馬哥孛羅咖啡廳 (尖沙咀)

從前在香港食自助餐,價錢與食物質素及服務是成正比的,但現在似乎此情不復再了!昨晚一行三人到Café Marco食自助餐慶祝生日,七點去到只有五成客,被安排到一角的卡位,無可否認卡位是比較舒適,但對食自助餐而言卻是十分不便,因為它們的卡位是單邊出入的,坐在入面的朋友要前往取食物就有點……食物方面種類真的真的不多,但質素卻不見十分突出:長蟹腳 – 係不斷refill,但除鉗外,一般都較瘦細龍蝦鉗 – 一剪開就流出好多水,而且無咩味螺 – 好多沙生蠔 – 味道可以,有好濃既海水味,但細得可憐,而且每次只限兩隻,一直都無需要排隊,到後期終於都肯比四隻魚生 – 三文魚厚切,但唔夠肥美,有時仲有筋咬唔到,希靈魚有點咸但還可以,帶子反而係全晚最好的,十分鮮甜,可惜又係每次只可要一隻,縱使係全晚都無需排隊主打既即煮波士頓龍蝦 – 每次煮四人份量,每一轉要等十分鐘以上,味道可以肉質單牙,但要等太耐了,我們三個人只取了一隻分享甜品 – 馬卡龍係水準之上,藍莓芝士蛋糕還可以,紅莓芝士餅一點芝士味都唔覺,雪糕係moven,有幾好味都應該唔入酒店數吧熱食一點都唔吸引,只試了一個南瓜湯,但一點都唔突出巴拿馬哈蜜瓜,食一片就唔枇再食服務方面,三個人食完放左四隻碟係枱,三個人輪流出去取完食物回來,那三隻碟仍在枱上….負責分食物既服務員,一點笑容也沒有都算,同佢講只要三文魚跟帶子,最後碟上加多份八爪魚,過去要燒牛肉,服務員慢慢地黑起面行過黎切,跟住望住燒牛肉問要燒汁定黑椒,反而係分雪糕的女服務員要一讚,硬硬的雪糕就純熟地一球一球的靚靚的遞上.最後的餐荼 – 凍檸茶,因為下等既檸檬令成杯茶變得不知所謂以原價加一後過五百既自助餐黎講可以作出不建議去食既評價吧!

openrice 的優惠卷只可四人以上用,cafe打黎reconfirm booking 時會問你join唔join member,但 join左都只係75折吧,一般信用咭都有85折吧!

逸亭餐廳 (灣仔)

幾個老友時不時都會約出黎見下面,食下野,好多時一坐就幾個鐘,所以食BUFFET係最好既選擇,今次就選擇左逸亭. 點解,因為覺得價錢合理...

食身方面有我地四個都喜歡既蟹腳,每次出既量唔多,但真係出得好密好快手,而且蟹腳新解又粗大
刺生有四款,全部都係厚切,我最愛既三文魚非常新鮮肥美
湯方面有兩款,西湯係紅蘿蔔忌廉湯都幾好味
熱食既羊鞍同燒牛肉都好好味
雪糕係DREYER"S,有四款口味,薄荷朱古力係我既FAVOUR,食左四轉
唯一唔夠既係沙律菜無ITAILIAN DRESSING
SERVICES都好好，我都坐到十點幾全場走曬都無過黎吹我地走。

金田日本料理 (灣仔)

星期五相約幾個舊同事一同請假去打波,打完波就去左灣仔間金田,由於我地每次聚會都會有說不完既話題,所以我地選擇任食四小時

一去到先打衝風一輪,全無漏單

厚切三文魚新鮮好食,甜蝦都好新鮮,不過略為細隻,赤貝亦好好食

羊鞍略為蘇一點,而且第二轉再叫時唔係好熟

火灸三文魚壽司就最差,第一轉叫係完全唔熱既,諗住比多次機會佢,點知第二轉都係咁

佢每日有三款甜品,我地當日係strawberry cheese cake, 芒果布甸同雪米慈
芒果布甸好多芒果都幾好食,雪米慈係荔枝味既,好好食,我地食左成四十粒

可能係星期五既關係,唔係太多人

悅來酒店咖啡室 (荃灣)

公司每年中秋同會請同事食餐飯,過去幾年食開荃灣區另一間酒店既lunch buffet,今年想轉一轉,不過轉來轉去都係得兩間,所以選了造間
panda既位比較多,坐得比較舒服,當日可能由於係中秋節,所以得四成入座率,我地一行二十一人被編左係較邊既位置,不過都無所謂啦
魚生有三款,不過三文魚黎講呢壽司上面既係比即切魚生肥美
點心有燒賣,蝦餃,小籠包等...燒賣就係七仔貨式,反而蝦餃就幾ok,皮唔厚
湯有中式同西式,西式係周打魚湯,好香好creamy
炸物就有好幾款..蝦,紅蘿蔔,唔知咩菇,皮脆唔油不過就唔係好食到入面係咩味
熱野無食過
甜品就幾正下,首推藍莓芝士餅,好香芝士味,仲有熱情果蛋糕,芒果蛋糕...另外一小碟一小碟既兩款朱古力甜點都好好味
好頭睇其他人食評係有d字雪糕,去到卻只得乳酪雪糕...不過食左一杯,又幾好食wor,有同事仲食左四杯
飲品就咖啡奶荼任飲,要飲凍野就要加十元

總括黎講好食過如心酒店,又好座點,只係飲凍野要加錢

至尊滿屋日本料理 (旺角)

遲來的爸爸節食飯,在旺角其實有不少的日式放題,今次揀左至尊係因為個炸榴槤同佢個雪糕
一行五人在早一星期就訂好位,準時六點就可直接上去,一黎就送上海膽,尚算新鮮但略為較淡口
跟住就到刺生出場,三文魚略為失色,甜蝦超肥美,帶子雖然碎上但仍覺鮮美,海螺片北寄貝返而超正,爽口味美
炸榴槤真係藉得一試,食完一件後成晚都感覺到香味
壽司質素一般,可幸飯團是細細粒的
牛肉窩感覺超甜,怪怪的
龍蝦海鮮粥就幾好味,仲有兩隻龍蝦腳
各款沙律就一般水準
飲品方面有多款選擇,忌廉鮮奶同烏龍茶就最合我口味
雪糕當然係最好的選擇