星巴克咖啡 (尖沙咀)

＜紅莓白朱古力咖啡＞ Tall ($39)
頂層有微酸甜嘅紅莓醬同紅莓糖粒，成杯都係白朱古力，雖然唔係太甜，不過可能係凍的開係有冰所以先唔算好甜，如果熱飲嘅話呢....，不過凍飲都真係幾膩........。 ＜香蕉花生醬三文治＞ ($20)
睇介紹話呢件野係貓王最鍾意嘅三明治喎，本來見到個名香蕉+花生醬已經唔想食喇，不過去到starbucks見到件野同夏天出Petites的其中一件好似樣喎，只係呢舊就大好多，但只係貴過Petites $4，好似抵食好多喎，另外又想買多樣野食，係冇乜選擇之下，咁即管試新野啦。
當我叉落去舊香蕉麵包感覺質地有少少實，但食落原來唔係實嘅，少少軟身，但冇香蕉味，只有濃濃的花生醬味，或者花生醬份量過多了，蓋過香蕉麵包味道；花生醬旁邊更黐上粒粒咸脆煙肉，食落唔太脆感覺更有點肥添，成件野食完覺得好膩呀。＜紅莓肉桂卷 Cranberry Cinnamon Roll＞($17)
相信紅莓肉桂卷係聖誕必出之物，去年都出過，職員問使唔使加熱，我其實係想唔翻叮架，因為佢面層有很多白糖，翻叮後咪會佈滿成舊肉桂卷囉，點知鬼掩咀講咗「好呀！」....結果見到舊野係我手上當然係好後悔啦，雖然熱後係幾香氣撲鼻嘅。
今次再食，同上年一樣都係冇乜肉桂味，要我另外肉桂粉食添，裡面的紅莓果醬就幾豐富，不過整體只覺一般，＜雪球蛋糕 Snowball＞($30)
上年都出過同佢一模一樣嘅蛋糕，只係名字叫＜雪白聖誕＞，今年其實只係改咗名叫＜雪球蛋糕＞而已。
外層依然佈滿椰絲，我當然第一時間刮走佢啦，剩係頂果層椰絲已經多到不得了...怕怕喔。
好，我先用刀像切蛋糕地切開一細舊出來，裡面果然同上年一樣係由白朱古力慕司包住中間一層紅莓果醬和一層海棉蛋糕而成。
白朱古力慕司不是好甜又好滑，其中一小層海棉蛋糕又可中和慕司同一個Texture感，再夾住微酸的紅莓果醬感覺冇咁膩之餘又好似冇咁肥，其實每次去買野見到一件件白雪雪係廚窗的確幾靚，令人好想買佢食，咁的確都唔錯嘅。

Cafe Iguana (尖沙咀)

去圓方睇戲就好多次喇，都係第一次上到３樓戶外，原來有個Civic Square係Restaurants & Bars唻喎，中間有個水池被各式各樣餐廳包圍，就只有一間食墨西哥菜的＜Cafe Iguana＞，好開揚的店，播歌的音量又很大，所以行經呢間野後都有去其他餐廳視察架，想靜少少嘛，不過其他都只係細聲一點而已，唯一最靜的只有日本菜，但我唔想又去食日本野只呢，所以最後都係行一個圈返去幫襯＜Cafe Iguana＞喇。

揀圓方呢間係因為睇過好多報紙都有介紹過，我也上網睇過食客食評，都好似不錯噃，咪揀囉。
咁去幫襯前我都做足事前功夫架，上網D/L 咗Menu落唻預先睇吓有乜野食同飲，當晚睇完戲２２點去到等壽星揀吓先，最後就點咗以下幾款食品飲料喇：
１）NACHOS (粟米片)： Tortilla chips layered with melted Asadero cheese, roasted corn, peppers, salsa and guacamole
２）ENSALADACESAR (凱撒沙律 )：Caesar salad with spiced grilled chicken served in a fresh taco shell
３）APPETIZER SAMPLER (雜錦拼盤)：A combination of our favorites: Mixed satay, pan-fried chorizo, ceviche, chicken quesadilla and fried Manchego cheese
飲品：
(我) Ginger Peach Margarita (Cocktails) Fresh peach puree, ginger and peach infused gold tequila blended with a fresh peach slice, fresh lemon and lime juice and served with a sugar rim.
(朋友) Sol (Beer) A smooth refreshing beer that has become a unique ice-cold refreshment.

最先上枱的係《ENSALADACESAR》，上面的燒雞肉片初時睇落去好似好乾身咁，但食落口又唔係喎，係覺得唔夠"燒"味o者。另外沙律菜都好fresh，只係本身我唔鍾意食沙律醬，所以其實一直對凱撒沙律感覺麻麻啫，與本身味道冇關嘅。

估唔到原來碟《NACHOS》係咁大堆頭嘅，我地食到最後都係食唔哂，粟米片的確好鬼脆仲係少咸的，正！上面的醬汁又好食，而粟米片裡面係被一些芝士黐住的，不過就係因為有芝士呢，所以粟米片好快就開始軟身了，這是美中不足的。

最後到《APPETIZER SAMPLER》，同我係網上睇到嘅一樣咁靚咁大埋頭，混合沙嗲串燒、煎香腸(附多士棒)、海鮮ceviche、雞肉函包和炸Manchego cheese。串燒冇乜特別，煎香腸比較油膩了，我覺得最好食係杯海鮮ceviche，好新鮮酸酸地好開胃，雞肉函包裡的雞肉超Juicy好味，另外唔鍾意食芝士嘅我食落件炸Manchego cheese外面脆脆內裡煙韌都幾好，呢個雜錦拼盤的確唔錯。

飲品方面，朋友叫的Sol Beer，佢話同普通果Ｄ冇乜分別囉，都係一樣味，肯定嘅係Prosuct of Mexico 囉。
反而我的Cocktails就好好飲喇！剩係睇見名有Ginger已經想試呢款飲品啦，另外又加入了桃、檸檬汁、gold tequila等，好飲！

我地食咗差唔多２小時，因為我地坐係門口 (打開哂門的)，見到不斷有客人唻幫襯，相比起其他Bar，睇唻呢間都頗受歡迎，不過其實價錢都唔算平，對我呢ＤCheap精唻講呢，一次半次大日子都食得過嘅，是次埋單＄４５６。

呀~ 去幫襯果晚好彩咁o岩係世間盃休息日，所以果到先冇咁多人咋，如果唔係一定會好嘈啫！

Kubrick (油麻地)

來電影中心就多，有時未入場都會來呢到睇下有冇好書買，一直都想試下呢到咖啡，今晚終於品嚐到喇。

我們二人八點幾散場後來到，雖然人流行多，但不失寧靜，非常好。
在Counter點好晚餐搵個好位，十分鐘後店員陸續上餐：-


❶ 火箭菜型枝竹風乾火腿沙律 Artichoke and Rocket Salad with Parma Ham ($68)
有芝士Parma Ham蕃茄乾配火箭菜好食，只略嫌沙律汁的油多了點，食到最後一口都係油，整體係抵食嘅。

❷ 牛背扒配薯條 Blade Steak with Fires ($128)
肉質肉味幾好，冇overcook，薯條夠熱脆口好好食。
❸ 凍愛爾蘭咖啡 Iced Irish coffee ($52)
最高一層奶油好滑，威士忌味唔重 (重D就更好啦)

❹ Mak’s Brewery x Kubrick 哲學醞釀啤酒 ($64)
一個字，好飲！麥味同咖啡味兩者恰當，飲完仲想飲
Total: $312

Moreish & Malt (觀塘)

尋晚未到7點walk in來到，當時店裡仍很多位，店員問我地飲野家食野想坐外面定裡面，我地揀左裡面，坐低無耐，先上餐包，再介紹今晚有什麼推介、Happy Hour 直到8點等等，都幾好禮貌服務唔錯。

呢晚只叫野食冇飲野喇。
① Salmon Kale Salad 三文魚藜麥羽衣甘藍沙律 ($108)
② Chicken Quesadillas 墨西哥芝士雞肉洋葱餡餅 ($68)
③ U.S. Hanger Steak (8oz) 燒美國側牛腹扒 ($198) + Thick Out French Fries 香炸粗薯條 ($38)
Total = $412

餐包：麵包好軟身，加埋黑醋橄欖油好食噃。

三文魚藜麥羽衣甘藍沙律：芝麻醬經已將沙律撈勻哂，睇落醬唔太多，其實已經好夠；估唔到三文魚份量都幾多，但因為我好怕食熟嘅三文魚腥味，呢個都有少少，不過肉質煮到好滑，我都接受到少少腥，OK嘅；其餘嘅菜好新鮮，加埋藜麥好飽肚好食。

墨西哥芝士雞肉洋葱餡餅：有3款醬 Sour cream、Salsa同牛油果醬，其實薄薄嘅玉米餅皮已經包住大量芝士洋葱雞肉，已經好夠味，濕潤到有少少膩的口感，不過係好食嘅，附上的 3款醬只係點綴一下。

燒美國側牛腹扒 (7成熟)：外層帶微微焦香，肉紋分佈平均，肉味頗濃郁，尚算唔錯。

香炸粗薯條：好脆，如果可以燶多一點點就好喇。

食物服務都幾好，可惜嘅係人聲太嘈，隔壁枱枱傾偈都好似嗌出聲咁大聲，我就覺得想好好同朋友傾偈就好難 了。

Mini Friday (觀塘)

因為又有同事生日，所以又要上網搵食，搵到The Wave未去過，原來呢到有好多食店，睇食評唔錯就揀呢到。

我地一行4個人來到，比左最入嘅位我地，本來都驚會好嘈 (觀塘去邊食都好嘈下)，估唔到當時已爆場咁滯，都可以靜靜的傾到偈，唔錯。
呢到有樣好係Semi Lunch Buffet係個餐包哂自助沙律吧，我只食素的可以只叫A餐 ，其實已經好夠食。

① A餐：自助沙律吧+甜品餐($88)
② B餐：自助沙律吧+鮮茄汁煙火腿露荀意大利麵($98) x 3
Total = $382


自助沙律吧 都幾豐富，有凱撒沙律、車里茄、青瓜、紅腸、魚蛋、長通粉沙律、紅菜頭沙律、薯仔沙律、粟米沙律、鮮果啫喱、朱古力冬甩、德國芝士蛋糕、朱古力蛋糕、2款湯同幾款炸物，單食呢D野已經夠飽，味道都唔差，我就覺得紅菜頭沙律最好食。

《鮮茄汁煙火腿露荀意大利麵》見到隻碟咁大，中間份量好似好少咁，原來都唔少，煙火腿好食露荀鮮嫩，意大利粉硬度剛好，好食嘅。

咖啡來到唔酸濃度唔錯，都幾好飲。

總括來講，呢到真係可以再來，起碼唔嘈已經好好。