阿麥廚房 (銅鑼灣)

同先生閒逛搵地方食晚飯，8點零經過呢間餐廳，睇過menu啱食又唔駛等位……就決定試吓
職員好好，就算冇訂枱都安排一張4人枱比我哋坐得舒服啲

點咗兩個set dinner, rib-eye同risotto
頭盤唔記得影^_____^'' 純粹揀咗田園沙律同Caesar salad, 冇特別


蒜蓉包上到枱仲暖暖地好細心……西蘭花忌廉湯，夠香有咬口


冇湯料嘅雜菜湯……雖然味道香濃但係欠缺口感


伴碟擺設比預期簡陋，肉眼好薄，唔好食，賣相同味道相信花園餐廳還好……切開over8成熟……跟住先醒起餐廳職員根本冇問到我哋要幾成熟……欠缺專業，因為反正都唔好食，都冇謂追究


意大利飯生熟度剛剛好，上枱熱辣辣，黑松露同野菌好香好濃味，我鍾意帶子就麻麻，有雪藏味


問職員甜品係咩，職員話：caramel parfait，所以加$18要咗個甜品……不過嚟到……咁似chess cake嘅？！再re-confirm職員都話係caramel parfait……
真係孤陋寡聞……食落同切開都似硬咗嘅雪花冰，焦糖味就唔多覺，唔係我杯茶


餐飲多選擇，唔錯！不過杯碟冇諗過係茶餐廳style

Greyhound Café (太古)

飯後最好就係食甜品每次都係堂食，今次先生特登買外賣比我呢個為食嘅大肚太太



打開第一個觀感就係細件……比起堂食真係細件咗幾多……


Crepe cake味道依然保持水準……cream夠幼滑，亦都唔太甜，不過蛋糕下面完全冇底紙，直接落紙盒……蛋糕未食完，紙盒底部已經有霉嘅情況，希望有待改善

Sweets Rococo & Café (銅鑼灣)

曾經喺團購見過呢間cafe，覺得好靚……咁啱又途經銅鑼灣，所以就算冇買團購都有興趣去拜會一下。
去到四點幾，門口仍然掛上午餐牌，當上前詢問職員先表示午餐已過，職員遞上下午茶同all day menu


入到去坐低，雖然地方唔大，但係環境擺設感覺都好舒服







因為喺門口已經睇過menu，所以好快就決定要一份叉燒拉麵同一客香蕉pancake，可惜職員表示冇叉燒……


Mini roll cake要嗌3件先可以加$18變set， 實在太多……而其他食物亦都唔太感興趣，所以最終我哋只係share pancake




咖啡一般……okay


以日本鮮忌廉做主打嘅甜品…… 香蕉唔多……pancake切開好稀散，裡面有少少濕濕地，唔熱亦都唔夠香……以我個人準則嚟講就唔合格

P.S.*雖然餐廳裝修好靚，但係相比職員服務質素同食物水準，真係落差太大……撇除環境，就好似去咗一間選擇唔多嘅茶餐廳……
當然，如果純粹享受佢嘅環境、飲吓花茶、傾吓計……係完全冇問題

金饍韓國料理 (太古)

聖誕節咁普天同慶嘅日子，對於我呢位準媽媽嚟講，雖然粗身大細不適宜周圍迫……但係都冇理由唔賀一賀佢嘛！

同老爺、奶奶 & 老公揀咗個4人餐$1028(未計加一)再額外叫咗一個海鮮煎蔥餅





前菜冇得refill，要額外加……每碟$10；但係隔離嗰張2人枱嘅前菜份量同我哋4人嘅都一樣，係咪有啲唔合情理呢@~@






豬排骨唔夠juicy，未食都見到佢乾爭爭……比起其他肉遜色




豬肉鹹咗啲……用嚟送飯食就啱啱好


唔好飲……好腥


雖然料唔多，不過味道Okay


牛肉最好食，份量又多又好食^^


食埋雪糕，美滿^~^


再食埋香口膠清一清燒烤味……埋單回家^^

芽莊越式料理 (太古)

今日一行8人，2小6大一齊喺附近食晏晝，呢間嚟過幾次，都知道佢嘅湯河味道偏淡，唔啱我呢種鍾意濃味嘅人仕……不過勝在唔駛等位

原先想食香茅豬扒湯河，所以冇刻意睇餐牌就嗌……不過餐廳職員回覆：「呢度冇」……噢呢間餐廳真有性格，有豬扒撈檬，但係冇豬扒湯河……唯有嗌過第二樣



一如既往，湯底偏淡，要加大量魚露同青檬先合我口味


老公都係喜歡濃味，又唔鍾意落魚露……所以更加清淡


老公哥哥話牛唔錯，湯底冇味


最好係豬扒，夠味又夠腍，讚！職員唔記得比魚露……如果唔知要落魚露嘅朋友就會奇怪點解撈檬咁淡都有人鍾意食


冇特別


夠香夠脆，好味道！


我冇食，不過佢哋話好味道！

點完菜，先醒起問職員點解有豬扒撈檬，冇豬扒湯河男職員話:「冇豬扒湯河，不過豬扒可以另外嗌」……呢間餐廳嘅職員真係有性格，唔問唔講……欠缺笑容亦都欠缺主動性