Video
Introduction
安坐於大堂的彩雲軒，淺嚐美酒，欣賞現場樂隊演奏悠揚樂韻，或與三五知己觀看直播體育賽事，乃人生樂事。
continue reading
Opening Hours
Mon - Sun
11:00 - 02:00
Above information is for reference only. Please check details with the restaurant.
年初四就要開工，但老細不在，在無預先plan的情況下，我地一行3人竟然去咗彩雲軒食自助餐。十二點半打去問有無位，佢話仲有，於是嗱嗱聲走去食。加咗價，加到$98，個牌仲話抗通脹，加送壽司。其實野食真係唔多，但咁嘅價錢，去applegreen食都要，所以先黎試。有沙律吧、熱盤同甜品。熱盤：豉油皇炒麵、咖哩雞，白飯、螺絲粉，雜肉串燒、蘿白牛腩、炒芥蘭、炸魚柳、豬扒，應該無數漏。炒芥蘭炒得好味，芥蘭唔會太老；螺絲粉因放在熱爐上太耐，所以好乾好硬；雜肉串燒同炸魚柳都唔錯。我地望黎望去都見唔到有壽司，坐坐吓，侍應突然送上壽司，一人一碟。哦，原來壽司係配給嘅，有兩件青瓜小卷，一件吞拿同一件魷魚。壽司賣相同味道都好一般，爭鮮都可能好過佢。甜品有幾款，有mousse cake、jp cheesecake & ice cream。斑蘭芒果卷，斑蘭味好濃好香；仲有個choco mousse cake 好好味，朱古力味好濃！仲有餐茶，咖啡或茶或橙汁。
continue reading
第一次寫食評，因為實在太氣憤!自從係英國返黎，愛上HIGHTEA，於是周不時都去試下唔同地方的HIGHTEA。初五放假諗住黎試下彩雲軒呢個'下午茶三重奏"AFTERNOON HIGH TEA SET啦~黎之前打左電話BOOK定位話食HIGHTEA，黎到..無人黎你。無人SERVE你。等左一陣先終於有個人發現你。心情靚靚的，無咩所謂啦，坐底，佢話HIGHTEA要等25-30分鐘，因為係即刻整的。下，咁我訂位個時都話左要HIGHTEA架啦，我又準時黎.. 都算啦，等就等啦。雖然我好肚餓。點知等下等下，等左成40分鐘都未有得食! 問個WAITER，佢剩係話黎緊黎緊，仲"好有禮貌"咁話講左要等25分鐘的，但家下唔止25分鐘喎.. ! ... 都算等左40幾分鐘，終於都黎到啦個HIGHTEA SET。我就想睇下係點樣即刻整咁熱辣辣... 但SORRY，係凍冰冰的。連條春卷，個SCONE，乜都係凍的!咁請問咩叫即刻整 即刻砌 要砌40分鐘連去MICROWARE 叮一叮，扮新鮮的誠意都無!!本來要等咁耐，條氣已經唔順，等左咁耐的D 野食仲要唔好食的。我深深覺得上一個食評係造馬咯! 完全唔係個回事丫唔該!再客觀D 黎講丫，呢個SO-CALLED HIGHTEA SET，唔跟TEA，只可以要港式奶茶*(WAITER強調是港式)，檸茶檸水同咖啡。野食的賣相OK的，不過是MINI SIZED，BITE SIZED，SCONE得2舊，JAM/ CREAM全欠奉 (乾啃吧)其他只係食得落肚，我等到勁肚餓都完全唔覺得好食，其中以一舊類似雲石蛋糕的東西最難食。剩係得個甜字。明明開開心心去HIGHTEA，變到咁... 唉相機靚，影靚左，但唔好被騙。$288 PER SET FOR TWO 再加一，說貴不貴，說平也不平，但要等45分鐘，飲檸茶檸水，食物唔好食，SERVICE欠佳，環境更加不用說的糟糕 (上一篇真係亂黎)我一定一定一定唔會再黎咯!!
continue reading
難得今日得閒，就去嘆返個下午茶先！之前聽人講過話帝京酒店有得high tea, 價錢又唔貴, 好似幾抵食~ 於是今日我約埋好姐妹一齊去試下, 順便聚下舊,傾下計。一去到就覺得燈光有d微弱, 環境暗左少少…不過都算坐得舒服, 而且Waiters好有禮貌, 仲好貼心咁拎左2杯暖水俾我地, 抵讚! 之後, 我地order左個<下午茶3重奏> 3層高嘅High Tea Set賣相討好~! 我地先由底層咸點開始! 我首先就被迷你漢堡包吸引住~ 一咬落去, 原來中間係鵝肝醬嚟架! 仲有三文魚三文治, 車厘茄煙肉串, 蛋沙律多士…之後到中層喇~~ 有我最愛嘅macaron!! 粉紅色外層有輕輕玫瑰香味, 食到中間有清清地嘅荔枝味, 又唔太甜喎~ 不過如果濃味少少會更好! 鬆餅配cream或果醬, 外層入口鬆化得像餅乾, 中央鬆軟, 有牛油味, 真的不錯! Cream好滑,但美中不足係d果醬唔係home-made既. 希望下次黎可以食到.我好朋友最欣賞就係頂層! 因為有佢最愛嘅燕窩!!! 帝京酒店又真係幾大方喎! 燕窩的份量絕不吝嗇! 燕窩香芒千層酥餅好味道, 層次分明, 賣相優雅精緻! 而我最喜歡就係朱古力慕斯蛋糕, 有濃郁嘅朱古力味, 食完都唔會覺得滯, 正!!最後送上北海道牛奶布丁, 口感幼滑! 唔經唔覺我地坐左2個鐘, 食飽之後再去行街, 今日真係好滿足!
continue reading
以HK$88平價作招徠的確係幾吸引，因為平時你o係旺角搵個有得坐（仲要係sofa位）得舒服，又可以坐足三個鐘gei地方應該唔多，加上佢話曬係酒店，至少清潔程度方面可以唔駛擔心la！自助餐係由11:30 p.m.-2:30p.m.，有３個鐘，我地12:30p.m.到達，有book位，有大約8成滿；我地坐gei係sofa位，有cushion好舒服，但係張枱就比較細，只夠放一隻碟同一個碗，勉強放埋餐具啦！講o番食物，先講熱食啦，約有五款左右，另有磨菇忌廉湯 + 兩款小餐包同President牛油；肉類方面有朧脷柳串燒、紅酒燴羊肉、沙嗲雞球同燒豬脾，蔬菜就有蒜蓉芥蘭，麵食方面有豉油皇炒麵、意粉、白飯；係比一般自助餐少好多ga啦，不過以呢個價錢，我當佢Set Lunch o黎食，感覺就OK啦！磨菇忌廉湯：有唔錯gei菇味，texture幾好，好味！小餐包：有一款有d芝麻 / 罌粟籽o係面，另一款則係軟豬包，兩款都唔係熱gei，但食得出係新鮮gei，因為食落好軟熟又一d都唔乾，帶一絲絲gei質感，我仲encore左一個tim！如果係暖的話會仲好味ar！朧脷柳串燒：最好食，好滑無雪味，仲有d烤過gei燈籠椒整成串燒；我食左6串！>﹏<紅酒燴羊肉：好淋，但味道有d寡，d汁都可以用o黎撈意粉；沙嗲雞球：好惹味，主要係雞腿肉，小辣仲有d洋蔥，呢個好送飯！燒豬脾：可以月手拎住個柄o黎伙食，d肉OK嫩，唔會 “un”；另外仲有三款sauce可以比客人做dressing淋上意粉、白飯或肉類上面，有燒汁，有d冬菇片的蠔油汁同白汁（其實仲可以淋上意粉上gei)。意粉：一般水準，有d咬口唔會好淋；豉油皇炒麵：個樣OK乾身，但我無試；蒜蓉芥蘭：可能因為時令，都算爽甜，不太油膩；此外，仲有個男服務員會每隔一段時間，拎住一大串串住燒gei美式牛仔骨、雞翼、燒龍蝦丸同雜菜走埋o黎問你要唔要，你要的話會即時放到你碟上，又幾特別wor！沙律方面，只有雜錦沙律菜、粟米、車厘茄、青瓜絲等三至四款蔬菜，但就有四款Dressing，有凱撒沙律汁、千島醬、日式芝麻醬同法汁，我覺得日式芝麻醬加粟米同爽甜gei沙律菜一齊食好開胃好正，食多d都唔厭！另外，每位仲送一件三文魚、一件八爪魚壽司，同兩件青瓜卷，可能因為係送gei關係，三文魚好細片，分量大少了！甜品方面，有約6-7款，有脆糖燉蛋、日式焗芝士蛋糕、抹茶芝士蛋糕、黑森林、Brownie、啫喱糖、斑蘭忌廉卷蛋、提子漬蛋糕，refill時轉左焗藍莓芝士蛋糕；雪糕方面有3款口味選擇，分別係雀巢gei朱古力、雲呢拿同芒果蓮花杯；生果有菠蘿、西瓜同哈密瓜。脆糖燉蛋：塊脆糖好脆好新鮮，但係有d厚；個燉蛋可以少d甜，因為本身個脆糖可以連埋蛋一齊食都夠甜la！日式焗芝士蛋糕：好好味，好香、好鬆軟又有芝士味，呢款芝士蛋糕食多幾件都得ar！抹茶芝士蛋糕：有驚喜！佢個賣相雖然普通，綠色是新實gei，有香濃又唔苦gei抹茶味，但食落又有香濃gei芝士味，彼此唔會蓋過對方，好味過好多地方ga~黑森林：味道正常，反而不太甜；Brownie：樣子好看，但不太夠濕潤；朱古力味若可濃一點就好了斑蘭忌廉卷蛋：斑蘭香味不錯，卷蛋質感鬆軟，食多d都唔容易漏！提子漬蛋糕：可能因為唔係好多人食，放耐左，所以質感有d乾，但除此之外，提子乾蛋糕味道正常；焗藍莓芝士蛋糕：香濃的芝士味o岩的呢d唔怕漏gei人，而藍莓醬味道真實；雀巢雪糕：只可以話個雪櫃夠凍law~菠蘿好新鮮，超甜；但西瓜同哈密瓜就無味，被比下去！最後仲有餐茶，有d Surpeise，有涷或熱Coffee or Tea，我要Coffee多奶，覺得幾易入口，不錯，但媽媽的涷檸茶則甜左ｄ！服務方面，staff人數略為不足，收碟速度不夠快，但禮貌不錯，有笑容；食物refill方面亦OK，不時有staff睇住有無食物，到兩點亦有refill，例如甜品gei焗藍莓芝士蛋糕！Overall，以價錢與質素相比，我覺得值得食多次啦！
continue reading
朋友一早book左位食自助點心甜品晚餐8:30om先開始,但我地8點就到左侍應都俾我地入去坐住先 環境幾好 唔會太迫 坐得好舒服 like 等到8:30pm終於有得食原本諗住百幾蚊既自助餐 選擇唔多,野食質素唔多好但估唔到有冷盤,沙律,有熱食 仲有點心d主食質素都幾ok食左兩round主食,忍唔住拎甜品啦~~around 20款甜品 都幾多野揀 仲有糖水同雀巢雪糕食下野傾下計 唔經唔覺食左3個鐘原價$168一位 加埋優惠卷有75折埋單$14x位ja可以再食過
continue reading