Tang Lamlam 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2011-02-17
情人節唔想黎黎去去食西餐, 貴夾唔飽 就走左去九龍城試譚點! 推介排名分先後~ 一口漢堡 呢個一定要推介啦~! d芥末真係好味到不得之了, 食完想再食 鳳爪 好味,食得出放左好多材料(味精)落去, 但未至於重口味到難入口, 最驚喜係底層平時會用薯仔佢用鳥冬 蝦餃 d蝦真係大到你唔信呀! 一籠兩件價錢除返開拍得住酒樓,但堅好味的 牛柏葉 重口味最岩食, 好多薑+蒜頭, 幾好幾好 叉燒包 好細個,無咩特別 海鮮卷 食唔出有海鮮(?_?), 同炸春卷差唔多 碧綠帶子腸粉 腸粉淡而無味, 就真係食到帶子, 但感覺唔係太match 芝士蒜蓉焗餐包 =蒜蓉飽 不叫也罷 而家睇返其他d食評竟然有馬拉糕, 但去到無得點, 好唔開心!! d野食一睇到真係好熱, 放入口前要小心d喇~ 總結..值得去多次! 推介美食: 青芥脆蝦一口漢堡仔
評分: 味道 5 環境 4 服務 4 衛生 4 抵食 4
2010-11-18
之前響openrice見過有介紹就特登去試! counter非常之細.淨係得12種揀 最愛綠茶既梗係唔會揀扭紋啦!哈哈 於是叫左一筒綠茶軟雪糕,26蚊. 點知一食落就發覺唔對路喇!! 真係太大筒.如果一個人食唔係肥死係飽死 至於味道喇喎,比哈根大師既更苦.唔係人人接受得到. 不過咁先係架嘛! 誠心建議去試既一定要帶埋你男/女朋友去!幫食呀嘛 哈哈 推介美食: 宇治抹茶軟雪糕
評分: 味道 5 環境 4 服務 3 衛生 4 抵食 4
2010-11-12 禮拜日去到竟然無人排隊!為左唔會成日油煙味,決定唔坐bar台,2個人坐4人台 十分闊落。 最好味係扇貝.蠔.蝦呢d海產!全部都係熟食,唔怕會食肚痾喇 呢度有野好特別既就係生牛肉刺身,但唔敢食!haa。 刺身種類唔算多,基本既都有:三文魚,吞拿魚,金槍魚,醋青魚,帆立貝等等 熟食肉類淨係食左牛柳粒同牛仔骨,但有少少韌! 飲品方面都好多野揀.好特別有綠茶奶昔,西瓜汁,奇異果汁等等 甜品就得好少,都係一d朱古力慕絲.芒果布丁之類 要注意menu係有兩份,有一份係多d款的.order佢會收返, 每次叫都要同侍應講真係幾麻煩!!當我地食到飽飽地既時候先發現到第2份,但已經太遲喇.飽晒 不過150人仔係香港真係食唔到咁多,所以決定下個禮拜又再去食順便影埋相
評分: 味道 4 環境 4 服務 3 衛生 4 抵食 5
2010-11-12
去到唔使等位.坐都坐得好舒服 本來諗住叫二人餐168好似幾抵,但裡面有幾樣野麻麻.比如粟米餅,所以最後都決定散叫。 原先叫左兩個撈檬同豬頸肉,點知侍應竟然轉頭同我講無檬粉! 聽到當場打左個突,7點未夠無檬粉賣,太誇張了! 最後叫左個海鮮炒飯 好多材料呢~ 燒豬頸肉 好味!特別係個汁 鳳尾蝦春卷 非常抵食,$25/4隻 咁既價錢味道算好正。 仲有個 椰汁西米糕,非常好味!荷葉包住滿滿既西米,又唔會太甜,正!
評分: 味道 4 環境 4 服務 4 衛生 4 抵食 4
2010-11-12
7點唔夠去到 唔使排隊 2人餐: 皇牌拼盤.最好味係個玉蘭卷!仲有其他豬軟骨.貢丸就很一般 雞絲拉皮.呢個真係好好味!!D拉皮第一次食,好似海蜇之類.雞絲上面有好濃既花生醬 鳳尾蝦卷.好味既原因係個汁.甜甜的 細肉燥飯.好普通,不過都成碗食晒.可能係太肚餓 哈哈~剛剛上桌可能會嫌太細碗,但勝在其他送夠,份量岩岩好 甜品芝麻湯丸.唔食好過食.黏牙不得只,芝麻味亦好強勁。 味道唔錯.價錢亦相宜,係位置太迫了! 推介美食: 雞絲拉皮
評分: 味道 4 環境 3 服務 4 衛生 4 抵食 5
|