凡直友里 (元朗)

是日放左工, 想食番餐好既來慰勞下自己但又唔想山長水遠出出面食。

係朋友推薦下,介紹左小妹來呢間隱世西餐廳"食好西"

呢間淨係聽個名已經好有夠啅頭夜晚8點左右已經FULL哂咁滯, 想食記得要早D來或者記得BOOK定位啦。店內裝潢走工業懷舊風格, 但燈光唔會太暗, 氣氛很好。開放式廚房同水吧別有一番風味。仲有即開生蠔中意食蠔既朋友唔好錯過!!

還有酒單, 岩哂放工想食飯又想HAPPY HOUR既你地阿, 唯小妹明天要開早就沒有點酒了~



菜單選擇很多, 花多眼亂, 實在有太多都好吸引, 樣樣都想試既小妹最後都係忍唔住去問下店員有咩好推薦~
店員推介左幾款特色菜色比小妹, 所以有選擇困難既朋友唔洗驚, 
唔知點選個陣不妨問下店員有咩是日推薦吧!


左手邊既係PEACH SOUR, 右手邊係PINE'ART'PLE。
2杯都係Mocktail來~無酒精, peach sour比pineartple甜d, 小朋友實中意, pineartple就開胃d, 鮮果味重。


先上既係頭盤鵝肝多士
多士好脆, 絕對冇因為鵝肝既油份令到多士軟掉
上桌閎仲有熱氣, 但唔會辣親口, 係剛剛好放得入口既溫度, 都係最美味既時候
因此唔建議相機食太耐阿!!


切開鵝肝d油先滲落去多士度, 放入口, 鵝肝煎得剛剛好, 
完美既多脆內軟, d油係口腔入面爆開, 完全冇異味, 
都冇好重既油膩味, 完全勾起左我既食慾阿!!

跟住係店員推薦既必食既炭烤原隻魷魚筒釀蟹肉及辣肉腸伴墨汁西米脆餅。
旁邊仲有蛋黃醬，日式風味醬，蕃茄味辣醬。
令小妹覺得驚喜既唔係黑色既脆餅,而係用西米做既脆餅~
咬落去好脆, 但𡁻落係有少少煙韌, 個人覺得配日式醬最好食!


魷魚內塞滿哂蟹肉,絕對冇呃稱!
魷魚好新鮮廚師煮得剛剛好, 爽口得來唔會老到韌, 
蟹肉有蒜味調味, 淨食既經好好味
個人覺得配蛋黃醬最夾!!
蕃茄味辣醬對小妹來講有點辣, 但愛辣之人切勿錯過阿!!



之後係鵝肝煙肉砵酒汁烤焗法國原隻春雞, 店員非常貼心
比小妹既相機食完之後再幫我地切開, 如果唔係小妹都唔係好知點落手阿~
春雞裡面塞滿哂香草同配料, 香味由裡面滲出來

春雞食落去好嫩, 而且望到個碟就見到, 一d都唔油。
小妹有個習慣,就係會先試左原味再點醬食, 就咁食隻雞已經好入味
就算唔點醬一樣好食, 但醬汁都係一大特色, 醬汁雖濃,但唔會搶左雞既味道。
薯條脆卜卜,但唔油膩。由於雞真係是不油,所以薯條冇因為雞油而變軟


最後係北海道鮮帶子，煙肉，半乾車厘茄，嫩菠菜，香辣蒜片汁扁意粉
前面食左咁多肉, 呢個意粉微微辣, 再加上有車厘茄乾既酸甜, 即刻開胃番~
帶子粒粒都好大粒~煎得金黃非常好看
唯有點過熟, 略韌, 如果可以生番少少口感會更加出色~
不得不提下這個意粉爽口又滑, 小妹最怕食過熟既意粉
聽店員的推薦時得知意粉是用了3隻雞熬製多個小時的湯煮出來的意粉
所以就咁淨食意粉其實別有一番味道。

食到呢度其實小妹同友人的肚已經十分滿足, 店裡亦有甜品看起來十分吸引!!
唯小妹肚子已經食不下了只好當成下次再光顧的目標!!

總括來講, 食物質量同價錢成正比, 雖說不上CP值超高,  但是食物的質量是感到有誠意的
令小妹有再想光顧的意思!!

值得一提的是薄餅, 店內的薄餅都係手磋薄餅，師傅堅持每日自己磋，但由於薄餅的SIZE是固定了的，因此建議多人食。

雖然小妹的肚容量今次未能試到薄餅，但一大班人去的話千萬不要錯過!!!

Cafe Zense (銅鑼灣)

近日去左銅鑼灣一間樓上隱世cafe，感覺幾好，又無限時。可以同幾個閨密坐底傾下計，食下飯，甚至乎一個人叫杯咖啡，靜靜地看下書都唔錯。


呢到距離銅鑼灣地鐵站大約五分鐘到，內有分室內或室外坐，等天氣無甘熱都可以坐响室外，氣氛都唔錯嫁。
食物選擇唔算好多，但基本小食拼盤，意粉，All day breakfast都有。飲品選擇就有逾三十幾款。
芥末籽忌廉蟹肉雜菌意大利扁麵賣相幾好，個忌廉汁都整得好香濃好Creamy，不過芥末籽味就晤多唔突出。
扁麵好彈牙，吸收晒忌廉汁，非常惹味，整體唔錯，幾值得一試！
Zense雜錦拼盤，有香草蜜糖雞翼，蜜糖芥辣柳肉串，招牌薯條及紐倫堡腸。
紐倫堡腸肉質有彈性，咬落爽彈，味道又不會太鹹。
比較中意係香草蜜糖雞翼，蜜糖汁甜而不膩，甜甜地，肉質尚算嫩滑。
不過，第一次來到的時間，發現未熟透，而店員得知後即收回拼盤，重新翻熟雞翼。而雞柳就有點燶，但味道都好惹味。
飲品方面，點左杯荔枝薑梳打同朱古力沙冰。
荔枝薑梳打，薑味好出，飲完令喉嚨好舒服，入面有二粒原粒荔枝咬下，整杯甜甜地帶點辣，但易入口。友人個杯朱古力沙冰都唔太甜，但朱古力味好香濃，都唔錯。

新麻蒲 BBQ (銅鑼灣)

之前响網上見到新麻蒲的介紹，好似都幾吸引，於是今晚就book左位去一去，不過整體就不過不失，比預期中有點失落。

有唔同套餐選擇，價錢算係中上價，我地點左個烤肉兩人套餐，望落都幾豐富。
點左大約十分鐘都唔夠，好快手就上晒D食物，除左燒的肉外，亦有沙律，海帶，生菜等任食。不過D肉都留有雪，新鮮度好似就一般。
呢到係用網燒，所以都好快熟，要長期望住個火，而特別係個爐外圍都倒左D蛋漿，係混入泡菜，而蛋漿係任食，可以隨時叫店員加。味道方面，D蛋都好滑口，加左泡菜味道都好夾，幾好味！
呢個餐有五花腩，護心肉，豬頸肉，牛肉，豬皮等。比較好味係牛護心肉，雖然細細肉，但肉質嫩又軟腍，肉仲好有彈性。不過其他肉就味道不過不失，無咩大驚喜。其中五花腩太過多脂肪，燒完層層油，一D都唔Juicy。
飲品方面，點左杯Cocktail Rita - I'm fine，係菠蘿加酒，幾Fresh，而酒亦易入口。不過，整體套餐份量都幾足，食完超飽飽，飽到第二日早餐都食唔落。

Mr. Crab by The Captain's House (灣仔)

如果鍾意食海鮮的話，灣仔呢間Mr. Crab真係幾值得去。餐廳响灣仔地鐵站附近，步行去5分鐘到，都幾方便，食完仲可以去附近的利東街影下相添。

餐廳裝潢都幾時尚，全間以海為主，用上藍同黑襯托，又有一隻可愛的大眼「蟹先生」作招牌。分左二邊一邊高枱，一邊普通枱，因為人多關係，我地坐左坐枱個邊自成一角。
店員都好細心甘簡單介紹食物同餐廳特色，呢到主要出名在個「海鮮袋」，可以自由配搭，不過最少要揀三款海鮮，如果無頭緒的話，亦可以揀已經配好晒的Combo Set，之後就揀個醬油調味。而需要的話，醬汁可以另上，自己調味。
「海鮮袋」一來到就脹卜卜，我地揀左個Lobster Como。
之後店員就即場不停搖個「海鮮袋」，務求令入面的醬汁均勻。
一打開，全隻龍蝦出左來，賣相非常讚！而龍蝦亦切到半開，方便進食。
拉開對半開的龍蝦，入面都藏有橙紅色的蟹膏，橙色蟹膏甘香，肉質嫩滑又有彈性，鹹味不濃，不過鹹，好好味！
除左龍蝦之外，入面亦有多隻鮮蝦，粟米，魷魚等，食得出好新鮮，最好味係全部都吸引過Mr. Crab Cajun 的醬汁，呢個醬分為大中小辣，辣得嚟並帶點甜，令整體更惹味！
放入焗巴馬臣芝士大露筍條的擺設都好精緻，相機食先一流。
露筍條有成隻碟甘長，上面的漿粉均勻，而最值得讚係表面好脆口，而內裡的露筍條亦軟腍，雖然炸過係好邪惡，但脆口之餘，一D都唔油膩。
呢到的Cocktail賣相都唔錯，好有夏日feel，前面個杯係Frozen American Pina-Colada，有粉紅白藍三隻色，而入口椰子味清香，加上有陣陣菠蘿味，好Fresh~後面個杯就係Flambe Yellow，由Vodka加橙同菠蘿調製，酒味重小小，但都易入口。
最後食埋個甜品，S'Mores Dip賣相又係唔錯，係梳乎里來，不過梳乎里入面係朱古力醬，有D過甜，最尾因太甜食唔晒，不過都幾滿足。

龍鳳號 (觀塘)

今日响觀塘行下街，心郁郁想食台灣野，最終去左附近一間叫龍鳳號的餐廳。
餐廳佈局有種傳統復古味，全部用晒木枱木椅等，就連櫃都用上木色。
呢到係用點餐紙，自己畫，基本的台灣菜，如擔擔麵，滷肉飯等都有，選擇都多。
飲品係支裝，非常衞生。點左支桂花胎菊蜜，可以揀凍同熱。飲落甜甜地，帶清幽的菊花味，入面仲有明目的杞子添，而朋友叫左青檸百香果，佢都話幾好飲，不過就略有小小甜。

惹味肉燥湯新竹米粉味道唔錯，新竹米粉超幼，口感帶點硬身，令嚼勁同質感都比一般米粉好，而撈埋D肉燥，好惹味，唔會太鹹又唔會太淡，味道剛剛好。
鹽酥菇好值得點，每粒都好香脆，漿粉唔多，又唔會層層油，炸得幾好，嚟到個陣，仲係熱辣辣呢。成個質感，可以話內軟外脆，好好味！
湯點少得傳統的台式迷你佛跳牆，唔好睇見細細甕，二個人分都非常夠，而入面D料亦好足，有鮑魚，魚翅，海參，干貝等，味道香濃。
菇都係大大隻，咬落又有彈性。
整體食物唔錯，價錢中等，不過最好係原來無加一服務費，不過就變相無水供應，飲品要點選。