Restaurante ESCADA(新馬路)

首先要多謝男友揀左呢間餐廳作為我的生日飯
當晚我地坐 2樓, 室內情調同服務亦唔錯

我地叫左:

octopus salad
八爪魚好腍, 好好食, 而olive oil 配生菜亦都好醒胃

馬介休薯球
即炸的, 好脆口, 但略嫌食唔到馬介休味

豬乳豬
乳豬皮好脆, 食唔慣脂肪的人會覺得幾肥下
食左一半我都要切走d 肥, only食個皮
而拌碟的薯條就好脆, 食到最尾都未變腍, 正!!

鴨飯
鴨肉原來o係d 飯入面, d肉好腍, 一d都唔鞋, 幾好食!!

鮮榨燈汁
成28蚊一杯, 但得一小杯...如果可以大杯少少就好喇

不得不提係佢地ge面包
真係好好食, 好鬆軟!!!!

潘榮記(新馬路)

經友人極力推薦這個金錢餅,當然要試試它有什麼特別之處
因店鋪裝修的關係,我們特意跑來這店多次後,才可以一嚐金錢餅究竟有什麼特別
可能我原來對它期望過高,說真的,第一口吃下完全不覺得它有什麼特別
不脆的,有點像蛋卷的味道........但卻沒有蛋卷的鬆化

但第二次再買的時候,發現不但蛋味香,而且比較鬆脆,比起第一次好吃得多

店舖雖少,但見到老闆及老闆娘2位老人家一手一腳地弄的金錢餅,更加添了一分人情味呢......

保健牛奶公司(新馬路)

是日特登黎到保健牛奶公司試佢既薑汁撞奶,果然夠哂薑味,而且很滑,如果可以係凍冰冰既天氣下整番碗就好啦~一定很保暖的

南屏雅敘(新馬路)

我係一個"蛋治癡",勁鍾意食蛋治,而食完南屏雅敘的蛋治後,就發覺係香港再揾唔到好似佢咁好食既蛋治.......

雖然係全熟既炒蛋, 但仍然非常juicy及保留蛋香的味道,比起只係因為未全熟透而滑既炒蛋更有層次...........

一諗到都流口水.........

懷舊既冰室,香港真係買少見少...........

極力推薦呢間餐廳........

頤德行(李康記)(新馬路)

終於都試到呢個期待已久既豆腐花啦～

食完南屏雅叙，行一陣就黎到呢度，
同朋友一人一豌熱豆腐花，加花奶，
真係好滑，好好味呀！

再去澳門既話，一定要再黎幫襯～

沛記咖啡室(氹仔)

真係名不虛傳呀!
呢度既合桃蛋糕真係外脆內軟..非常creamy..
五蚊一個真係超值～

去到果時岩岩賣晒..
一問之下，十五分鐘後會再有出爐，
梗係等啦..

同朋友每人兩個"激仔"，加杯熱飲當lunch，
由於非常creamy..食晒兩個之後，都幾漏架，
但果種滿足..真係好難形容呀!

之前都有試過提子"激仔"，但我都係覺得合桃好味d～

佢地個menu真係叫"激仔"，幾得意~

南屏雅敘(新馬路)

做完野，返香港之前..
點都要黎呢度食返個美味既三文冶，
呢度既蛋..到目前為止，我覺得係整得最好味架!
蛋又厚又滑...仲好juicy添呀~

我次次黎都會食"南屏文冶"，
其實即係叉燒火腿蛋三文冶，
我鐘意食香口脆卜卜既野，
所以次次都會要求三文冶烘底~

如果香港有地方可以做得咁好食既話..就太好了...

亞馬交餐廳(氹仔)

兩日一夜珠海加澳門遊，最後回程前的晚餐來了這裡。我們出發前已經打電話來訂好位。餐廳在官也街內一條橫街，全店只有24個位，而且只做晚市。另外女侍者說所有湯類都要預定，因為廚師/老闆是真的去買菜回來慢慢煮出來的。有其他人在我們吃飯的時間探頭入來問有沒有位置，不過女侍者都說已經訂滿。

先來的是葡式炒蜆，真的好吃。我們都吃過不少炒蜆，不過真的很少吃到這樣好吃的。之後來是葡國雞，又是很出色。我們用它的汁來拌飯或拌豬仔包，汁都吃光。

另外的馬介休汁焗龍利柳和咖哩羊扒也很好吃，可以說一句，外面真的吃不到。我們七人吃了差不多600元，雖然不算便宜，但是真的是物有所值，絕對值得推介。

瑪嘉烈蛋撻店(新馬路)

可能天氣冷

加上新鮮出籠熱騰騰既葡撻

yummy.

the cappuccino is also not bad

黑沙公園葡國餐廳(路環)

同老公、妹妹&佢BF去澳門玩，上次老公嚟澳門影煙花嘅時候同班龍友嚟食過，本來去隔離嘅法蘭度，但太多人，排第六頁等兩粒鐘，所以去咗隔離呢間食，無諗過都好好食。老實講門面唔靚，但入咗去係另一個世界，花園有人燒烤，好有外國人Backyard搞BBQ Party嘅feel，侍應問我哋坐出面定入面，雖十一月但仍天時暑熱，我哋揀咗入面，入面嘅環境都OK。一打開餐牌見啲嘢食都幾經濟，一般都係五六十蚊，我哋叫咗6樣嘢，餐前豬仔包係送嘅：

1. 馬介休炒椰菜
好味，馬介休唔太碎，有咸香
2. 葡國雞 (跟飯)
我哋都幾肚餓，所以叫咗個飯，葡國雞分大細，我哋要咗個細，典型葡國菜，有黑水欖、葡國腊腸、洋蔥做配料，都幾好味，不過下次唔叫，留返啲quota食燒烤嘢
3. 燒春雞一隻
皮脆多汁，平時我怕肥唔食皮，但呢隻雞真係燒得好好，啲脂肪溶哂，皮脆卜卜
4. 辣汁中蝦
最好味，出預期出色，份量多，四個人一人都有四五隻，個汁唔係好辣，但好好味，下次留返面包點汁
5. 燒豬肋骨
OK啦，BBQ味，下次可以試吓牛
6. 燒秋刀魚
魚油溶哂出嚟，同雞一樣，塊皮脆卜卜，但肉淡咗啲，要落鹽

我叫咗一支Corona，老公要咗菠蘿冰，妹要咗椰青，妹BF要咗Fruit Punch，埋單MOP450，以此質素抵食！會再來，但至少四個人先好嚟，我見附近有人兩個人嚟食得好少嘢咋！

最香餅家(媽閣)

澳門人介紹的老舖, 中山杏仁餅, 佢最好, 有炭燒, 蛋黃, 仲有好多...

老舖人, 或者夠一家人吃, 就沒想過發大嚟做, 只係默默咁做, 用心咁碌... 大概唔係好知自己啲餅好食過人, 少少地, 謙虛啲, 十倍咁啦! 亦唔會叫經過者試吓啦!

老老土土, 啲餅盒係紅紅黃黃印刷, 啲設計係七十年代. 本來, 追唔上時代, 只有一個透明膠袋袋住十幾塊杏仁餅, 並唔知做公司手信, 最好一餅一獨立包裝. 今次再去, 發現了主打的炭燒杏仁餅出現了獨立包裝, 個盒用了四色印刷, 但係袋入去時, 亞姐仍係會粗暴咁整縐個盒條脷

不過, 講到鬆化, 講到味道, 真係零舍唔同, 食到dump一聲, 超鬆化!!!!

如果食其他的名店食到膩, 覺得已經不外如是, 想尋幽探秘, 但又想一擊即中好食杏仁餅, 荷包又慳啲, 收到的人又叫好的話, 呢度啦~~~ 喺福隆新街後面之嘛~

琛情咖哩(三盞燈 (新橋))

經過琛情咖哩，見到在窗上貼着的食物介紹好似幾吸引，於是我和老公便入內試一試‧叫了紅酒燴牛尾飯、咖哩牛腩飯和例湯，吃後覺得很失望。

例湯： 例湯是西洋菜紅蘿蔔煲骨湯，西洋菜是沒有味道的，而湯的味道淡之餘卻帶點楜椒粉味，完全不夠火喉，還要收五元一碗‧
紅酒燴牛尾飯： 汁是ok的，薯仔是淋的，但是牛尾多是細骨細肉，只有兩件牛尾是較大，並且肉質不算太淋，可以說味道普通罷了‧
咖哩牛腩飯： 沒有下椰汁，所以咖哩汁味只帶點辣而沒有香味；薯仔煮得不淋；然而牛腩就認真唔掂，因為十分'un'，咬兩口便要吐出來‧

有些食物是需要時間做的，但作為一個好的厨師不是應該在開鋪前便預先炆好或煲好一些食材才給顧客嗎?看來厨師的誠意很不足‧

松花湖水餃(新口岸)

我愛酸辣湯，但可惜合我口胃的店鋪卻不好找......

上海式的酸辣湯我不喜歡，沒有幾家不是又濃又稠，狀甚嚇人，活像一堆嘔吐物般。不少更是單一酸溜溜的味道，像醋罈子裡舀出來，只適宜醋娘子獨享。四川風味的酸辣湯也好不了多少，廚師亂灑辣油者眾，令碗上有如「紅海」者大不乏人，恐怕沒有摩西先生帶領之下，一眾普通人實難跨越此等「汪洋大海」，安全把「紅海」般的酸辣湯嚼畢而不傷脾胃。

松花湖是典型山東式的做法，屬「清湯掛麵」派。所有配料一應俱存，絕不馬虎。湯中主要的酸味來自西紅柿和適量的白醋，辣味則來自切片的紅辣椒而非辣油，全都是天然食品味道，就像鄰家隔壁尋常湯水一道，別有一番簡樸風味，令人嚼得起勁。

雖說是水餃店，可惜餃子種類選擇不多 - 只有豬肉。餃子水平卻只是一般，餃子皮擀得軟硬適中但餡料則味道索然，恐怕是餡料不太新鮮之故.....

順帶一提，如果閣下不打算吃罷餃子後要接吻的話，用蒜泥醬油來蘸餃子比普通陳醋實在好嚼太多了.....

是次評分 : 70 分

馬慶康南天咖啡室(三盞燈 (新橋))

在澳門要找到很好味的奶茶不是容易的，但是馬慶康咖啡室便有‧我和老公叫了豬扒飽，西洋炒飯和樽裝涷奶茶‧

涷奶茶有茶味和奶味，但是那種茶味是特別濃厚，總之一飲便覺得好好味!值得推介!
豬扒飽的麵飽既脆又軟，牛油有點香，而豬扒的味道都幾好，不太乾，認真唔錯!
西洋炒飯則味道普通，因為飯炒得較乾，而最奇怪是有加入了青椒粒，不知是否混入了葡式煮法，感覺麻麻‧

我們覺得馬慶康咖啡室不失為一個飲奶茶及吃飽的好去處‧

盛記白粥(新馬路)

老公喜歡吃糖水，於是我們到新馬路的盛記買糖水回酒店享用‧那時已是晚上七時許，盛記也差不多打烊了，幸好仍然有綠豆沙和芝麻糊買，我見到厨房內還有油條，於是老公也買了一條回去‧

綠豆沙($5.5)： 綠豆沙內有很多蓮子，煲出來的味道和香港的不同，但是ok‧
芝麻糊($5.5)： 芝麻糊不是用粉開的，充滿芝麻味，由於不是很熱，故十分杰，但是味道很好，下次去澳門一定會再買‧
油條： 雖然不大新鮮，但是味道仍然ok‧