Odelice! (將軍澳)

想lunch chill 吓食好嘢，今次試吓 Odelice法國菜，佢哋嘅lunch性價比好高。有前菜、主菜、飲品、加錢有甜品，而且環境坐得好舒服。⭐前菜我哋要咗吞拿魚他他吞拿魚嘅鮮味加埋醃製嘅微酸感，非常開胃嘅前菜

⭐仲有黑松露炸蘑菇球外脆內軟，黑松露香口。

☕飲品檸茶同咖啡～主菜：

法國油封鴨腿🦆油封鴨好香，下面伴有吸取油香嘅松露薯蓉，仲有酸酸甜甜嘅醬汁，中和膩感，好味！

阿根廷安格斯肉眼牛扒🥩肉眼煎得啱啱好，Juicy肉汁～

甜品：榛子朱古力醬，煎香蕉可麗餅

張紫朱古力好香，可麗餅有啲煙靭感覺，香蕉係糖脆面，食完好滿足嘅甜品🍨

圓貝 (將軍澳)

Mother Pearl 圓貝推出咗兒童系列😍不過我覺得大人都好啱飲，重點係健康，自家製植物奶、無咖啡因、 選用健康糖，而且健康之餘味道依然好好～兒童系列仲特別調配，每杯都有唔同嘅營養價值。今次同海豚妹一齊揀咗四款飲品同家人分享🥰啲名都好得意，我哋分別叫咗：🟡Golden Minion 黃金少少兵

Golden Pearl 金圓貝：Immun-ie — 增強免疫

呢杯海豚妹最愛，本身係我想飲，點知道佢是一啖之後就搶咗嚟飲🤣甜薯蓉好好味，黃金珍珠亦好有咬口。

🔵Baa Baa Black Pearl 爸爸羊

Blue Pearl 藍圓貝：Brainy — 發展腦力

呢杯係因為比顏色吸引咗買嚟俾爸爸嘅🫶🏻😂，下面綠色嘅係牛油果，上面係椰奶+菠蘿，味道好特別，爸爸話覺得好Fresh!

🔴 Peppa George 佐治小豬

Pink Pearl 粉紅圓貝：Vita C — 維他命Get呢杯係海豚妹指定要叫嘅，因為係粉紅色，呢杯係冰沙，味道我覺得似士多啤梨乳酪，酸酸甜甜，好啱夏天飲。

🟤 Cookie Monster 曲奇怪獸

Choco Pearl 啡圓貝：Happie — 調節心情

一見到朱古力大人小朋友都開心，濃郁嘅朱古力味，海鹽雲呢拿奶蓋好似雪糕質地好幼滑，仲飲得朱古力碎😍加埋珍珠又係值得一讚等緊飲嘢嗰時仲見到佢哋有珍珠奶茶手袋仔，好得意呀，手袋仔做緊慈善義賣，可以以套裝買或者單買～

佐賀燒肉谷 (荃灣)

呢度有性價比高牛肉，必食打卡天梯展示不同牛肉和位置，由底食到頂，越食越濃郁牛味，味覺就好似上樓梯咁。





鍾意邊樣，就再order! 可以無限encore! 只要你肚仔食得落XD。









除牛肉，呢度食物種類豐富，海鮮、菜、熟食、雪糕、飲品….
















飲品都有成四個雪櫃揀！

仲有清酒。



我同海豚妹最愛牛油粟米、牛油帶子、牛油金菇、焦糖番薯。






QR code 下單好方便，仲有甜品㗎



不得不提店員推介嘅：壺漬封門柳，

肉味濃郁，有少許煙熏味，油脂味豐盈。






而經理哥哥太識氹小朋友，原本海豚妹一來到就扭緊眼瞓，

經理哥哥問佢做乜事呀？請你食杯雪糕先，即刻收眼涙好歡樂咁食食食movenpick 。



另外喺燒肉過程中，佢哋都好細心講解，例如點樣控制火候，



醬料應該沾什麼食物等等。



仲有一樣貼心就係呢度有圍裙提供，唔怕整污糟啲衫



最後一定要讚：呢度抽風系統理想，

一邊食都唔覺得好大油煙，而且離開餐廳之後，

衣服頭髮都完全無油煙味



有興趣想食就去訂位啦：

Casa Pennington (銅鑼灣)

🎂生日月外賣 都要食豪啲！



疫情下都係喺屋企食嘢，呢個餐，滿足咗我好似出邊食五星西餐咁🍽

❤️呢個set 我係銅鑼灣 CasaPennington 外賣自取 架！佢哋依家做緊晚市外賣優惠：

🔥晚餐可以選Starter. Soup 二選二，Pasta. Risotto. Main Course則三選二。
✨我今次就食咗：
🍴Pan Seared Hokkaido Scallop
🍴Pan Fried French Duck Foie Gras (2pcs)
🍴Razor Clam & Chorizo Spaghetti
🍴Australian Grain-fed Rack Of Lamb

帶子、鵝肝多士、羊架、意粉全部都超好味😋！！
特別係個🐏羊架！剛剛熟，D肉香口又嫩🥰。



帶子半熟鮮甜，淡淡肉，好新鮮！



鵝肝多士好香口



意粉蒜香味好出，惹味之選：

紙飛機親子空間 (九龍灣)

據說係： 全港首個木粒沙池~ 呢間親子餐廳以木材裝修，


巨形彩繪玻璃木屋框🏡每個人見到都一定印象深刻，


好靚😍。平日下午去玩到夜晚～食埋晚飯，都唔捨得走！


呢度係遊輪碼頭：紙飛機親子空間

內有不同玩樂區域，包括扮超級市場和廚房、車車區（扮BB車仔都有）、
木粒沙池、滑梯、Lego牆、圖書區....玩樂區嘅種類非常豐富，
所以真係玩到唔捨得走。

















食物方面係浙江菜。原本諗住帶BB玩對食物期望唔高，
但係呢度食物比想像中高質素，惹味得來味道剛剛好。



兒童餐非常豐富，有兩個套餐選擇，都有動物造型包點，



我揀呢個係有企鵝包包（𥚃面係奶黃餡），
海豚BB見到超級開心，睇下佢笑到：


由於份量好大，所以我都食埋一份👍🏻👍🏻👍🏻。
炒麵的味道我覺得啱啱好，唔會咸適合小朋友。
另外仲有寶寶泡奶 (牛奶) 係免費提供㗎。
大人食物，叫咗前菜：


每一樣都好味開胃，酸酸甜甜又有唔同嘅口感，爽爽脆脆食得好開懷。
醬香安格斯牛柳夾餅：


醬香惹味加埋濃味牛肉，夾上夾餅同食，味道剛剛好！
菠蘿咕嚕肉：


咕嚕肉無骨啖啖肉，外脆香口，加埋酸甜菠蘿，好味！


另外餐牌設計好可愛! 
而餐紙都有用心設計可以摺紙又可以油顏色。


收費方面，小朋友（12歲以下）入場兩小時為$138 （週末及假日$198 ），
大人餐飲最低消費為每人$100
就留返時間，食完野仲可以喺郵輪碼頭繼續放電，影吓相，下次我會再來。