谷媽媽谷祖林嘅媽媽：為人見談好客友善，最重要係廚藝了得做事親力親為，接受新事物同意見。
四季烤夫(不過不失，用新派烤夫煮比起用舊派烤夫，更加易煮但口感亦比舊派略為迅色😕)
鹽蘇鷄(色香味驅全，賣相不錯！加上炸過嘅金不換，令到鹽蘇雞香味獨特好想食多件)
韮菜餃(皮係自家製...老實講唔係好得韮菜用肉嘅對比係2比8重要加埋少量蝦米茸嚟吊味...真係錯x晒！我問谷媽點解肉用韮菜比例會係咁，重要點解要落蝦米？佢話d客人唔重意食韮菜嗰種味喎有冇"九両菜"吖!!!!話明係韮菜餃更係食佢嘅韮菜啦比例最好係6比4，當做時期最好係7比3啦)
炸醬撈蕎麥刀削麵(麵本自台灣，幾好味煮得剛好有彈牙感，炸醬肉不錯肥用不多，合晒我懶係健康嘅要求😅)
整體不過不失，感覺似回家食飯一樣，唯一不足係韮菜餃...失望😕

November 21, 2013生日再唔係一日計係月份計，所以應該係叫"生月快樂"(成個月平均每日有人同妳興祝，妳話幾好呢！阿媽又可以煮少妳米，出去食又唔洗帶錢，幾好吖😎。。。可惜嗰個唔係我囉)
舊同學聚餐+補祝生日飯...日式火鍋放題：
同牛陣，牛涮涮....冇乜分別，牛肉我哋選擇日式和牛(佢話係澳洲嚟喎😑)要雞蛋+$10(佢話係日本蛋喎😑😑)除咗牛肉任上之外亦有簿豚肉同無骨魚都係一樣任叫。
飲品都有好多選擇當中重有兩款沙冰(士多啤梨番石留沙冰／菠蘿沙冰。。。幾甜)配菜自己出去攞，有丸／菜／魚／瓜／蒽／青口(係吖幾有誠意青口都有)醬汁超多選擇，連山椒醬都有(太多會好咸咖)
90分鐘打邊爐真係有d趕，順帶一題記住叫個木魚湯底，水未滾時放大量日本大蔥蒜同冬菇，打完邊爐時記得隔咗d油，飲一啖木魚湯加冬菇，正！😎😎😎

October 27, 2013又拉麵週街都係拉麵真係"梗有一間响咗近😑"。曾經有人同我講而家興拉麵不如開返間囉😑😑😑週街都係7仔同OK，你又唔開返間XYZ@&%#£(sorry我太粗口啦)
尖沙咀唔想再食嗰間仆街豚王，請移玉步柯士甸路。
魚介豬骨湯：
要淆最少15個鐘嘅湯底，先用豬骨湯加入兩款來自靜岡的鯖魚和沙甸魚乾、四款魚介粉、鮮雞及蔬菜熬製而成(諗起都大工程)
兩大片叉燒用咗五花腩唔算太薄，肉質唔乾夠腍燒過吓帶出咗少少香味，再加少少黑椒碎响面(令我食肉大增添😅)最衰冇蛋所以冇得講😑麵都係訂返嚟，不過不失！
日賣150碗賣完收檔，平均$88一碗😮最值得欣賞嘅係樽Olive Oil+Black Pepper食麵用嘅，少少夠咖啦，太多件事會變到錯晒！(本人題意淨返一兩啖麵同叉燒時，可以飮晒d湯再放一至兩匙嘅Olive Oil+Black Pepper......另一番風味)

October 17, 2013某日約咗阿妹(係吖，又搵阿妹陪吖)响銅鑼灣行行吓點知有d肚餓，又俾我盲擵擵搵到間拉麵店喎(再次聲名本人並非鐘意食拉麵，而係有咩食店格局可以一個人食嘢都冇咁odd吖？
外面一眼望入去已經睇晒全間舖頭。。。巧逼！全店10個位(所以好快又會有人响出面排隊)
食拉麵有套餐選擇(幾好喎！)要餃子定係龍蝦沙律(好明顯餃子係出面買返嚟啦點會自家製吖，咪玩啦!) 龍蝦沙律唔知係唔係.....但都好似係出面買返嚟，但勝在有新意，重送上6張紫菜俾你夾住d沙律食(紫菜太多啦，除非沙律多返d......我想多d沙律囉唔該)
麵質、湯濃度、多少配料全由師父話事(好似我冇問啫😅)，你自己只可以選擇要套餐定唔套餐，要限定版定唔限定版😕
ME:"限定套餐版要龍蝦沙律吖，唔該！"
老闆(Eric):"俾八達通定cash吖？八達通平$2喎！"
ME:"咁好有八達通？咁通啦，唔該！"
老闆(Eric):"請問你係咪......?"
ME:"😅我話唔係你信嗎？"
老闆(Eric):係咪做媒咖？
ME:除咗我之外其他都係堅過石堅咖(再次聲名本人堅係冇女友、老婆、仔女、男朋友、老公！同做媒冇關係咖)!
ME:其實我係吖XX..........
(為咗唔離題，已經拆咗百幾字去交代我點解會識個老闆吖，佢又問吓我「求愛」嘅嘢吖....其實已經離咗題好耐啦😑)
麵係交嚟嘅，好standard除非師父唔識煮麵啫，如果唔係都好難會唔好食。
湯底濃味夠，但唔夠膠！我最欣賞佢個限定版係有蝦乾，佢放咗d蝦乾落去吊起個湯底更加鮮甜，正！
叉燒Ok，起碼唔係好乾身先！
蛋，未夠流心(我舊公司做到，重未遇到第二間有)
其實我飲第一啖湯時已經知道，豚王同佢已經差好遠(起碼5條街啦！)

注意：響朵或撻朵係冇折咖，要平？俾八達窿啦😅😅😅

September 20, 2013成日一個人食嘢真係好乏味咖最唔想阻住阿妹俾人約嘅情況之下，都係唯有搵阿妹陪囉(唔係可以點吖)攪到佢推晒所有約會(我真係要好"認真哋x2"去搵返個好認真嘅女友先😕)
聽聞咗好耐但係冇乜機會會走去食，唯獨今日(需要做一些事或食d好嘢嚟逗返自己開心....真陰公單身係咁上吓啦)
最簡單、最普通嘅食物最能突顯到佢間舖頭d嘢得唔得，所以我叫咗個豬骨湯拉麵+蛋！
湯底(正！夠濃夠膠質)
麵(自家製有水準，如果有粗身更好)
蛋(唯獨個蛋出咗事，唔夠流心.....失望)
成件事衰在隻蛋不過我會再試，希望下次可以星期六或日試到佢嘅"魂之一杯"!
p.s.如果碗麵大碗少少熱返少少就好啦

October 24, 2013前美心集團中菜行政副總廚、好彩集團董事總經理(經過但唔得閒理)、彩晶軒行政總廚，入行40年以上，佢俾張咭片我睇時我已經嘩一聲，咁多title洗乜响深水埗開間500幾呎嘅地舖又做點心又做私房菜吖？
原來係佢個女擺佢上枱(sorry我太過率直添😛)
講真，你想食好嘢先要同黃師父有兩咀先，私房菜其本上係要幾日前預訂，越早越好(最好一個禮拜前啦)。
全晚最正就係個湯(本人真係好鐘意飲湯)真係好足料我飲完都有d飽飽哋，其次就係個蒸蛋白同嗰幾款前菜，最令我欣賞嘅就係佢個蒸蛋白，曉得落少少花凋酒帶出成件事嘅洗甜味之餘更可除腥味(因為有海鮮嗎，)條魚其實都ok嘅.....不過係返蒸囉，因為第一次未熟(可能黃師父佢太開心啦嗰晚😅)
最失敗就係個甜品，我情願改要芝麻流沙包啦
其實黃師父最耍家嘅係點心(係咖同添好運有得fight咖，不妨約埋三五知己去試下囉！)

July 29, 2013日日都可以係"母親節"!
陪完媽媽睇醫生梗係帶佢試新嘢啦！已經喺香港開咗三間分店，由著名泰國潮流服裝設計師品牌再沾手飲食界；由泰國先開cafe再攪餐廳再進運香港飲食界，可以話係食佢個名同佢香港幕後飲食集團Gaia Group嘅出品質素😕
有人同我講新開又一城嗰間冇set只可散叫，佢講巧貴兩個人食個lunch都要$800幾落樓(理工學生錢真係易賺😮)
我梗係冇咁笨啦冇set lunch?? No way!!!佢個set都$98up有湯或沙律選其一，主菜有6款選擇(要嘢飲加$20，水係免費)。佢個Caesar Salad ok(其實好難整得唔好食囉，菜+dressing難極有限😐)
Main course泰式burger(其實係個sourse係泰式之外，其他都好美式) 個牛肉ok juicy但係牛味冇，iced lemon tea(都係greyhound特飲...咪試下囉，ok幾清新因為將檸檬轉用青檸，我覺得佢茶葉都係重新調製過嘅)
Set Lunch加多$30就可以有12款甜品俾妳選擇(我致愛嘅心太軟係唔包囉，如果要雪糕又另計囉，ok好識做生意喎) 心太軟唔係用dark chocolate所以朱古力味唔夠濃反而有少少過甜，食心太軟伴vanilla ice-cream(本人覺得係定律嚟嘅，可惜佢個雪糕真係唔夠香草味，失敗！成個甜品敗在於雪糕上失望)如果唔係有Set Lunch真係唔會試吖，有機會都要試下泰國正版p.s.媽媽叫個泰式咸魚香辣意粉.....＂巴能"

July 23, 2013蒲學會約食飯，咁荀?!?
其實呢間位於觀塘工廠區裏面嘅一間西餐廳，响觀塘嚟講都算貴咖啦！我哋叫咗個set dinner Angus Steak同鵝肝伴牛柳4成熟，兩個扒唔差牛味夠濃！不過d side dish同個湯可以再好d，自家製香草麵包ok有誠意，等咗2年我終於試到啦(妳知啦我香港人真係好少過九龍重要觀塘喎)

July 24, 2013

Add Hoc走去食"老點"變咗"賴嘢"!
本人認為蝦餃燒賣都唔掂其本上其他特色嘢都係幫你吊命啫(我講盤生意吖)，滾得棧集團又如何！D點心名睇完好想笑；心機蘿白絲酥餅(請問心機响邊吖？皮厚蘿白絲又唔juicy)，唔係老點小漢堡(真係冇老點係蝦堡幾好味，令我聯想起N年前日本麥記季節限定嘅蝦堡.....因乜解構中式點心有西方漢堡呢?fusion or confusion先? U make me confusion似d囉)民意叉燒腸(表面睇六塊叉燒腸.....點解用個"塊"字嚟形容嘅乜唔係一條條咖咩?傳統有料嘅腸都係三條切開一半都係六條重大件過你一塊塊喎?如果民意嘅話還返三塊叉燒腸俾我吖!!!)
重有d"賴嘢"之作；泰式紫米珍珠雞(冇味但係勁heavy，紫米加糯米問你死味!)呢個都未算賴，芝士咖喱咸水角(我賴晒！因為咸水角嘅卡路里都幾高，再加咖喱都未夠重要落芝士，簡直係超heavy)
不過都有兩點心都算ok嘅；鮮肉響呤腸粉(口感似炸兩再釀肉入去)，清酒雲吞雞(雞夠香又夠滑雲吞一般啦!)

July 20, 2013靚女又約食飯，咁荀?!?
香港日式拉麵達人Meter Chan開嘅第二間沾麵店，我已經試到啦麵本身係自家製(當然有水準啦，都有少少旦牙)叉焼，正！肥同肉嘅比例適中(更係，人哋真係用五花腩喎)個湯真係用心去做，除咗個人認為唔夠膠質之外，都落咗昆布同少許醋掉起個湯底嘅層次感，ok不俗！