尚上下夏 - 養生雞煲火鍋 (尖沙咀)

成班同事做完個event老細請慶功，上open rice見到呢間野D評語唔錯就Book位試下。我地叫左兩個全雞煲，一個中辣一個少辣，全部人都鐘意食辣野唔駛就住，正!話黎慶功緊係要飲兩杯，同事叫左佢地推介嘅手工啤酒，個味幾特別唔似平時飲開果D味，好易入口，所以果晚唔覺唔覺都飲多左。叫左鹵水牛展，鹵水鴨舌同酸辣雲耳幾樣小食送酒，本人幾欣賞佢個酸辣雲耳，幾醒胃好食！雞煲黎到，搞兩搞，香味即刻出晒，拿拿聲夾件雞脾肉放入口，中辣味道啱啱好，雞皮唔肥，肉唔鞋，都算入味。食完雞加湯打邊爐，老闆請緊係食豪D，叫左瑤柱群翅雞湯同足料龍蝦湯(其實價錢一樣)，跟手叫左海鮮拼盤，美國桶蠔。海鮮拼盤勁大份，佢個menu上面D海鮮都有齊，推介花膠捅，打邊爐索左D湯勁好味，又夠淋，其次要推介係個桶蠔同鮮帶子，都係一樣大大隻，唔會好縮水，鮮甜味滿分。再黎叫左手切極品靚牛皇同佢地個牛魔皇拼盤，手切牛雪花紋幾靚，切得簿簿地，拾一拾就食得，嫩滑肉味十足，入口溶化。牛拼盤有就鐘意食佢個牛脷拓，牛爽喉都幾好咬口。鬼馬墨魚滑，墨魚滑讓入油炸鬼加埋蟹子，口感有唔同層次，推介必食!自家制響零，即叫即炸，熱辣辣，碌一碌湯，滋味無比。豬皮索晒個煲D汁，但又唔怕太淋一夾就散，讚！其它丸類，菜類果D基本野，無乜值得分享。今餐老細請唔駛我地埋單，自己黎食肯定食唔好咁多好野。

安安燒 (筲箕灣)

老公突然話掛住新記個芝士麵但又唔想落去灣仔咁遠，所以上黎open rice睇下最近邊度有芝士麵食，搵到呢間安安燒，見D食評都okay就揸車黎試下。


門口就可以泊車，幾方便，鋪唔算大不過唔駛等位。
點左麻辣豬耳，燒冬菇，燒娃娃菜，燒白鱔，芝士蒜蓉撈丁，同一個三重芝士撈丁。
串燒水準都算okay係D孜然粉重手左少少，偏咸。

重點推介兩款芝士撈丁，我食芝士蒜蓉撈丁，芝士加蒜蓉真係一絕，第2度未食過，認真好食！
老公食三重芝士撈丁，芝士汁多到撈唔晒，味道濃郁，難怪咁多人都俾好食評。
係個仕應妹妹態度麻麻，其他野都幾好，有機會一定再幫襯。

吉吉點 (觀塘)

去開附近探親戚，上完屋但就一齊落街搵野食啦！佢話食過呢間吉吉點唔錯就帶我嚟試下我叫左甜蜜回憶（花茶），我見到隔離台點左花茶d茶具好靚於是我都叫返個試下先。我比較怕好濃既花茶味，會覺得有加工feel，而呢到既花茶係淡淡既花香味感覺好清新唔錯呀！燒汁煙鴨胸腸粉，好特別呀！第一次食呢種中西合壁既野食，食落都幾夾！同埋如果中意食煙鴨胸就會中意食，因為腸粉冇乜味夾埋一齊食就冇咁'漏'啦～青芥鮮牛肉饅頭漢堡，佢係用饅頭嚟做漢堡包個包，中間就夾住舊鮮牛肉漢堡同青芥末醬咁既，舊牛肉要整到唔會死實實但又冇散晒都幾考功夫架，都個醬都ok架唔錯不過個青芥末味就濃左少少～蟹子燒賣皇，一客兩件既燒賣皇蒸好熱辣辣擺上台面好吸引呀！都幾大粒，估唔到入面既蝦都幾多同彈牙～芝心咸水角，見到係芝心就即刻點～齋食咸水角都悶啦食左廿幾年，加左芝士好味呀！芝士愛好者又唔怕熱氣一定要試呀！極品血燕鮮奶凍，身為女仔既我緊係要試下，燕窩加奶凍，燕窩唔會孤寒比得少，奶凍奶味夠濃夠滑！我親戚果然冇介紹錯～～

安安燒 (旺角)

今日收夜，一時興起同班同事去食野
咁岩經過個門口光光猛猛，就入左去食喇
首先我地一坐低就急不及待叫野食
我地叫左燒羊架、牛舌、羊肉串同埋燒多春魚等等..
上野食速度都唔會太慢..
一黎就係多春魚..真係好耐無食過咁好味既多春魚..
外脆內嫩..好快就比我地食哂
之後就係燒羊架..有d羊既羶味，但係又唔會燒得太乾太韌
第二輪我地就叫左d菜, 魷魚同雞泡魚乾 同埋叫多次燒多春魚
燒四季豆好似少左d..如果可以多d就好..
雞泡魚乾甜甜地又幾好咬
魷魚配個芝士醬都好好食
整體黎講都幾好..最重要止到想食小食既心

永樂園餐廳 (中環)

朋友帶路話呢度既熱奶茶和雙腸熱狗王好好味.
咁我當然係叫呢兩樣野啦.
熱狗王其實好似唔算大, 何解叫熱狗王呢?
就因為有雙腸?
老實講, 無想像中美味, 腸雖然有2條, 但細條, 無左食熱狗大大條腸o個種咬口, 而且呢2條腸都唔算好味, 偏硬.
熱狗個飽身都普通, 唔係脆脆地o個隻, 只係微暖既一個飽咁.
不過, 個特製酸甜熱狗醬加返唔少分, 如果話好味, 係指個醬, 咁我都認同既.
而且o係呢區收呢個價錢, 如果以價錢黎計, 咁其實真係算好味既.
至於熱奶茶, 就係一杯熱奶茶.