814 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2010-07-14
中午放飯,天氣好熱,又曬,唔想周圍走,同班同學入黎食飯。食飯時間,座位有o的逼夾~服務生專登走過黎推介今日咩材料係靚,見我朋友散叫無野飲,仲送左杯檸蜜俾佢~ 我叫左套餐,吉列海鮮薯餅拼烤菠蘿蕃茄沙律($55) 餐湯係普通羅宋湯,唔酸唔辣,似菜湯~餐包有誠意,唔同一般餐包,好鬆脆同有牛油香~敗筆係麵包上的黑色粒粒,食落無味既,一咬個包就跌到一檯都係粒粒~ 薯餅味道幾好,不過好似得兩粒蝦係入面,睇落炸到好燶,其實唔錯,唔油膩~ 烤菠蘿好得意,烤完無左酸味~個沙律切絲,有青瓜同蘋果,麻麻地,唔太開胃~ 餐茶叫檸茶,茶有o的澀~ 服務生好有禮貌,值得鼓勵~
評分: 味道 3 環境 2 服務 4 衛生 3 抵食 2
2010-07-08
晚上同朋友食飯,佢話有間野o的雞扒好似幾出名,就黎左試下~ 晚飯時間唔洗等位,我地叫左一人一碟滑蛋雞扒飯再加燒雞翼。 碟飯外表平平無奇,但係估唔到係幾好食~首先講o的蛋,火候o岩o岩好,仲見到有少少蛋液流出,無過熟~側邊有少少酸酸既配菜,好開胃~一咬個雞扒,有驚喜,味道好對胃,雞皮脆,雞肉軟~大口大口扒飯,不知不覺覺就掃哂全碟~食完就發覺隻碟好油~~~都幾肥膩下~ 雞翼大大隻,有少少7味粉既味道,肉骨分離,食得好滋味~ 不過餐茶杯凍檸茶就麻麻地~無咩味道~
評分: 味道 4 環境 3 服務 3 衛生 3 抵食 3
2010-07-08
星期五周圍都要等位食飯,自己一個人,就左入黎試下~首先,服務生都係有禮貌而且反應好快,上菜同落單都快手快腳~ 叫左一客漢堡扒炸蝦跟飯同沙律,上檯既時候係鐵板上,熱辣辣。漢堡扒睇得出係自家製作,有蘿蔔粒,幾有o趙頭,唔會死實實~味道略咸~炸蝦炸得出色,脆而不油,配珍珠米飯確實不錯~ 另有日式西湯一碗,帶酸,估計既蕃茄湯~沙律都擺放得雅致,有粟米同火腿絲~酸酸地幾開胃~ 價錢$100有o的貴~基本上除左味道略咸,都算出色~
評分: 味道 4 環境 4 服務 4 衛生 3 抵食 2
2010-06-18
我同朋友都好鐘意意粉屋,不過近年好似越做越差... 我地叫左﹕ 小食拼盤,三文魚鮮果沙律,海鮮忌廉闊條麵三樣食物。落單既服務生已經無咩禮貌,又唔覆單,寫完就走,我以為自己去左茶餐廳添~ 上菜都幾奇怪,首先係闊條麵,跟住拼盤再到沙律,個次序都好有問題下,個拼盤同沙律都要催先上檯。中途想要茄汁,叫著一個叫"Chun"既男服務生,佢面無表情,連應都無應聽完就走,當然,亦都無拎到茄汁黎~ 講返食物﹕ 小食拼盤 ( 洋蔥圈﹕炸得太耐,好硬。春卷﹕個圖明明係一條幼長既西式春卷,變左茶樓春卷,味道同茶樓既一樣,唔夾個拼盤。雞翼﹕香但係無咩味~腸仔﹕好咸,不過我覺得係最正常既一樣野。瘋薯﹕即係普通薯條,咪見人地瘋薯紅改個名就得架~) 三文魚鮮果沙律 (好似縮左水,以前食好大兜,同埋奇怪地,勁多菠蘿,其他生果出奇地少) 海鮮闊條麵 ( 普通無特別,奶味濃,唔夠熱) 今次真係好失望呀,價錢唔算平,但係質素亦唔見得同價錢成正比喎~再講,衛生亦麻麻地,刀叉好似未洗乾淨咁~
評分: 味道 3 環境 3 服務 1 衛生 2 抵食 2
|