anicool 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2012-03-31
開佐咁耐都係食過一兩次,尋晚大家傾傾下先察覺好耐無食過,一於俾次機會啦! 晚巿都好爆,等佐半個鐘先入得。 鬼山血池地獄拉麵 配料有粟米芽菜海帶感覺好豐富 泡菜豬頸肉拉麵 泡菜只得幾條,未免少家。 拉麵上桌時都係一餅,要自己摷散.... 紫芋年糕 但分到咁細舊 賣相扣晒分 金菇牛肉卷 牛肉不會太老 點埋個汁吃 真係幾好味 估唔到最令人滿意係金菇牛肉卷呢!
評分: 味道 3 環境 3 服務 3 衛生 3 抵食 2
2012-03-30 (屬於相關食評)
逢星期3都會在此買麵包,因為星期3會有9折。 買開的糯米蛋糕有椰子紅豆,曲奇橙皮,朱古力和綠茶紅豆,每個星期唔同味。 今個星期係綠茶紅豆味,因家人大愛,所以星期5正價都要入貨! 煙韌的蛋糕質感,未食已聞到的濃濃綠茶味,咬到中心的紅豆蓉,食完真係好滿足呢! 但係今次想講係 星期3果個好明顯係焗唔透又細個d 星期5果個焗出黎顏色靚好多 推介美食: 糯米蛋糕
評分: 味道 3 環境 3 服務 3 衛生 3 抵食 3
2012-03-30
好耐無去過据扒,見此舊式扒房,心思思想試下。 當朋友問我想去邊樹吃生日飯就決定來這裡了! 晚上七點四十五分到,剛巧不用等坐到最後一張卡位,lucky! 後來的都要坐中間四方桌搭枱啦(卡位已經很迫,所以搭枱... 感覺更迫) 第一次來點菜前問老闆意見,老闆一句樣樣都有人叫ga wo,樣樣都受歡迎ga la!你諗掂先叫啦...= = 首先上桌的係大大的麥包,真的很巨大呢!拎上手暖暖的,咬落都鬆軟,食完已半飽了! 羅宋湯都多雜菜,可惜不夠熱... 黑椒牛柳,黑椒汁很惹味,牛柳七成熟,咬落去嫩嫩的無咩根! 小店不停有客進出,翻枱速度頗快,老闆伙記見你食完,已即時請你埋單。 80蚊一份扒餐,我唔會特地再來!
評分: 味道 2 環境 2 服務 2 衛生 2 抵食 2
2012-03-30
公司同事間唔中會一齊黎飲茶! 食佐咁多次!必食推介係燒賣,大大粒的燒賣有2粒蝦加豬肉,咬落去夠彈牙又juicy,係每次我地必叫的點心! 環境一般般,如果滿客ge話會好嘈,可能始終係地牢,d聲無咁易散開去?! 服務不錯,會主動問有無漏單,幫我地跟。 尖沙咀區比較抵食的茶樓~ 推介美食: 燒賣
評分: 味道 3 環境 3 服務 3 衛生 3 抵食 3
2012-03-30
不用返工的星期六,做個孝順女陪爹娘飲下午茶。 事先打去問過全日都係8蚊茶錢,下午茶點心以入單為準。 未夠2點先去等位,因為唔搭枱,等了大約30分鐘,但入到去見其實都幾多吉枱... 叫了 蝦腸 - 皮厚 燒賣 - 豬肉份量略嫌太少了 燒朒卷 - 入面的五花朒肉乾爭爭... 馬拉糕 - 不太甜ok鬆軟ge 牛肉 - 正常水準 雞扎 - 竟然用雞頸雞腳去包,唔係掛... 大點wo 咸水角 - 大大粒,但係只係得皮厚... 裡面得一丁點餡 埋單HKD120 只可說普通價錢普通GE質素 勝在悠悠閒閒唔會俾人趕 推介美食: 真係諗唔到
評分: 味道 2 環境 3 服務 2 衛生 2 抵食 2
|