luiluicoolk 等級3 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2017-05-03
由細到大都好鐘意食粥，無論白粥或任何粥，經過試下食，粥底好綿，唔差，老闆好人，有人情味，有生滾粥或普通粥，唔會趕客，可以慢慢食，價錢好公道，好合理，唔貴，油炸鬼好好味，係新鮮炸，每次經過都會去食！  香港地尼d粥店已經越來越少啦，我好支持本地小店！只要用心，待客態度好，食物一定有水準！唔差！要試一試！講真！環境都算清潔，粥底唔會求其，炒麵都好食！我每次去都一定叫魚片粥，炒麵加油炸鬼！脆的油炸鬼係令人感動的！ 推介美食: 油炸鬼，任何粥
評分: 味道 4 環境 3 服務 4 衛生 3 抵食 4
2017-04-10
現在有很多涼茶舖越賣越貴，飲一杯菊花茶都收成15-20蚊不等，出名果幾間更離譜，尼間涼茶舖我光顧了有差不多7年有多，7年間不見有不停加價，龜靈膏都只是賣$35蚊，普通涼茶都係賣緊$8蚊，另外一提既係尼度既茶葉蛋好入味！我經常都會買來食！價錢一d都唔貴！態度親切，街坊人情味重！可堂食，地方清潔，不過可惜無火麻仁，龜靈膏系有藥味的，不像某些店像大菜糕甘，個人推薦雞骨草，龜靈膏同超入味既茶葉蛋，4蚊只咋！  推介美食: 龜靈膏，茶葉蛋
評分: 味道 4 環境 3 服務 4 衛生 3 抵食 3
2017-04-10
今晚突然想吃辣，經過見到有辣雞煲和水煮魚，二話不說就和老公去試一試，我們點了辣雞煲和水煮魚，皮蛋尖椒加生腸，兩個人叫這麼多食物，有點兒誇張，但全部都食得清，可能我們實在太愛辣，尼間的價錢很合理，老闆娘好好人，如果喜愛辣雞煲，可以一試！有不一樣的滋味！ 以前試過食過好幾間辣雞煲，有些要限時食，尼間唔洗，滾住食，熱辣辣好味，又有燈籠椒加勤菜底，食時唔會覺得油，因為有菜，再加上有大量香菜，送飯一流！會再光顧！ 推介美食: 辣雞煲，水煮魚
評分: 味道 4 環境 3 服務 4 衛生 3 抵食 3
2017-03-19
以前食九記講真係好食，牛腩真係好入味同一舊舊，以家去九記食牛腩係鞋口又無牛味，仲要係碎牛腩...我懷疑賣唔晒用來煮咖哩牛腩（碎牛），我叫左碗清湯腩河同咖哩牛腩伊，清湯無牛肉既味，滾水加牛（鞋肉多肥膏），咖哩伊成碗係牛肉絲無牛腩，好鹹好多味精，兩碗都未食完係甘比人問食完未？收得未？真係好無癮，我比錢食架，我答食緊咯，你見唔到？跟住有個阿叔伙記就話比收錢果個話2分鐘食完，暗示叫我2分鐘食完咩！我費事理，比錢時收錢果位話食野快手，我地有大把客等緊位，少你一個唔會無生意！洗唔洗甘對客講野尼？我叫左2碗何來可以快食？唔通倒入口咩！今次真係好激氣！聽完我費事答，中環地方無必要！比完錢多謝都無聲！仲眼超超甘
評分: 味道 2 環境 1 服務 1 衛生 1 抵食 1
2017-03-15
有次見新開，又鐘意食牛雜，所以入去試下，香港唔係間間牛雜粉麵都好食，好食果幾間服務態度奇差，就算幾好食我係唔會令自己食得唔開心仲要比錢食！尼間牛雜真心講好味，一碗係好足料，就算話要多蔥，真係會另外比多，某些牛雜湯粉店你要求話要多蔥係等同於求人甘！除左牛雜，尼度有小菜食，有豬紅，有滷水鵝果d野食，滷水豆腐好滑，價錢唔貴！街坊價！入去食好有人情味，食得好自在！所以我經常同老公去食，伙記老細對任何一個客人都好用心！食物水準真係值得一試！ 推介美食: 鵝片豆腐底，牛雜粉，豬紅
評分: 味道 4 環境 2 服務 4 衛生 3 抵食 3
|
0次成為首位寫食評會員
食評數目
編輯推介數目
0
會員推介次數
23
人氣指數
7
留言數目
上載相片
上載影片
我推介的食評
我的餐廳
關注
0
粉絲
9
