金水壽司 (上水)

相約友人在上水開飯,諗起之前經常幫襯既金水壽司決定再去,貪其不用排隊食物水準都OK,
果然,依舊不用排隊,坐低後,待應端上3杯緑茶,一口喝下發現涷冰冰的,唯有揮手要求更換熱的,
等了又等,唉!個個待應當我地透明,男友火起,叫停了個女待應,佢好不願意替我們加熱水,3隻水杯都係"彭"一聲放落枱面,
我地"哇"一聲投訴"O甘大力O家,剛好一位男經理經過立即道歉,並即拿來一瓶保暖水放桌上,以平息我們的不滿。

擾攘一輪,食物到了。今次點了壽司拼盤、三文魚刺身、炸蝦天婦羅、蟹膏炒飯和餃子。壽司拼盤:好失望啊 !很細件,d魚生完全唔靚又無鮮味,像超巿質素。

三文魚刺身:4片薄片,食落無質感,無鮮味,以前是厚厚的。

蟹膏炒飯:份量大、味道OK但涷冰冰的。

餃子:涷冰冰的,普通不好吃

炸蝦天婦羅:又是涷冰冰的,好像炸了很久,好失望,。以前一向是微熱上枱,又無太多油,好好吃的,為甚麼退步了咁多!

個人認為食物質素下降了,下次不會再來!!!!!!

Pizza-Box (上水)

為慶祝BB生日,本想去上水H記大吃一番，星期五晚打去book位之際 ,答案竟然是執左,唉!大概又是上水自由人市場效應,捱不住貴租吧! 粉嶺H記之前去過,出品奇差,實在不敢再試......只好急急上openrice搜尋下有冇other pizza choices?搜尋後見到pizza box上水分店，打電話去查詢下，原來只有外賣,不設堂食,好~無其他選擇下，唯有外賣速遞試下！
打去Hot|ines order,個女人態度好差,說話好悔氣,實在要培訓下!!!我落左個$218的4－5人餐，批要左半分天下厚批(啖啖肉+千島多香鷄)，卡邦尼意,(我其實是要飯的,算了),BBQ雞翼，沙律2個及雜菜湯2個。另外,我再點了一個肉醬意粉及芝士汁焗蔬菜。下午4:30打去，要求6:15送到，司機5:55打來confirm送貨地址,說6:10可以到達，果然好準時,說話態度好又有禮貌!!!幫Hot|ines 個惡女人挽回少少好感啦!
回家立即打開紙盒來開餐,食品包裝得好整齊,還有微微暖氣，立即開動……Pizza：2款味道都好食,啖啖肉好足料千島多香鷄配千島醬好香,可以比得上H記,好味
BBQ雞翼：個醬好難食
卡邦尼意粉：個汁濕濕的,配烟肉,香口但有點膩
雜菜湯:哇!好難喝!得d茄汁水味,完全唔掂
沙律：薯仔沙律，ok
肉醬意粉：超難食，乾到無汁，肉還肉,意粉還意粉,無汁=意粉同肉醬完全撈唔到,勁差,失敗之作!!!
芝士焗蔬菜：可以,但d菜有d老
總括而言：Pizza好好食，其他都就唔ok,希望佢地可以改善下其他食物的質素啦,整係得pizza點可以再encore?

快船廊 (中環)

踏入12月又到媽媽大人的生辰,媽媽大人最鍾意食自buffet。上open rice看看食評及推介後,終於決定選址Clipper Lounge,順道可以在中環遊一遊,影下聖誕相。

Clipper Lounge位於文華酒店閣樓,大堂上1層樓梯便到。訂位既時候,餐廳已告知安排我們的座位離食物枱較遠,到達時,
發現真的很遠,位置是差不多在商店後面,到食物枱要行半個大圈,很不方便!食飽又趕住出去,根本不能悠然自得享受一頓晚餐

媽媽大人和細細妹是甜魔,爸爸是生蠔大師,我和男友是海鮮刹手,哈哈!大妺是雜食天后,什麼也放入口!

當日主題是上海之夜,冷盤海鮮有藍青口、翡翠螺、長腳蟹、蝦枱、龍蝦仔、聖子和鮑魚。蝦、藍青口、翡翠螺味道一般,聖子雖然有少少沙,但在buffet比較少見,都很特別。龍蝦仔和長腳蟹味道新鮮,但很咸,ENCORE 第2碟時,個口已經支持不住,要連
喝1大杯水!!!最好吃的是鮑魚,非常新鮮,但要投訴供應很少,又無refill ,有D失望。生蠔新鮮厚肉又大隻,正! 魚生有數款供應,特別推介三文魚,切得很厚,咬下去令人感覺很滿足。放在餐枱的牛油很精緻,配上麵包很好吃。

主題是上海,環顧四周,無什麼是主題食品。熱盤方面,有魚柳、星州炒米、炒飯、雜菜和燒牛肉......都是普通的款式而且每款供應很少又無refill ,尤其是燒牛肉無牛味又"鞋"。

眼睛只好移向麵檔,牌上寫着"擔擔麵",抱着要填飽肚子的心態,向厨師要了1碗,肉醤+麵,醤唔香、麵唔滑,弊了!!!!

等了好久,星州炒米又無refill ! 轉了一圈又一圈,算了,真少款式!!!

看過open rice其他食評寫的大閘蟹,以為當晚以上海主題會有得食,結果無出現,極失望。

中段已進入甜品部份,這時兩個甜魔而伸出魔掌了,每人捧了一碟,有很多小蛋糕。我最喜歡的甜品有圓球小朱古力、藍苺芝士cake,雜苺雪糕和酒店送俾媽媽大人生日的石榴蛋糕。其實,文華酒店的甜品大部份都很好吃,不太甜,賣相極精緻,看得有賞心悅目。如果是甜品痴,一定不要錯過。我有個疑問: 是當天恰巧款式少?\是當天位置太偏遠,未有及時見到refill,錯過了食物(我已行了好多轉)?\還是主題是上海,比較
少食物品種?....真的不明白,這真的是文華buffet 水平嗎?希望再有機會試多次,有機會推翻今次的食評。飯後調查,結果如下: 媽媽大人和細細妹: 80分, 大妺: 70 分, 爸爸、男友和我: 50分

Odelice! (沙田)

新年流流，需要買好多禮物🎁送埋親朋好友，日日去逛街，好開心。
今晚去沙田新城市瘋狂購物後，轉戰Odelice歎一回法國菜。

餐廳位於新城市1期6樓，位置方便。我地到達餐廳時，就嗅到一股強烈的酸菜魚味，原來隔離鋪頭開了探魚，附近都飄住一股濃郁的酸菜魚味道🫠，餐廳入面通風設施都好差，一邊食西餐一邊傳來酸魚味🫣。

Odelice裝潢是藍白簡約風，流露着一種田園法國風，侍應安排我地坐大卡位，感覺尚算寬闊，但出入有點不太方便。

是晚大家都好肚餓，胃口好好，所以點了好多好多菜式，慢慢品嚐🥂。

法國生蠔❤️❤️❤️點了1打，1️⃣盤上枱感覺很澎湃，
生蠔雖然新鮮但比較瘦，不夠肥美，淺嘗暫時止住
我對生蠔慾望🫦

POKA沙律❤️❤️❤️盤頭都大，1️⃣份都足夠2人食，沙律菜十分新鮮配上烚雞蛋，簡直是至營前菜，略歉醬汁少影響口感

是日餐湯～❤️ 磨菇湯配麵包，湯味道普普通通，這片麵包配湯 在水準之下


法國田蠔 搭麵包❤️❤️❤️茄蓉底，味道酸甜，醬汁搽麵包
，好開胃☺️推介

大蝦多士❤️❤️大蝦大隻，味道平平，多士被醬汁濕透，
沒有達到期望

黑椒牛扒薯條❤️❤️❤️7成熟牛扒2塊，牛扒入口嫩、牛味濃，味道可以

龍蝦焗飯🩷上枱打卡一流，加左錢要多半隻龍蝦，飯入面有一陣太濃郁的龍蝦味，我覺得味道帶苦難入口，失望😶‍🌫️

雜菌蕎麥餅❤️賣相吸引🩷蔬菜野菌配搭，出期好味，
開胃清新有營養

薯蓉燒雞，上枱香噴噴，燒雞肉嫩，外皮香口，唔夠食

海鮮🦐🦞意粉，材料豐富，有魷魚、蜆、蝦，茄汁開胃，滿足

三文魚蕎麥餅，材料好新奇，有🥚 蔬菜，檸檬汁，沙律醬，完全感受到法國情懷

橙酒可麗餅配雪糕🍨酒味仍然濃郁，味道甜甜苦苦

第1次食連鎖法國菜，感覺食品和服務雖然不是最好，但都達合格水平。今餐埋單三千幾蚊，價格是中等，想簡簡單單食餐法國菜，這裏是可以一試。

🌈☀️人生需要及時行樂，風雨困難會隨時來，適時退。
盡情享受每天🩷

上海姥姥 (上水)

近🧧新年，公司生意開始多，工作繁忙，我同老公都好少煮飯，唯有多出街，順便幫忙香港經濟💟。

呢排去左2次這間上海姥姥食飯，簡單評一下。

炸銀絲卷：完全唔喜歡連底紙一齊製作。
即時向經理查詢，佢表示確實是公司品質，不是忘記撕走麵包紙，而是炸飽面，底紙是沒有炸的。
結果：未能夠全張底紙撕走，只努力撕走一小片又一小片紙，張紙已經溶溶爛爛，接駁唔返一張整齊既紙，咁無炸過唔見左既紙去左邊，好疑惑。
再向女經理查詢，話換一碟。
結果轉個頭男經理話再炸都係一樣，要換其他野。

希望跟進下呢個煮法，有無進步既空間。






芝麻飽：第1次食芝麻外皮比較乾爽香脆，
第2次食比較油膩，質素不穩定，影響口感
內饀：香蔥加豬肉鬆，口感豐富，好味。


素鵝：細細份，外皮香脆，香菇入味，有豐富蠔油汁，香口前菜。

蟹粉小籠包：熱辣辣，豬肉滿滿，肉汁香濃。

四川擔擔面：湯底唔夠熱，湯底太濃厚，沒有驚喜。


2人枱太細，點幾個菜式已經放到枱邊。
去過2次，手袋沒有箱提供給我擺，靠自己掛在凳度，
慘過快餐店，服務不到位。


總括而言，食物質素都可以，有些細節位可改善。

⭐️消費經濟不景，盡力做好各方面要求，方能吸引
客人⭐️
LOVE 香港🩷❤️