huen_yz 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2023-06-10
依間真係有啲名過於實,見OpenRice 甘多好評諗住唔會差得去邊,要左份最簡單嘅牛角包牛油果加大菇三文治,先唔好講味道,講吓賣相一見到個樣已經唔開胃,所有材料跌哂散收收,好比拎兩技牙籤固定好先拎比客人啦! 依個講吓味道啦,牛角包係淋嘅一食就知隔夜,仲要係細細個,完全同啲材料分離哂,明明係叫三文治,但每樣嘢都要分開食,好彩嘅係牛油果都叫做新鮮!凍美式咖啡價錢唔係抵,但size細杯到呢……. 真係唔會有下次 評分: 味道 2 環境 3 服務 3 衛生 3 抵食 1
2022-11-30
諗唔到食咩就入左依間陸記粉麵,先講講食物,叫左葡國雞飯、例湯加凍檸茶。碟頭飯嚟講算係甘,因為夠哂熱,個湯都唔錯,可惜杯凍檸茶就差,篤極d檸檬都係無茶味,就係衰左茶底差,未試過一半都飲唔到就走人。 跟住最想講講入面位廚房佬,不停鬧個樓面,又話最唔想見到佢,又不停講粗口仲要係侮辱性甘鬧,好過份!鬧樓面之餘仲要話間鋪遲早執,話個個月都蝕$。又講自已幾有錢唔憂無野做,又話間鋪無左佢唔得,講到自己樣樣皆能。最後埋單時聽到樓面接到個電話,話個餸唔熟law! 其實我真係唔想聽佢講野,但佢係好大聲好大聲呀! 服務4粒星係比出面兩位樓面既。 邊個老闆請著個位廚房佬就真係等執笠!! 評分: 味道 3 環境 2 服務 4 衛生 4 抵食 3
2022-10-07
依間茶記嘅常餐,係我暫時最最最滿意一間,大大份之餘絕對唔hea,冬蔭功肥牛米粉足料又夠哂冬蔭功味即係夠酸夠辣,最最最值得讚嘅係個餐包,唔係求其搽d牛油落塊方包到就算而係新鮮出爐熱辣辣麵包,之前食過都係比提子包同一款綠綠地既餐包,兩款都係夠熱夠新鮮,今日終於等到係菠蘿包,外層脆卜卜又夠熱,簡直係一絕 食過佢地嘅常餐有: 羅宋湯餐肉米粉 - 羅宋湯唔夠濃,相比下比較失色 冬蔭功肥牛米粉 - 必食推介 沙嗲牛肉米粉 - 終於有一間係我鍾意嘅味道 濃湯豬扒米粉。豬扒大大件夠入味,正
評分: 味道 5 環境 4 服務 4 衛生 4 抵食 4
2020-11-07
睇食評好多都因為有coupon先會去食同埋質素麻麻地,睇完無帶過期望淨係帶住coupon入去反而有驚喜。 餐包-夠熱好軟熟,好味 主菜 - 肉眼牛扒伴薯菜配燒汁,$178 。都算細塊男人食一定唔夠飽,勝在有牛味又夠淋 烤煙鴨胸伴薯菜配黑醋汁,$118。依碟真係驚喜,平平無奇既煙鴨胸煮到好嫩好香好夾黑醋汁好好味 最後依款炸素魚柳薯條,點解既點解既,以為入面係豆腐但食落又有魚味,感覺好神奇! 總括:叫左3款set lunch,3款都有驚喜,係塊肉眼牛扒細左d,味道各樣都係唔錯。
評分: 味道 4 環境 4 服務 4 衛生 4 抵食 3
|