mcmug2007 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2013-10-11
見買一送一就即管試吓,已經唔抱咩期望,諗住食多杯雪糕同 Hea 吓啫,廣告話係Haagen Dazs 喎。 環境唔錯,地方光猛企理。忘記了影相。 剌身只得一款:三文魚。從未試過,因為其他酒店最少都會有八爪魚同/或一種白身魚。好在三文魚都好新鮮,但係個師傅(成70幾歲)態度幾有火,話D客企得唔好,又次次 pat D魚生落碟。 沙律極少選擇,只有2種生菜,紅腰豆,青瓜片,粟米,車厘茄,完了。 冷盆有虾,熟三文魚,同蜆(縠)。 熱盆好D,有四五種加兩款咖哩,但可惜我食自助餐唔食熱盆。 甜品冇之前食評講嘅朱古力旦糕,但係冇一款掂。隔離個鬼妹仔食咗一啖香蕉旦糕就放棄。最重要係冇 Haagen Dazs,係鵲巢雪糕!我覺得比人呃咗囉。食評同廣告都寫明係Haagen Dazs,我可唔可以用新嘅商品說明條例告佢地? 唯一可取係加一唔係以原價計。
評分: 味道 3 環境 3 服務 3 衛生 3 抵食 1
2009-09-09
試過呢間和亭幾次都ok,但係今日覺得 o吾 係好掂。 今日食燒鯖魚定食 (平時食晏好少食燒物,因為要等好耐),今次有時間就order啦,點知 ... 條魚賣相一D都 o吾 似燒 ge,o吾 熱、無油無色水,D飯又凍,一睇已經冇胃口。最搞笑係有蘿蔔茸伴碟,但係冇跟燒物ge淡豉油。問 waiter 點解,佢話冇呢樣野,要叫廚房另外做,叫我用枱面ge壽司豉油。我從來未試過其他日本餐廳要另外order豉油咁搞笑。冇法啦,唯有用壽司豉油 la,咸死我,點左兩啖都冇再點,因為條魚係咸魚黎ge! 於是我注意到平時冇留意ge野,原來食韓式鍋飯係冇韓國辣醬 o架!
評分: 味道 2 環境 4 服務 2 衛生 3 抵食 2
2015-06-29
我對圓方的餐廳價位當然心裏有數,但沒想到這般水準都這麼多人光顧,可能是這個場太少選擇了。 4個人點了4杯飲品,1個柚子沙律,1碟炒金邊粉,1個紅咖哩雞+白飯+蒜蓉包,1碟薑汁炒什菜。9折後盛惠$745。 我諗是日廚師休息,由洗碗亞姐頂上。 柚子沙律係兩(解)剝咗衣嘅泰國柚,係咁意將D肉搣開兩三舊,上面係咁意洒D炸蒜片同花生,同你係屋企剝黎食冇分別。我記得以前高爾夫球場那間做的最好吃,人家是把柚子肉拆粒,洒在蔬菜上,有生洋蔥,炸蒜片花生,仲有酸咪咪的汁調味。 炒金邊粉一般。(應該只有呢味唔係洗碗亞姐整) 紅咖哩唔止冇辣味係完全冇味,雞肉有4小塊,啱啱一人一口,五個人就唔夠食。 最經典係薑汁炒什菜,唔係炒,係滾水烚,什菜係下欄嘅菜頭菜尾(白菜仔同菜心),薑汁唔記得落。 成晚最好食係蒜蓉包。每人190蚊食唔飽。想食泰國菜都係去番D傳統D嘅舖吧喇。 唯一好處係坐成晚唔趕你走。
評分: 味道 1 環境 4 服務 3 衛生 3 抵食 1
|