vicky_tam1995 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-04-27
第一次食蟹仙,知佢有幾間分店,今次就揀咗鯉魚門有景夠晒feel。環境非常舒適,伙記姐姐們好熱情有禮,服務非常周到貼心,基本上都會幫你蒸好處理好啲海鮮。食物方面我們兩個人就揀咗個”刁鑽套餐”因為慶祝生日所以食好啲,有好少見成隻手臂咁長嘅大隻瀨尿蝦,南非鮑魚,同啲龍蝦,龍蝦都有試咗個刺身,不過個人比較鍾意食熟嘅覺得更加出味,所有海鮮都非常新鮮,都唔洗點豉油,最後個粥底都好鮮味食物同服務都好有誠意,非常滿意好適合帶埋朋友屋企人黎
評分: 味道 5 環境 5 服務 5 衛生 5 抵食 5
2019-10-22
睇圖非常吸引,決定試一試,芋圓應該唔會中伏,一食落口得兩個字,失望!大伏!叫咗個三色仙草芋圓,個芋圓可以用難食黎形容,仲話自己係台灣正宗,係咪呃人未食過台灣芋圓先,唔求要正宗喇,正正常常就可以,但無理由芋圓地瓜圓一啲味到無,木薯粉太多太韌好難咬,好似食緊粉果咁,完全唔知自己食緊乜,從來未食過有芋圓係喱個口感,連個仙草都係假嘅,涼粉黎嘅,叫人點食得落,又唔係平,食咗三分一都無就食唔落喇,不會再光顧,太失望太失望!
評分: 味道 1 環境 1 服務 2 衛生 3 抵食 1
2018-08-05
位於葵涌石籬的平民價正宗泰國餐廳,是由一對泰國夫婦開的,餐廳內的裝修雖樸素簡單,餐廳面積不大,但食物水準高,價錢合理,份量公道,平日想食泰菜都會過黎,個人認為食物質素方面比九龍城的泰國菜館更佳,而且更加抵食! 今日點了個椰汁雞湯加飯,泰式炒金邊粉,鳯爪同椰青。椰汁雞湯很濃郁,而且少少酸味味非常開胃,送飯一流。炒金邊粉都好抵食,份量大,一個女仔未必食得晒,個人認為可以炒得再乾身多少少就更加正。椰青夠大夠甜,兩個人叫兩個主菜加一個小食同一個飲品,每個人平均都係一百蚊就食到飽到頂住個肚~正 推介美食: 蟹肉炒飯, 椰汁雞湯
評分: 味道 4 環境 3 服務 5 衛生 3 抵食 4
|