La Vache! (中環)

星期日中環有好多食店都唔開門，搵食搵到呢頭竟然見到呢間餐廳要排隊就八卦睇下。原來係Blacksheep Group 旗下嘅餐廳，咁就覺得可以試下。

其實所謂嘅排隊都係等一兩張枱（我地七點左右到）都唔駛一陣就有枱喇。

成間餐廳都係食一樣嘅嘢食所以只有drink menu，你可以選擇cocktail, mocktail, beer, wines, 用餐時間限咗要一個鐘，anyway 都試下啦。
見到drink menu 有兩款唔常見嘅法國啤（一支lager 一支Pale ale) 我地就點咗呢款。不過不失幾清新嘅。

先上係法包baguette, 外脆內軟幾好味。之後就係green salad with walnuts, 簡單嘢never wrong 嘅，之後就係主食牛排喇，我地都係要medium rare, 但兩塊排嘅熟度明顯唔同，呢度要扣分，畢竟佢只有一個menu, 專做呢個menu，我expect 唔應該有咁嘅差異，我地一塊係medium rare 一塊係medium 囉。另外上牛排時會有個蠟燭台熱住，我個人覺得有些多餘，因為牛排熱住就會容易over cook.
食扒時會有薯條襯埋，你鍾意食可以再refill , 薯條揸得幾新鮮乾身冇乜油幾好。但我個人鍾意粗薯條多D. 不過炸得夠乾身嘅薯條都好食所以我都食晒。其實塊排真係唔錯，medium rare 果件好有肉味又夠juicy, 食得出用牛肉蘑菇汁煮過，食嘅時候有個芝士醬汁代替Mustard source, 我覺得好夾，但另一件因爲變咗medium, 肉質乾身咗好多，所以對比之下冇咁好食。

最後你可以加錢食甜品，佢嘅甜品好大件，兩個人share 一件就剛剛好喇。佢會推一架甜品車仔出嚟，有六款甜品可以選擇，我地選咗佢個signature, 但我聽咗個waitress 講咗兩次都真係聽唔到呢款叫乜名😂，是但啦。
黎到係一個doughnut款夾左一層厚厚嘅榛子醬，好味但好「留」所以半件剛剛好。
埋單時原來件甜品要$108，當個餐都係$298時，件甜品其實算貴，但share 一半就ok la. 飲埋啤酒每人大約$500

Mirror & Vegan Concept (中環)

我有一位朋友係素食者，所以我同佢食飯我都會同佢食素，因為我平時太多大魚大肉，間唔中食下素菜都幾好。

佢介紹咗我嚟呢間餐廳話係佢朋友介紹佢嘅，咁我哋就姑且一試。

可能因為係素食嘅限制，Menu嘅選擇並唔多，我就叫咗個肉醬意粉因為我好想知道用素菜整肉醬會係點，佢就叫咗個蒜片意粉。晚市加$68可以配沙律同埋湯，沙律就非常之穩陣ga la, 湯方面嗰晚係蘑菇湯同埋椰菜花湯，呢兩個湯都做得好夠味，蘑菇湯就一定係濃味嘅，所以好穩陣，但係椰菜花係淡味嘅菜，要做到湯好飲但係唔會「水」係要落D功夫。

我冇食到我朋友個蒜片意粉，我估都應該好食嘅，令我驚喜嘅係我嘅肉醬意粉，真係非常之像真，就算我專登去咀嚼啲碎肉，我都覺得口感非常之似, 茄汁掛麵度好，麵條口感都好好。可能我比較少食素菜，我真係估唔到素材可以扮肉類扮得咁似，而且個意粉真係好食，所以我會推介俾大家。

麵三館 (中環)

在中環上班，其實經常路經歌賦街，常常看著長長的九記人龍。作為本地人，雖然九記的牛腩不錯，但我個人覺得沒有好吃得值得讓我排一兩個小時去等位。反而如果要吃牛肉麵，我都會去光顧這間小店。50步內的距離，但食物、環境及服務都是水準以上。

來到這裡一定要吃牛，因為用的都是靚鮮牛肉，不經醃製，吃的是牛肉原鮮味。老實說沒有多少店鋪會這樣做，因為牛肉成本貴，許多店鋪都是用冰鮮的，要遮蓋雪味，大多都會用調味掩飾。

我喜歡這裡有多款牛肉可以選擇，分別是在於牛的不同部位。是牛脊，可以是牛柳頭或當天來貨好的地方，是牛尾龍。
（對不起這裡的丸類，我知道都是有特式，但我每次都只顧吃牛牛牛😆）

我知道這裡的蛋麵是老闆專誠去台灣深造學回來的，但我這個人最喜歡就是吃幼身麵，所以我又是點了米粉😝

我喜歡這裡的配料、湯底都可以自己選擇，而我會選濃味一點的黑牛骨湯和所有配料。

其實老闆說這裡的客人多數喜歡吃- 牛肉的鮮味，所以會選淡一點的白牛骨湯，但我就是喜歡濃濃的牛骨味，所以黑牛骨湯是我的必選。所以不要跟牛腩麵比較，因為腩汁是充滿着香料醃料的，蘋果和橙無法比較。

牛肉很鮮，我選的是半熟，軟硬剛剛好，個人覺得太熟的牛肉就硬了。

每次在這裡吃完一碗麵，我都覺得大滿足，難怪韓國男神孔劉上次來香港都特意來這店吃一碗麵。

我特意在這裡留評語是因爲真心想推介一下，不要只覺得這邊只有一間九記牛腩😜

噢噢，忙記了推介一款小食，這裡的豬手是真的燉到骨都可以吃下肚。

世界第2好味雪糕蜜瓜麵包 (銅鑼灣)

之前睇電視見到有間咁嘅嘢就好想去食，因為睇日本卡通片成日都有蜜瓜包。
去到冇人排隊，正！雪糕口味有好幾種，有期間限定嘅。
我order咗綠茶雪糕，啱啱好我個包係新鮮出爐，熱辣辣香噴噴。個包係食得出好食嘅，始終新鮮出爐加晒分。但係個雪糕就用料普通，綠茶味淡。

我覺得係不過不失嘅甜品，但係就冇傳媒吹虛到咁勁囉。$38........少貴啦，但可能個包真係貴cost 呢，係日本代理品牌嘛。同埋畢竟香港嘅成本係乜都貴嘅！

福祿壽 (中環)

聽朋友講有間超隱世嘅天台清吧餐廳在Soho，隱世程度直頭似係玩treasure hunt, 幾經辛苦終於搵到上黎，老實講裝修好普通，唔知點解覺得似係brand 友或者係Graffitti 青年自己開創嘅私人小天地。

最大特色係有好大個天台，好似TVB 劇集果D天台BBQ 咁大。可能因為太過隱世所以冇乜人，想同朋友靜靜地傾計就啱晒。

我地開咗一支wine, 吹吹下水覺肚餓，於是隨便點D野食下，又估唔到幾好食喎。

前菜點左一個蝦多士，好味！
之後叫咗D中餐同西餐主菜，驚喜地都比一般餐廳好食。呢下堅有D驚喜。

因為坐咗成晚都係得4枱人，所以我出下post share 俾大家啦。畢竟都覺係值得推介嘅。