

佢D老柴(燶D既香腸)同火牛(炸牛丸)就係我既至愛!!

佢最正既地方就係D秘製沙爹汁... 次次食都要多沙爹!

不過可惜就係愈黎愈貴啦... 有時叫幾樣野食已經廿幾蚊

不過久唔久一次都係唔錯既選擇~

華生冰室 (彩虹)

華生係其中一間最受ｓｔ．ｊｏｅ仔歡迎既飯堂。無他，全因為價錢夠平（１８蚊連飲品），而且選擇夠多！每日ｌｕｎｃｈ時間，枱面都會出現一座巨大既飯盒山，準備比大批ｓｔ．ｊｏｅ仔攻陷

今日十二點九左右黎到華生，就發現竟然入都入唔到去，因為門口已經堆滿好多學生，不過出奇既係幾分鐘左右已經入到去，可見華生出菜之快！！

必食推介：
楊州炒飯 (熱鍋即叫即炒，蛋絲﹑火腿﹑叉燒等材料完美配合！)
西炒飯 (好多人話好食，不過就略嫌茄汁味較弱！唔夠搶，亦即係個西炒飯唔夠西！)
咖喱吉豬飯 (招牌吉豬深受眾多學生歡迎，我自己亦非常推薦)
窩蛋免牛飯 (記得撈勻先食，曾經試過中招不過味道真係正！)
黑椒雞扒意 (黑椒炒到好香口，唔食得辛辣野既朋友要小心)

華生既飯盒咁好味，除左多ｓｔ．ｊｏｅ仔之外，筆者隅然都會發現有時衛生情況都幾好，不拘小節既朋友可以選擇買外賣，一於眼不見為淨，但如果你係潔癖一簇，就最好諗一諗先喇！

ｐｓ：去華生飲可樂記得叫阿姐少冰，如果唔係．．．哈哈 ，你將會飲到一杯夠哂冰凍既可樂

啟眾美食快餐廳 (九龍灣)

每 日 既 12:25
呢 到 就 會 聚 集 左 一 班 又 一 班 既 st joe 仔 離 開 餐
而 最 受 歡 迎 既 就 當 然 係 貼 晒 起 牆 上 面 日 日 一 樣 既 快 餐
貪 佢 唔 洗 等 呀 嘛
我 地 成 日 會 叫 佢 做 頹 飯
因 為 佢 d 餸 大 部 份 都 係 冇 骨 既
好 似 栗 揚 洲 炒 飯 呀 沙 爹 牛 肉 飯 呀 吉 列 雞 扒 呀
午 餐 肉 腸 仔 火 腿 蛋 呀 等 等 等 等

每 次 當 我 煩 惱 緊 食 咩 諗 爆 頭 都 諗 唔 到
而 又 被 周 圍 同 學 催 我 快 D 落 單 既 時 候
就 會 好 無 奈 咁 揀 左 揚 炒
唔 係 因 為 佢 整 得 難 食
而 係 因 為 . . 呢到 既 揚 炒 係 冇 叉 燒 既
佢 用 左 火 腿 離 代 替
不 過 都 唔 緊 要
學 生 仔 lunch 都 係 志 在 平 平 地 填 得 飽 個 肚 姐

熱 氣 之 選 就 當 然 係 吉 列 系 列 啦
有 雞 扒 有 豬 扒
岩 晒 咁 多 位 鐘 意 食 肉 既 學 生 仔
不 過 略 嫌 粉 有 小 小 厚
一 個 飯 既 神 粹 除 左 餸 之 外 就 係 個 汁
有 茄 汁 燒 汁 黑 椒 栗 米 豉 油 咖 哩
每 樣 都 獨 當 一 面
而 我 就 當 然 係 揀 我 最 鐘 意 既 茶 餐 廳 茄 汁
貪 佢 夠 甜 夠 好 味 呀 嘛

飲 品 方 面
真 係 非 常 足 料 呀
茶 走 自 動 多 煉 奶
凍 奶 茶 自 動 多 冰
不 過 學 生 好 在 凍 飲 唔 洗 加 兩 蚊
有 咁 既 味 道 咁 既 份 量
真 係 抵 到 爛
廿 幾 蚊 一 個 晏 晝
去 邊 到 搵 呀

坪石海鮮酒家 (彩虹)

燒味飯呢d 野，午飯時間極度肚餓既時侯，一舊肥美叉燒加一啖熱既白飯擺入口，成個人真係會醒哂！

坪石酒家就推出左十蚊單拼燒味飯，結果就吸引左好多聖若瑟既同學日日黎幫襯，貪佢夠平質素又唔差！

講下d 燒味先啦，叉燒方面其實偏瘦，好少會咁好少比到d 肥既你，因為通常比較肥美果d 都拎哂上去樓上比人！
雞方面就中中挺挺啦！有度好就係唔肥！(不過我地呢d 後生仔一於少理，食雞不嬲連皮食！)
燒鵝就真係好睇彩數，好彩既時侯會比到多肉既部位你，唔好彩起上黎一排燒鵝骨仲多過肉！！
燒肉就麻麻啦，可能放得耐又或者燒得唔夠好，d皮唔係太脆！
呢度既好處係薑蓉﹑芥末同燒鵝醬任拎唔嬲，撈飯真係一流！

不過近年燒味飯既價錢已經上升左兩至三蚊，超抵燒味飯將會隨住聖若瑟遷校成為絕響…