Espuma (灣仔)

第3次再來到Espuma,因為聽朋友說餐廳已換了全新的菜單,所以心癢癢就來了. 
當晚7時已入席,等不到這個late-night promotion了.但有7折優惠,的確好抵~
牛油果蝦沙律配芝麻汁的份量頗大,蝦肉煎得香口彈牙.配上芝麻汁的沙律菜十分開胃,夾雜熟透的牛油果及香桃,清新可口~
至尊海鮮西班牙飯(二人份)的賣相吸睛,海鮮分別有藍青口、大蝦、蜆、帆立貝、帶子等等. 先要讚藍青口.平時少食青口的我,都覺得這款青口的肉質夠嫩,而且好厚肉. 另外,大蝦的十分彈牙,煎得香口. 不過,帆立貝吃落有沙,略嫌遜色.米飯粒粒飽滿有嚼口,而且調味汁是蕃茄,所以吃落醒胃.
另外,大蝦的十分彈牙,煎得香口. 不過,帆立貝吃落有沙,略嫌遜色.米飯粒粒飽滿有嚼口,而且調味汁是蕃茄,所以吃落醒胃.
西班牙飯屬二人份量,吃完已經超飽,但甜品胃已預留空間給流心軟芝士麻糬厚鬆餅. 聽個名都已經覺得吸引.
輕輕切開厚鬆餅,望住流心軟芝士慢慢流出來,十分治癒. 與及說是厚鬆餅,反而口感更似梳乎厘.厚鬆餅口感綿滑,富空氣感,而且蛋味十足.中間有一塊薄薄的麻糬,煙煙韌韌,整個組合的確好味.

備長 (銅鑼灣)

炎熱嘅天氣,出面三十幾度.  
最好的享受當然就係坐係冷氣底下, 涼住冷風食日本菜.
備長環境舒服, 而且有串燒、刺身、小食,好適合三五知己放工小聚


坐下後, 店員送上一盤前菜, 有生菜、青瓜、紅蘿蔔. 清爽脆口, 
冷盤通常都是先上, 所以先來刺身降降溫~
我們點的是特上冷盤刺身六點 HK$298

海膽色澤也算鮮明帶橙黃色, 而且每片形狀完好, 入口比想像中甜, 濃度就不算很高, 口感整體都算不錯的, 配上底下的青瓜, 清爽新鮮,吃起來相當對味.



甜蝦蝦身非常粗壯, 咬下去蝦肉有點黏稠. 肉質爽得來柔棉, 味道亦夠香甜
北寄貝爽口彈牙, 口感爽脆中又柔軟幼嫩.

油甘魚、三文魚、帶子都很新鮮. 整體感覺很好, 也感覺抵食.

鵝肝多士 HK$63/件香煎鴨肝配多士, 每份鴨肝都甚有厚度的, 吃起來夠香口豐腴. 雖然正在修身的我不宜多吃, 但都忍唔住食左一整件 (回家要跑多2個鐘先可以消耗到卡路里)
牛舌厚切 HK$52/串
另加牛舌, 一串二片, 每片都算幾大塊, 而且是厚切. 燒出來的牛舌不會好韌, 表面帶點焦香, 吃起來還帶點彈性爽身. 是來到一定要吃的食物.

最後就是各牛炒飯, 炒飯份量不算少,而且炒得米飯粒粒分明.  味道十分香口,
沒太多油脂,牛肉粒不會嚡, 入口就吃得出很香, 而且一點也不滯膩.



餐廳整體食物水準很好, 店員服務也不錯,收碟加茶都會自動自覺. 所以滿有效率的.

每樣串燒都是兩串起落單

Sodam Chicken (中環)

韓劇煲得多, 雖然做不成劇中的女主人
但每次出現炸雞的畫面都會挑起我的為食癮
心動不如行動, 就趁住朋友約中環消遣時來一塊炸雞吧!!
走進店內, 地方不算大, 但分為上下兩層,而且十分有氣氛~
看看餐牌, 這裡主打的當然是各式各樣的炸雞/烤雞,有原味, 辣味跟甜酸口味等等, 價錢平均在百多元一份,份量夠3-4人來分.

左睇右睇, 都係覺得套餐最抵,所有就點左個滋味2人套餐 HK$398

選左最喜愛的紫菜味道, 紫菜粉已經混入了鹽,所以鹹味十分夠
剛炸起的粗薯條味道最佳, 入口帶著陣陣的紫菜濃香
另外選左個凱撒沙律，整體感覺好新鮮，沙律菜夠晒爽脆，而且又有車厘茄、芝士同煙肉乾，材料相當豐富
炸雞組合揀左黃金鹹蛋炸雞和蜜糖芥末炸雞
每款炸雞大概有6-7塊, 而且只可以係無骨雞塊, 如果想要有骨落地, 就要單叫啦~
黃金鹹蛋炸雞味道無令我失望，鹹蛋味好香，而且唔會死鹹, 有黃金砂的外層
不過2塊已經有點膩, 跟朋友Share食就剛剛好

蜜糖芥末炸雞就味道偏甜, 蜜糖味比較突出, 而芥末味就相對比較淡, 但整體都好唔錯.
但美中不足係，因為係雙拼炸雞，兩款雞同一碟上，所以蜜糖芥末醬會沾到落黃金鹹蛋果邊，有少少撈埋左.
菊花蜜特飲 HK$58 (套餐可以 特飲+$10升級)
蜜桃燒酒 HK$88 (套餐可以 特飲+$25升級)


套餐已包基本飲品, 冷熱同價, 如果想飲其他特飲就可以好似咁特飲+$10, 酒精飲品+$25
價錢看起來不算貴, 而且份量大多偏大份, 所以都適合三五知己來吃.
加上這裡環境不錯, 人流不算十分多, 晚飯時間也不用等太長時間, 這點在中環晚飯時間來說算是一大優勢吧.

Girlboss by Master Kama (荃灣)

自從生左BB之後....
我開始喜歡上粉紅色, 因為好多BB野都係粉色系最可愛~
知道荃廣有間粉色餐廳時即刻心心眼.而且裝修真係靚, 最適合我呢種少婦去重拾少女心.

餐廳門面就已經夠女生們大叫可愛~
粉紅色加白色的色TONE, 完完全全俘虜少女的心
就連餐具都很精緻, 每個地方都是影相位



首先點了一個Girl Power set, set餐是包括一份薯條漢堡和一杯無酒精飲品(Lady’s
Beer)Lady’s Beer其實是一杯牛油蘋果梳打奶蓋, 樣子十分可愛.
店員叮囑攪拌時要小心, 因為上層會不斷冒泡泡
攪拌時真的不斷見到有氣泡爆破, 效果有趣. 而味道就帶甘甜,
漢堡可以選牛肉或是炸雞, 而雙色薯條(薯條+番薯條)就可以選不同的味粉.
我當然選左最喜愛的紫菜味道, 紫菜粉已經混入了鹽,所以鹹味十分夠



將味粉倒入裝了薯條的紙袋內, 之後不斷上下搖晃拌勻
建議不要一次過將味粉全部倒入袋內, 最好就分段, 因為味粉比較鹹
如果 一次過倒就會令薯條過鹹

薯條入口帶著陣陣的紫菜濃香,而蕃薯條味道會更勝一籌, 因為更有絲絲的蕃薯香甜.
漢堡選左牛肉的, 簡單的只加了蕃茄、生菜配料, 當中的醬汁用上了店家自製芝士醬,吃起來口感軟綿美味.

這個三文魚白汁五色蝴蝶粉, 雖然配材極盡簡單, 當中只加了芝士和三文魚
不過出來的味道意想不到的美味. 入口蝴蝶粉硬度適中, 帶點煙韌感., 一吃就停不了, 一個人KO都完全沒問題

尾聲來到甜點時間, 呢個心太軟真係不得了,  由於即叫即整，所以都要等一陣子
個表皮蛋糕都焗到軟硬適中, 一切開個表皮蛋糕，d流心朱古力即刻湧出黎，唔會太濃或太稀, 吃進去感受到濃濃的朱古力，而且甜度剛剛好。

Grill ขุนทอง (中環)

每次經過蘭桂坊德己立街, 都會見到有間餐廳個門口好吸晴, 門前的LCD板仲有團火不斷燒.
隨之而來就是香噴噴的串燒味,再次同朋友經過此街, 立定決心要試試.



餐廳有兩邊門面, 一邊只有立食位, 另外一邊就有室內外的座位.
天氣炎熱, 當然有冷氣又可以坐的座位最吸引.
座位都是採用長枱格局, 高櫈腳, 要論舒適度當然是有限制, 不過在中環要食平野當然也不能計較太多.
點餐後只需要找座位坐下, 食物準備好就會由店員送上
不得不提餐牌上的食物價錢沒有想像中貴, 相反個 人覺得十分經濟實惠
細支玻璃裝200ml的雪碧, 盛惠$15.汽水就真係小貴啦~

青木瓜手撕雞沙律 HK$68
泰式青木瓜沙律，份量都唔算少啦, 醬汁是分開上的, 大家可以按口味拌上醬汁
青木瓜口感十分爽口, 加上醬汁酸酸甜甜的, 很開胃.
食完個沙律, 串燒都剛剛好送到.所以串燒都會用紙袋分類裝好, 不會MIX在一起
落單時已告知需要少辣, 所有串燒都是有加辣的
魷魚鬚 HK$25

魷魚鬚燒得很香口, 味道又帶點微辣及炭香味.口感爽彈, 好正.



燒牛肉 HK$16
燒牛肉同樣爽口又鮮味，醬汁的確提味不少！記住牛肉一定要熱食, 唔可以有慢慢嘆的想法, 否則肉質就會變韌, 浪費晒.


白鱔 $60
最期待的畫面出現啦, 就係我最喜歡的燒白鱔.
白鱔味道十分十分十分好味(重要的事要說3次),外層帶點炭爐的焦香, 肉質柔軟而充滿魚油香. 
而辣味足夠, 但又不會掩蓋魚味.這個推介必試~

燒菠蘿 $20
大大串菠蘿, 吃一串已令人很滿足, 燒香後糖分濃縮，而且有爆汁的效果, 分外甜