沙嗲王 (旺角)

尋晚同三個朋友同一個小朋友一齊出左旺角食飯
小朋友行到好累..附近有好多店舖都仲放緊大假
好彩仲有d連鎖的餐廳照放者..所以係快 靚 正 的情況下簡左沙爹王

事關小朋友係國內的親友黎既
都想比佢食多d唔同既野
沙爹王可算係合乎我地的要求的

日式炸蝦餅--正..呢個係我地全部人推介既
熱辣香脆..正過老m的什麼脆雞包好多倍
佢既蝦味也好多呀..奇怪既係我明明對蝦敏感
食完乜事都無既??($8)

娘惹咖喱牛肉飯--5..其實我唔知咩係娘惹
也唔多食到有咩好獨特的味道
肯定既係佢d牛肉一定有落鬆肉粉
乸到無乜牛味食到咁滯..($38)

麻辣牛肉米線--有分大中小辣任君選擇既
我食左啖就無乜再掂啦
因為佢個湯底同我想像的差太遠
我會想食一個煲出黎辣既湯底
而唔係一個清魚湯+辣的湯底..
老實講幾失望($38)

印度薄餅--呢個係為左小朋友而叫既
不過點都叫做即叫即做即起
熱辣又鬆又香口..沾少少醬仲正啦當然
不過凍左之後當然會硬晒呔啦...哈($16)

白咖喱奇脆雞飯--小朋友自己一個食晒..無幸得嚐($38)

鰻魚(加)蛋石頭窩飯--呢個又係另一推介黎既
鰻魚又滑 蛋又香
加上食到尾仲有埋飯焦食..脆卜卜
一雞兩食..夫復可求($4x)

蟹粉豆付鍋--呢個..蟹味香濃 豆付滑
可惜既係兩樣野唔多混得埋
分開食會更好吃..但單獨黎講係正既!but唔夾($3x)

粒粒墨魚糖--係越式菜黎既..大概係墨魚打膠包春卷皮炸起
墨魚味香濃..唔會無餡既..掂 ($28)

五個人食到飽飽,無食左榴槤飄香添..- -
價錢可能出錯嫁

皇后飯店 (九龍塘)

昨晚咁岩有朋友生日
同埋佢成家大細一齊去左呢到慶祝
因為我朋友鍾情牛扒到不得了

論食物的話..的確不錯
羅宋湯有中上的水準..夠杰身也夠濃郁
好正..好少飲到呢我

正餐方面我叫左西冷五成
同行其他朋友就叫左牛柳
5..都係牛柳好食d
佢個牛味較重同埋火侯控制好好
相比起我個西冷立即淡晒
同埋太大塊..我又食得太慢

到講佢令我最唔高興的服務
我十級懷疑有無table manner可言
不要仔細到左上右落
湯..主餐碟..完全無人收
四個waiter經過注意到但係唔做野
佢都係四圍遊緊炸啵..唔係爆場呀..搞乜鬼???
唔會我放湯匙係底碟邊..刀叉同一方向放..有錯掛-0-''

唔好期望佢有同等價錢的服務招呼
同係食物而論..的確比足你
情侶要靜的話也不要來..場面一般比較熱鬧的~

ps佢d汁唔岩轉時可以轉嫁!黑椒夠香夠辣~yummy
羊四成頂多五成好了..值得一試的..聽說

壹麵館 (將軍澳)

說真的我沒有食過口水雞
今日特地叫一叫黎試試看
打食評之前見到係此店的招牌菜..感覺更差

引用至某位師兄:
「另外的口水雞飯也是看頭十足，這個三十六元的套餐竟然也有近四分之一隻大雞，還要是有雞脾吃，夫復何求，雞脾肉也算嫩，雞胸也不嚡口，但是雞味也是沒有可能有的了，而且吃口水雞，也不是首重雞味吧，說到那味道，確真是有點怪，那些紅油是接近橙色的油，而在上也撤了一些花生碎，也許真的是不太地道了，而且未能給我感受到口水雞內，應有香辛的層次感，好的口水雞，應該是入口初甜，其後帶辣但不嗆喉，今天沒有以上的感覺，而香麻的感覺也沒有，看在只是三十六元的價錢，也沒有什麼好怪的了。」

三十五蚊有前菜四只煎餃+主菜口水雞(大辣)+白飯同餐飲
我個人係覺得幾平下既
平日都係食開煲仔飯同扒飯唔錯
所以今日特地豪一下..點知出事

煎餃之後已經試過
一如以往..中蕉了
唔知係邊間急凍店的來貨
皮厚粉多肉味無
煎左香口d都覺得差
水煮唔知又有咩口感啦

白飯我肯定佢整定既一早
飯的表面乾巴巴..涼的
內裏才有番新鮮既感覺
唔駛咁有效率呀
都要講求新鮮掛...

豆漿我當然無得彈
我覺得除非係即製
否則all the same的

主菜口水雞..好大碟
脾胸位都好齊..接近半隻..女仔唔會食得晒
同時佢係涼的
應該係水煮待涼切件上的
再加上辣又唔係好辣 咸又唔係好咸 香-我無鼻塞但係嗅不到 既汁
加埋小小花生碎~ko

衞生特意一提
個tray痴手的...大罪

珍寶餐廳 (牛頭角)

又四圍去搵早餐食啦我今日
一落到樓下咁岩有車出觀塘所以跳左上去
其實觀塘都食得太多太多次啦
熱門既地方真係食到唔想再食
再者質素又未去到我要去番叮的地步
所以我決定幫手搵下d隱世餐廳上黎分享一下

茶記呢種食肆..其實你去多幾次都知有乜食乜價
18兩餸粉面
20常餐配單餸粉面
22扒類飽肚大餐
我一般唔多想找數麻煩...食廿蚊飲熱飲餐岩岩好

要左個餐蛋方包跟沙爹牛意 飲熱奶
餐蛋可轉腸蛋或腿蛋
方包可轉迷你菠蘿包
沙爹可轉榨菜肉絲或蕃茄肉碎
意粉可轉米線或公仔線或通粉
野飲..唔好叫我話你知啦掛...
所以好欣賞呢間野大把combo比你玩不同連技

餐有兩塊蛋一隻
餐肉老實比較黑既..我估係雪過夜黎
不過無辦法啦..小本經營人流又唔多
想食靚靚餐肉去大x樂 大x活啦要
蛋蛋就比較油..所以係叫中間偏下啦

相反個沙牛意又好正啵
唔知係撞手神(我當年做大排檔係撞手神既)定點啦
d意粉真係熟得岩岩好..彈下彈下
個沙爹牛個汁又夠香濃
最慘既係佢牛肉好多片呀
出面成日得兩三片好似乞番黎咁
所以我好滿意呢碗面
下次黎可能淨係面餐加凍飲

杯奶茶好香奶味
可惜睇唔到係咪真係用黑白牛黎沖啦
呢到擺到明(杯碟印晒)用tipton-應該用串錯字 嫁啦
係滑同無沉澱物呀
可惜唔係茶香呀(個人對這品牌的評價)
如果茶味再濃d就一流啦

最閒都係見到d夥計同熟客講下家事電視劇
同埋場地用阿華田 好立克 罐做裝潢..哈..好有親切感

唐記包點 (將軍澳)

嘩..好耐無食過咁正既中式包啦我
話說昨日補完習餓餓地..身上無乜錢
諗住求其去凱施買個包..點知無D抵食夾大件的
咪試試隔離新店LOR

七點鬆D..絕大部份包點已經賣晒
咁厲害..試試你先
食左個羅漢齋包同菜肉包
一食個羅@@包..正呀!!!
皮薄先起碼..好耐未試過食一啖就食到個餡啦
D皮又唔會痴牙先
(酒樓貨式食得太多..印象唔好)
D馬蹢同木耳好新鮮

菜肉包無X茜嫁!!餡料又夠多
同埋佢兩款包D料都食得出好新鮮同多汁
唔信去試下就明嫁啦..