漢記海鮮酒家 (鯉魚門)

我老豆食嘢要求高，又嘴刁，鍾意食海鮮；我哋每年諗餐廳慶祝諗到頭都大，今年姐夫竟然大膽提議話請老豆去食海鮮，連餐廳都決定埋，我同家姐細佬梗係唔畀意見，坐定定等食啦～餐廳毗鄰魔鬼山，食飯之前可以睇埋日落，一家大細行都完全冇難度。
餐廳門面光猛闊落，樓底高，有2層，樓上座位以房間形式為主，隱私度高，適合私人宴客形式。我們坐的房間有海景，可能我到嘅時候已經入黑，享受不了。

就著餐廳員工的介紹和我們的喜好，我們有大有細，一共6大2小，點了很多不同嘅海鮮，包括帶子、蟶子、蝦、瀨尿蝦和龍蝦等，超豐富。

海鮮湯
來之前看過食評，很多人都大讚這裡嘅海鮮湯足料夠鮮味，今次試過後，發現的確鮮味十足，而且材料豐富，裡面除了有魚蝦之外，還加入了蜆肉、木瓜、芥菜、蕃茄、紅蘿蔔和豆腐等，喝起來魚鮮味濃，清甜而不膩，一點也不腥，反而，喝完也不覺有半點負擔，連平日不會主動喝湯嘅5歲小姨甥也喝了兩碗，十分難得。
要說的是，呢餐飯嘅每道海鮮味道都相當不俗呢。

生炒骨
生炒骨同樣係呢度嘅招牌菜，店員介紹話午飯時間好多人會點。排骨炒得好惹味，酸甜味恰到好處，十分開胃；炸粉厚薄適中，入口鬆脆，如果可以多啲菠蘿就好喇～不過，如果同海鮮比較，一定係海鮮出眾好多！
白灼海中蝦
除咗海鮮湯，另一樣令我姨甥仔食得津津有味嘅就係白灼海中蝦。蝦夠大隻夠新鮮，肉質實淨，食落爽口彈牙，唔沾豉油都好好食，食到蝦肉嘅鮮甜味，姨甥仔自己一個食咗差唔多半碟。

蒜蓉粉絲蒸元貝
粉絲煎元貝差唔多海鮮餐必食嘅嘢，熱氣騰騰嘅元貝一大盤端出來，賣相非常吸引，有氣勢；加上蒜香味，令人食指大動。必須強調的是，帶子超級大隻，你看，每隻都大約我姐的手掌，大大隻，又飽滿厚肉，夠肥美，吃起來彈牙唔乾身，爽甜無渣，伴著蒜蓉粉絲一齊食，十分惹味。
豉椒蟶子皇煎米粉
餐廳推介煎米粉，話係大廚推介菜式，咁我哋都無理由唔試。加上老豆鍾意食蟶子，就一於試下。見到廬山真面目，煎米粉隨即成為全場焦點，大家變得超雀躍，叫我快啲影完等佢哋可以食。
蟶子勁大隻，脹卜卜，同平時媽咪喺街市買返屋企烹調嘅真係完全唔同。食落爽口無沙，而且啖啖肉；一問之下，原來係高質貨，係嚟自愛爾蘭嘅蟶子！蟶子以外，煎米粉絕對更加係加分嘅一環。入口酥脆如鍋巴，配上味濃但唔鹹嘅豉椒汁，份外惹味，兩者簡直係絕配。

椒鹽瀨尿蝦
呢味海鮮係我老豆嘅至愛，出街食海鮮必食嘅。一碟有2隻瀨尿蝦，同平時長過手指多啲嘅真係相差好遠，原來可以咁大隻。你睇，每隻瀨尿蝦都舖滿椒鹽，食嗰陣鹹鹹哋，又辣辣哋，香口惹味，正～食呢款瀨尿蝦，一定要舔晒成隻蝦殻，舔埋手指先係最高境界！唔怕話你知，我哋ENCORE咗呢味餸，因為真係太精彩，老豆好鍾意～第2碟嚟嘅蝦仲要更加大隻，更多肉之餘，仲有埋膏，好CRAZY！
芝士焗龍蝦（伊麵底）
這個芝士焗龍蝦配伊麵有別於平時吃嘅芝士焗龍蝦，嚟到嗰陣，入面啲芝士仲滾緊，令人食指大動。另外，平時食呢個餸，會因為芝士太膩，調味太濃，會一啖起兩啖止，但呢個係完全唔會，反而令我食完一啖又一啖，一啲都唔覺漏。

唔知你有冇留意到，呢個芝士焗龍蝦嘅芝士顏色偏黃，同喺其他餐廳食嘅唔同，問咗老闆，原來係用咗比較另類嘅西西利島芝士，我更加係聽都未聽過啦～～～就係呢個芝士焗龍蝦，令平時唔係好鍾意食呢個餸嘅我都食過返尋味，有心機去品嚐啲龍蝦，蝦肉勁飽滿厚肉，食落爽彈有口感，令人忍唔住食多幾件。伊麵煙韌，配埋個芝士汁真係無得頂。

值得一提嘅係，呢盤芝士焗龍蝦真係好大盤，好似臉盆咁大，大盤過隔離煲湯。我哋打包返屋企，第2晚食一樣咁好味，蝦肉都係爽，無變霉到，好神奇呀！

招牌椰皇
甜品壓軸登場！聽說呢個係漢記嘅鎮店之寶，係上手嘅招牌甜品，老闆接手嗰陣，要求上手教授先得似保留，不過都唔完全係100%原來嘅秘方。聽講製作過程好複雜，差唔多要成個鐘，我地無提早預訂，數量有限，所以就2人share 一個嚟食。
本身睇個樣諗住無咩特別，好似布甸口感，甜甜哋咁。但原來誠意十足，除咗用原個椰子上之外，仲用返椰子水，加入蛋白和日本3.6牛奶去原個燉，完全無添加糖份，食落唔只滑，而且有好滋潤嘅感覺，絕對係健康好味又打卡able嘅甜品！如果大家想食，建議訂位個陣預留埋～

今餐真係大滿足！重點係，連平時出街食飯彈三彈四嘅老豆都讚，仲話下次要再嚟，就知道水準唔會差得去邊。我同家人都覺得廚師功力好夠，每款食材都拿捏得好好，絕對值得大家一試。

最後仲有好大碟生果盤~
因為餐廳係鯉魚門，我喺食飯之前就先約朋友行個靚山，之後再JOIN屋企人去食晚飯～魔鬼山唔難行，睇日落真係一流，一家大細行都完全冇難度。不過我當日就嫌路線短，想行一個下晝，就去埋石礦場段，最後附上靚景畀大家望下啦。

咖啡灣 (荃灣)

荃灣美食多，是個平食掃街好去處。不過，有時都想找個地點落腳，靜靜地用餐。想不到去哪裡？我就在千色店後面的內街角落發現了這家天鵝 Café。這 Café 來自大埔，不少人也推介其窩夫，一直都在我的 To-Eat-List上。想不到，這次不用到大埔，我就能吃到了。

餐廳坐落在角落處，外面的玻璃門櫃內有一隻大天鵝模型，不知為何，我旋即想起醜小鴨變天鵝的故事。

餐廳內燈火通明，拍照便順利多了。地方亦寬敞，桌椅靠兩邊牆身擺放，中間通道留有足夠空間讓店員來回走動，給客人上菜下單。

餐桌餐具十分整齊，入座後，店員會放下餐牌和清水。餐牌主調為少女粉紅，切合餐廳風格。餐廳以西餐為主，提供意粉、意大利飯、漢堡、窩夫、甜品和咖啡等。

跟朋友商量過後，點了2個主食、1個甜品和1個附上拉花的綠茶鮮奶。
-軟殼蟹黑松露忌廉意大利粉 ($108)
-黑松露雜菌蘑菇屋 ($78)
-紫薯雪糕窩夫 ($88)
-綠茶鮮奶 ($36)

軟殼蟹黑松露忌廉意大利粉 ($108)最能引起我食慾的是那香噴噴的黑松露香味。

不過，這個意粉還有另一個賣點，就是那個原隻軟殼蟹！

軟殼蟹炸過，但吃起來並非鬆化乾身那種口感，但還是脆而吸引；真不愧叫「軟殼蟹」，外殼脆而不硬；

意粉加入了黑松露，香氣十足，可口美味。即使是洋蔥或菇菌，也被提升了味道層次。朋友獨享。

吃過了意粉，且看看同樣是黑松露的意大利飯（黑松露雜菌蘑菇屋 ($78)）又如何？

想不到，這餐廳的食物賣相都是很吸精。

除了軟殼蟹意粉的軟殼蟹原隻上，份量十足外，這個蘑菇飯都是大大隻地蓋在飯上，十分可愛！
忌廉汁很多，上面有不少菇；值得留意的是那個飯，因為它切實是個黑松露飯，整個飯都是黑松露的蹤影和香味，令人感動。大蘑菇超大隻，夠JUICY！

將飯拌著忌廉汁和菇一起吃，就是最美味的享受。這個飯雖然沒有一點肉，但吃完也感到非常滿足！

吃過飯和意粉後，便向店員示意可以上甜品。

等待期間，我們當然是先享用那杯可愛到極的「三眼仔拉花」綠茶鮮奶($36)吧！

我跟朋友餵飽相機後，便開始消滅「三眼仔」了。其實，當真的要下手時，我們都不忍心，甚至互相推搪，不願做那個「兇手」。

這個三眼仔拉花圖案實在出色，放了一段時間也沒有走樣。顏色很實在，綠色很鮮豔，不知道是否有加入色素。

喝一口，香濃且在喉舌間散餘下淡淡的綠茶味，不澀不苦，入口亦香滑，絕對是「飲得又睇得」！

終於到了吃甜品的時間了！其實，這店的窩夫口味實在太多，我們千挑萬選下，最後還是選了紫薯雪糕窩夫 ($88)。可能朋友知道我是個「紫薯控」吧！

這窩夫不但是紫薯味，還要「紫薯到底」！雪糕是紫薯味，伴隨的忌廉也灑上紫薯粉，最令人驚訝的是，每一塊窩夫上還有一粒蕃薯粒，真是「好紫薯」呀！

紫薯雪糕還是第一次吃，味道很有新鮮感，不太甜，紫薯味十足。

窩夫上的蕃薯粒跟平時煲熟的蕃薯無異，很軟糯，帶著天然的蕃薯甜味。

窩夫可分成4個心形，外脆內軟；沾上雪糕，拌著草莓、棉花糖及星星脆米同吃，層次豐富，口感有趣。抹茶控的朋友這次也吃得興奮，大讚窩夫好吃，實在難得。

荃灣有了這個咖啡灣後，我想，到真正咖啡灣的人應該會減少吧？哈哈！

La Kaffa (北角)

雖然之前聖誕無咩節日氣氛，但都有同朋友一齊去食聖誕大餐。我覺得，又唔係真係要去酒店個啲先叫聖誕大餐嘅，宜家一啲café都可以做出一啲有心思嘅菜式，價錢又無咁貴，感覺經濟多了。

平時好少去北角呢邊，雖然在港島上班，但家住新界，吃個飯再坐車差不多一小時多才到家，每次想到這個，哪怕多吸引的美食，我都會打退堂鼓。不過，今次朋友叫到，加上聖誕節一年才一次，我就答應了。

為避開高峰期，我們提早吃大餐，就在12月21日晚上。店內帶點復古味道，加上聖誕節裝飾所營造嘅情調，我們都覺得呢個聖誕餐吃得特別有氣氛。聖誕套餐包括前菜、湯、主菜（二選一）、甜品同飲品，每位 $298。我們3人行，加上套餐以外嘅食物都有興趣，就揀咗1個套餐，再叫其他食物。食物包括：

- 巴馬火腿配金巴利子華都夫沙律
- 酥皮海鮮湯
- 威靈頓牛柳配黑松露燒汁（可選另一主菜：鵝肝慕絲釀鴨胸配金巴利子燒汁）
- 八安士安格斯芝士蘑菇漢堡配辣肉腸及薯角
- 香煎美國安格斯肉眼扒
- 雞翼大聯盟 (18隻)
- 鮮果奶凍
- 草莓奶凍
- 提拉米蘇杯
- Oreo 紅豆奶茶
- 岩鹽焦糖朱古力

係咪好豐富呢？所以我們食到一半已經飽～～～聖誕大餐就係要咁XDD

巴馬火腿配金巴利子華都夫沙律（套餐內）沙律加上巴馬火腿，同一般食沙律嘅感覺對比，覺得自己高級咗。火腿不會太鹹，作為前菜，是不錯的開胃搭配。

酥皮海鮮湯（套餐內）其實平時我好少飲酥皮湯，因為很少餐廳會供應，大多數都只是提供白湯或紅湯，可能因為酥皮湯多「工夫」，製作需時吧。這個酥皮湯足料又好飲！上檯時夠熱，酥皮層次分明，放進湯內浸一浸，吸收了湯汁，軟軟的，正！忌廉湯內有不同的海鮮：如青口、蟹柳和蜆肉等，難怪帶香濃的奶味之餘又鮮甜！

威靈頓牛柳配黑松露燒汁（套餐內）見到有呢個主菜，我真係超興奮。事緣早前看過飲食專題介紹這個菜式，提及製作需時，工序亦繁複，所以香港實在很少餐廳會供應。看罷，我便一直很想到某店嚐味。還未出動，現在就有機會嚐到，故選主菜時，沒有丁點猶豫便決定了吃它！ 為什麼叫「威靈頓牛柳」，其實是有典故嘅。呢個菜式係由英國人諗嘅，好考工夫。因為廚師要把牛排塗上鵝肝醬或者鴨肝醬，之後喺上面用酥皮蓋住，再放入焗爐。唔同嘅生熟度，就要控制好火候同時間，但酥皮又唔可以過火呢，所以要做得完美，一啲都唔簡單。至於點解要叫「威靈頓牛柳」，有傳聞話係以威靈頓公爵命名嘅。牛柳同平時食嘅比較仲 juicy 咗～可能因為有酥皮包住，令肉汁無咁早流失，肉質都算滑稔。酥皮好好味，估唔到同牛肉都幾夾～不過，酥皮似乎多咗啲……開頭唔係已經係飲酥皮湯喇咩？^^” 呢份咁大份嘅牛柳隔離仲有蕃茄同薯蓉，想唔飽都幾難……

八安士安格斯芝士蘑菇漢堡配辣肉腸及薯條（$98）呢個burger係睇食評個時見到，朋友就話一定要叫！因為她們是被那隻蛋吸引住！個包真係好大個，我覺得咬一啖都飽咗。佢用咗八安士嘅安格斯漢堡，朋友覺得唔止XDD中間夾有好吸睛嘅太陽蛋，仲有芝士、蘑菇同蕃茄等配料。我唔食生蛋，所以無夾蛋食，但都覺得好多汁！肉雖然厚，但唔會「鞋」，亦唔會鬆散，證明廚師嘅功力到家！漢堡包旁邊附有辣肉腸及薯條，超豐富！有可能不飽嗎？哈哈！

香煎美國安格斯肉眼扒［配薯粒］（$148）扒嘅分量唔算多，但我覺得真係好好味呀！肉眼相對西冷嚟講，無咁重牛味，不過肉質軟腍啲，易食啲。而我呢塊係6成熟， 無咁熟，肉汁多少少，可能因為咁，肉味會出返啲～配微辣嘅黑椒汁， 幾好味～仲有薯粒添，呢個價錢都幾抵～

雞翼大聯盟 (18隻) （$108）18隻雞翼！點食呀？係呀，你岩呀，我哋都好後悔當時叫咗咁多，最後梗係打包返去畀我弟弟呢位雞翼殺手啦！不過，呢個大聯盟上陣真係好有氣勢架，影相真係好正！當中包括3款雞翼：玫瑰、檸檬和水牛城。頭兩款雞翼是烤焗後再分別加上玫瑰糖漿和檸檬皮製成的汁，入口帶甜味。玫瑰雞翼有散發出玫瑰花香；而檸檬雞翼跟玫瑰雞翼有點相似，不過入口時會聞到檸檬的清香，感覺更清新fresh！雖然平時少食甜味雞翼，但我覺得廚師處理得唔錯，有創意！而水牛城雞翼就比較辣，開始前也不太感受到，但後來就開始愈來愈辣！嗜辣人士必食呀！

終於到甜品喇～～YEAH!! 我們3個人，就每樣一個試下啦～～

鮮果奶凍（$28）及 士多啤梨奶凍（$28）奶凍入口好滑，分面在於上面個層。兩款口味都係酸酸甜甜，不過士多啤梨會酸啲啲，不過好香士多啤梨味。雖然係酸，但奶味依然係度，無被蓋過！飯後甜品食呢個可以減去滯膩感呢～

提拉米蘇杯（$38）如果係平時嘅 tiramisu ，我們就真係唔敢叫，因為真係食唔落；不過咁細杯，又咁得意，又真係可以試下嘅。雖然細細杯，但佢逐層整，食落真係有咖啡味，唔係得甜味，唔錯！=P

Oreo紅豆奶茶 （$24）「Oreo」就係上面後加同下面沉底嘅餅乾，我從奶茶嚐不出 Oreo味道。不過，值得一提的是，奶茶並非港式奶茶，而是珍珠奶茶那一種；加入紅豆，挺特別的呢。朋友好鍾意，飲曬成杯！

岩鹽焦糖朱古力（套餐內）

呢個無預期般好飲，我跟朋友都覺得，鹽味和焦糖味不夠突出，跟一般朱古力飲品沒大分別。總評

呢間餐廳啲份量真係好多，價錢不貴，如果平時要同朋友慶祝生日，都可以考慮下嚟呢度食。因為食物質素唔錯之餘，又夠特別。不過，對我嚟講，又真係遠咗少少。可能下次試下其他分店喇～～呢個套餐除咗北角，另外馬鞍山同及粉嶺分店都有架！

平時呢度主打 Fusion 菜，中西都有，仲有 All Day Breakfast架！如果我住附近就好喇！

威靈頓牛柳配黑松露燒汁、雞翼大聯盟、香煎美國安格斯肉眼扒、Oreo紅豆奶茶、提拉米蘇杯

Eggspectation (荃灣)

一星期多前，另一位食評家在我的食評留言了，我看回她的食評時，發現了這小店，也許這叫緣份。因為我在這段時間碰巧在那邊做兼職，之前一直未曾踏足那個角落。
這家店不難找，在屋苑的平台商場一家上海菜館旁邊。看，它的裝飾挺特別，尤其是它的擺設呢。看起來像是擺設，其實它們都各司其職。正如這個看上去是鴛鴦雪糕窩夫，其實它是醬瓶。出乎意料吧！因為來之前已經知道這裡有甚麼特別，所以到訪的目標很明確，就是雞蛋仔！不過，應該選開心果味還是OREO呢? 我的選擇困難症又發作了。饞嘴的我問老闆娘能否弄鴛鴦味，她解釋由於口味不同，火候跟時間都不一樣，所以很難掌握，未能這樣做。那我只好捨棄OREO了!因為以前吃過朱古力粒的雞蛋仔了。
在等的過程，把店舖環境都拍下來。我看到店裡現在有很多新的產品，專為夏天特製的。如有果汁梳打、水果雪糕窩夫及夾餅等。我很想吃窩夫，可惜還在咳呢。我的雞蛋仔終於出爐了！為了拍張靚相，我請老闆娘先別放進袋內，等我拍個夠後，自己放就可以。嘩！這個放雞蛋仔的紙袋？紙盒？未免太可愛了吧！？能跟店舖主題維繫一致性外，下方那２個透孔的Ｅ字能起散熱效果，真的體貼，有趣又有創意！不得不讚呢！ 
 
 
 
 
 
終於可以吃了！拿在手上，我已聞到開心果的香味。
 
拿近看，你們是否也看到真材實料呢？ 
 
 
 
 
真的有開心果的呀！真的想不到雞蛋仔也能這樣多變化。
雖然涼了，但是一咬，外皮仍是脫的，很棒呢！開心果在外面涼了，但也沒有變「淋」呢，仍是跟平時吃的開心果一樣，不過可能沒有外皮，所以不會鹹；正因如此，雞蛋仔的味道不會被喧賓奪主，輕易地保留了甜味。=) 店內張貼了一張字條「不加一滴水」,以示蛋漿真材實料。一咬雞蛋仔，外脆之餘，更是內軟！你看，裡面多綿實，想找一點罅隙也難，的確是真材實料呢！值得鼓掌！！老闆娘頗友善的，臨走前也叮囑我保重身體！
我覺得這店很有創意，對食物製作很有熱誠。不過食物價錢稍貴呢。定價在$15以下會較合理，然後將份量減一點，我想這樣會吸引點。畢竟這些是小食，不能當飯吃的。「小吃多滋味」，每種食物嘗一點點，這樣可以嘗到不同的食物，不同的款式也嘗一點點，不是更好嗎？我說過，待我康復了，我一定會去吃窩夫的！！

小小提議：雞蛋仔的可塑性很高的，我想，老闆娘不妨想想製作流心版的雞蛋仔呢？朱古力流心，芝士流心，流沙雞蛋仔……哈，應該挺特別吧？

金亞淶泰國餐廳 (荔枝角)

聽人話呢間工廈裡面嘅泰國菜幾抵食，平日放工之後都唔少人特登去食，所以今次我都拉咗個FD去試下。
黃咖哩海鮮 $85 （蒜蓉包 加$15）


咖哩海鮮咁惹味，梗係要配蒜蓉包食啦～黃咖哩香氣濃厚，帶微微辛辣感；海鮮有青口、蝦同魷魚，份量足又夠豐富。而蒜蓉包好香，但食落一啲都唔油，沾咖哩真係無得彈～加$15就有4塊，真係幾抵。
手工泰式春卷4件 $58
春卷一份有4條，即叫即炸，上枱時熱辣辣。外皮薄而脆，內餡有肉碎、粉絲、蘿蔔、黑木耳絲等，口感豐富，蘸埋泰式辣醬仲惹味！
泰醬酸辣黑豚肉 $128
呢個係新出品，所以叫嚟試試～黑豚肉肥瘦相間，脂肪特別爽口，有食豬頸肉嘅感覺。特調嘅泰醬，食落同冬蔭公味有啲似，但問過餐廳，話唔一樣；呢個醬酸辣味濃，可以伴沙律菜食。不過我哋嫌太鹹，有啲偏重口味。
椰汁珍多冰 $18　　金鑽鮮菠蘿冰 $20

飲品揀咗椰汁珍多冰同菠蘿冰，朋友杯珍多冰好香椰味，入面有綠色嘅珍多粉氣，食落口感爽滑，味道清甜。
聽講飯後果最好食菠蘿，所以我就揀咗菠蘿冰，大大嚿新鮮菠蘿，新鮮又香甜多汁！

椰皇3重奏 $42
呢個甜品最有驚喜～本身係3重奏，我哋呢個有埋原個椰皇上陣，所以應該叫「四重奏」。除咗椰皇之外，入面有果凍、椰奶凍和炸香嘅椰絲，超豐富～果凍同奶凍口感好正，椰香十足，香甜清新，我哋２個搶住食！