珠江酒家 (太子)

今次巳經是第三次黎珠江食晚飯
之前覺得味道都普普通通，都可以作為聚腳既好地方
雖然姐姐態度好好，但今次食物都不大符合期望

特列出以下菜式覺得大家可以落單前再三考慮

椒鹽鮮魷 - 實在太咸，炸粉太多

蝴蠂腩煲 - 味精太多，腩肉與梅頭差不多

檻柆肉蒸斑塊 - 最過份，用雪魚當班塊

滾喜火鍋專門店 (旺角)

今次相約好友一齊打邊爈做冬
喺OPENRICE 查看後見到呢間新開火鍋店都有廿幾個LIKE
又可以BOOK 枱有折，所以就去試下

到步後唔洗等位就可以入坐，服務態度幾好

我地一行五人就叫左個大芝士雞煲，味道OK，好多芝士，雞肉都夠嫰
但個人喜好，都係覺得傳統麻辣雞煲配火鍋夾啲。
食完芝士雞後，侍應會加上豬骨湯黎做湯底

哈~!! 個人覺得個豬骨湯底無咩特別

今次地叫左以下配料

(大) 雪花肥牛 - 太細碟，係用一個例牌碟再放上卷成一圓筒，數量有幾多可想而知，但價錢都唔平

響玲 - 相信與大家平時食的一定有好多出入，呢間應該係用腐竹再繞一圈再炸。係好有腐竹味，但口感同吸湯度完全不合相

蝦+墨魚滑 - 用料都足，但份量太少，只有一個細飯碗大細，但價錢要約100

其餘的都係一般般，雲吞、皇帝菜、珊瑚蚌、..... 都唔係叫左好多野
7折後每位約170
咁大家可以參考下

The Chef Kit (上環)

見喺上環 DINNING COUPON 價錢都係 HKD$2XX+SERVICE CHARGE
覺得呢個價錢喺上環食晚飯都抵可以一試

呢個餐廳都好容易BOOK 位，約了一行3人星期五晚去試食

因為有BOOK枱 (定無人流呢 ? 哈)，不用等位可以即時入坐

入坐後侍應提供了幾張 ORDER 紙給我們
1) SOUP + SALAD
2) 小食
3) 意粉
4) 主菜
5) 甜品

好奇怪的規限，任食2小時，頭一個鐘要求我們只能 ORDER SOUP, 小食, 意粉
之後一個鐘才可 ORDER 主菜, 甜品算吧
我們先每款 ORDER 一份先試品再決定重點食咩好

SOUP: 南瓜湯好甜....糖水一般; 雜菜湯是一般的雜菜湯吧 (無再 ORDER過了)
小食: 雞奕係烚熟後加上汁吧，肉丸太多根及太硬吧，其他都無咩記憶了~~~~
SALAD: CASER SALAD, 蘋果 SALAD 都好FRESH  (REPEAT 了3次)
意粉﹕黑松露意粉, 白汁意粉 個人特別喜歡

話咁快就一個鐘了，到主菜上場
每款都點了3份一齊試食，有乳豬、煎三文魚、燒春燒、牛扒定羊扒
侍應一上菜我地都大開眼界，全部無任何裝飾好似自己食 BUFFET 咁放上大碟上
主菜只有三文魚味道 OK，其餘的乳豬、燒春燒、牛扒定羊扒
我只能形容好似屋企將隔晚燒味煎熟咁的味道
主菜我們只點了一次就無再點了，所以再點 SALAD..... 點知最後都係無送上來
我們只好點甜品吧

甜品有LEMON批、PEACH批、CHOCOLATE批，三款都OK

最後結論係 SALAD、意粉、甜品係今餐最好的，其他都不值一試了
如果呢餐 HKD150 就覺得 OK，現在要 HKD2XX，我們都覺得不如上中環餐廳食會好啲

食品裝飾都好緊要，直接影响客人的FEELING

用裝杯的碟給客人裝食品會唔會唔係咁好呢?

主菜應該係餐廳主打吸引客人的皇牌，最好以後能改善一下吧

柏景餐廳 (尖沙咀)

喺 OPENRICE 睇到呢間酒店好似都幾靚
價錢又平，咁一心諗住試新野，點知就即刻領野

今次我同朋友就去食宵夜自助餐，一坐低就先去睇下有咩食
睇個陣就好似幾多野食咁

但冷盤區只係覺得三文魚刺身可以食，其他睇落一啲興趣都無
但三文魚全部都係啲邊位，碎碎濕濕咁，夾都都唔想食
渶X苑果啲仲好過佢

個燒牛扒部份放晒牛扒醬料，埋到去叫牛扒唔該
個廚突然問番你 " 要义燒定要火腿 ?? " 真係搞笑

因為只開放一部份區域，搞到個甜品部同啲甜品同啲 TABLE 放埋一齊，差啲睇佢唔到
不過算啦，睇唔到都唔係咩損失，因為味度真係普通到不得了

主菜區都係得腸仔，雞翼，粟米....... 餃子.... 總之無乜特別

成個時段都得小貓三幾隻，結論係大家千祈唔好去
去 HOLIDAYXXX 仲好，價錢都係差唔多

新記越式牛肉粉 (長沙灣)

今日喺深水埗行吓，見到呢間新開嘅越南餐廳
見到菜單價錢都合理，所以就黎試吓


今次叫咗一個湯河，－個撈檬，兩個小食！真係失望😮‍💨

火車頭河粉❌，河粉碎濕濕，湯頭無味，餸料老到好似柴皮咁。可能加咗底，湯汁一陣間就被河粉吸乾哂

傳統炸春卷⭕️，味道最好，味道正常，夾住生菜一齊食算係可口

豬扒撈檬❌，豬扒俾梳打粉拿度無晒肉味，成個感覺就好似食緊山竹牛肉咁

香茅雞翼❌，完全冇香茅味，只可以話夠熱係佢唯一特點

真係唔會再幫襯第二次