景村雲南米線 (Closed) View

住美孚的朋友推介米線一定要試這間, 剛好晚上一個人食就專程過嚟一嚐這間小店位置並唁難搵, 嚟到已經6點鐘 店入面已經坐無虛席入坐後立即點咗個 腩肉小鍋米線首先湯底借得一讚 酸菜味好夠湯底又夠濃味 而米線口感幾爽 不過腩肉連軟骨太多 連嘢飲都係$34順帶一提 雖然人流很快 但離坐時仍然係滿座

有係美孚一帶覓食既街坊，一定食過呢間米線鋪，我由佢開張果時已經幫襯到依家。最愛係佢個小食 - 麻辣墨魚咀，唔食得辣既朋友記得叫小辣。麻辣米線當然算出色，湯底有好多肉碎，個湯又濃，夠重口味！如果叫埋豬紅做送真係一流，但豬紅成日賣晒。。。

美孚食野選擇唔算好多，好彩有間又平又好食嘅米線😋呢個鋪比較逼，人流去得好快，坐得唔算舒服，而且餐具同埋檯面都感覺有d黏黏的🙀不過食物係唔錯嘅😛要左少辣，豬軟骨同肉碎👅湯底好濃味💕豬軟骨好濃好入味，肉質亦唔會好un😋肉碎份量好多，本身帶點微辣，將佢攪勻係湯底到，會令成碗米線嘅味道昇華曬😆重口味之選不過唔知係咪太多人太忙，米線煮得軟身左少少，唔夠彈牙😿呢間野好多人排隊，尤其午市🙀所以我通常都係夜晚早d過泥食👅不過衛生情況真係有待改善💀

今日午餐想食米線，但成日食三X都好悶，諗起公司附近呢間小店就試下啦。舖仔細細，座位唔多，好彩我來到都有位，不過轉頭就座滿，原來剛好2點下午茶時間送飲品。我一向都唔喜歡食酸嘢，所以揀咗麻辣湯+豬紅+墨丸，上菜速度好快，轉頭來到，等我滿心期待食麻辣米線嘅時候，點解個湯麻辣但又有酸辣味好奇怪⋯講返啲餸，豬紅味道可以，不過不失；墨丸都有墨魚味，唔會一舊麵粉咁。總括來講湯底我就覺得麻麻，因為味道偏酸，但餸就可以啦。

慘慘豬，今晚要孤零零一個食晚餐，諗起有間四川米線好耐都冇食過，所以今晚諗住寵幸下佢。夜晚八點幾，裏面都座無虛席。坐低左之後，因為好耐都冇幫襯，所以我都唔記得有乜嘢食，打開Menu睇，都幾多配料揀嘅。最後我叫咗個雞肉豬膶米線，好快就上菜，賣相不錯。米線有點粉粉地，蕃茄湯底味道夠濃郁，豬潤幾彈牙，雞肉就一般般啦，加埋芫荽同埋䓤段，味道都幾好，不過米線份量比較少，男仔可能會唔夠食。最後埋單46蚊，晚餐來說，算好抵！

我來到美孚地鐵站附近，想食米線，上網找到依到，依到2:30至到6:30係下午茶時間有飲品送，我叫左墨魚頭豬耳米線，酸辣米線叫左中辣，都幾辣下，平時食開譚仔既中辣，不過唔夠酸，墨魚頭好爽，好好味，值得推介，豬耳都入味，不過米線同送既份量比較少，湯同配料想多啲就要加$5元，食物整體都ok，飲左凍檸茶，都好夠甜，茶底都ok，如果想食下午茶都唔錯既，食左$46，最好食既係墨魚頭，飲品同米線都出得好快，值得一讚

去醫院探完病, 沿荔枝角公園落番黎美孚, 一心想食少少粉面暖暖胃, 諗住搵下美孚除左譚仔之外有咩選擇, 結果呢間係openrice 一search 就彈左出黎,又唔係好遠, 就行左過去。一入到去, 嘩, 洗唔洗紅成gam, 我仲以為我坐時光機番左去文革時期, 無論係牆上的顏色或是畫作, 都無一避免地「紅」,其實剩睇個裝置已經唔開胃。講番主食, 米線有幾款湯可以揀, 但全部唔包餸要另外比錢叫左個小鍋米線($25)配金錢牛展($10)小鍋米線真係名副其實地「小」而牛展就得薄薄薄薄薄的幾片而且一食第一啖, 就感覺很多味精, 又咸, 完全不對版。番到屋企2個鐘都仲覺得好口渴, 除左飲水解味精就係飲水解味精我真係唔明點解仲可以講得出「全美孚最好味的米線」

可能經營成本太貴了，食材大大縮水，米線份量比以前少左，最離譜是上次叫墨魚丸小鍋米線外賣，回家一打開，成碗得一粒墨魚丸，慳皮得太誇張了打算以後轉去隔離個間幫襯，起碼份量合理

墨魚頭麻辣米線- 湯底鹹辣平衡，聞到花椒香氣但味蕾感受不到酥麻- 青蔥及蔥白爽脆清香，平衡辛辣帶來的刺激- 芫茜味不濃- 炒香了的半肥瘦豬肉碎，單吃香甜，亦為湯底添上一份油香、一份微稠- 芽菜了無生氣地混在米線中，不太爽脆，沒發揮平衡油脂感之效- 酸菜有一股醃菜獨有的發酵香醇， 酸中帶甜，味道紮實- 墨魚頭爽口，有數顆附連軟骨，味道清淡，細味才嚐到淡淡海鮮鹹香- 米線煙韌腍滑吸湯*光顧當晚，店舖持續滿座，店外有人排隊輪候，中年女侍應以一人之力，招呼24名堂食客、外賣電話及外賣自取客*由安排座位、落單、傳菜、收銀、奉上外賣，全由她一人處理*她對客人轉枱的要求全部有求必應，所有事情也安排得井井有條，毫沒錯漏。她一直也很和氣、淡定、有禮，每位客人買單時她定說多謝，也不忙對幫了忙的客說唔該*她亦很細心，主動向席上有小孩的父母說可把餐枱拍埋牆免孩子跌倒*看到熟客時，她忍不住說，當晚原本並非由她當值，她是臨時被要求幫忙頂更的，更因而錯過了與家人吃團年飯的時光。「不好意思，要你聽我呻。」這是她最後一句跟熟客說的話，而在那短暫的交談中，她一直也是笑笑口地說的

服務非常差，下午茶時間優惠去，店好細，入去佢重留左張空枱員工用膳，門口阿姐話無位叫我外面等，其實我一個，見到是有位！?等左十分鈡叫我入，坐下非常態度差叫我快點，1分鐘內點餐，廚房話食飯唔做，佢一句唔好意思都無趕我走。浪費左我時間。以後唔會去樓面加廚房有大約6、7人，全部停工等食飯？其實門口寫好用膳時間咪簡單d，結果去左隔兩個舖位另一間米缐，比佢大三至四倍，店內客人人數差不多但坐得舒服d，湯底選擇多好多

我去過呢間野3次 3次都係11點半12點左右，次次去到個呀姐都話未開門 要食埋飯先，問佢幾點開門佢又唔應人，又唔望人，態度十分差，我都冇見過人態度差成咁，個老細多得佢唔少，我以後都唔會再去。

見呢間都幾多人食就入左去啦，本身見佢個環境頹頹地，都冇expect太多，試左之後就明白點解甘多人黎食啦我同個朋友都係叫左酸辣米線（$26），加左蘿蔔（$5）。呢排想食番清淡d，就叫左小小辣，而我個朋友就叫左中小辣。湯底隻色都幾唔同，佢個個就好似番茄湯甘既色，但其實都唔係好辣既。隻米線係我食過最幼細既一間，麵質偏硬，唔係好索湯：）個麵完全係呢餐既焦點！擺耐少少都唔會發脹得好多。我同朋友都激讚隻麵！湯底都幾惹味，我隻小小辣酸辣湯夠酸，內附一定份量既酸菜xd蘿蔔就黎左3大舊，比譚仔大一點點吧～味道普普通通冇咩特別。大家經開美孚都不妨去呢間試下d麵，相信一定唔會令到你地失望既

其實佢好地鐵站出口，所以都好容易搵到，首先讚下佢個米線啦，真係好好好好味的米線，湯底好濃而且好足料，夠麻辣，又多肉碎，餸方面都好多選擇，不過值得一睇的，係佢個墨魚咀一定要加，實在太鮮味同埋爽口令人一試難忘，由於佢個湯好濃，d腐竹吸收晒佢啲湯，米線質地不錯，好耐未試過質素咁高嘅米線竟然喺美孚裏便搵到，令人一食難忘好想再返去試。

今日同太太到美孚食米線，太太提議到這𥚃試試。我叫咗小窩米線配牛𦟌，太太叫咗酸辣米線配豬紅。味道都不錯，價錢合理。但是牛𦟌比較淡味，小窩米線湯底唔辣和比較清，米線都有彈性。酸辣米線有五種辣度，太太要咗小辣。湯底都幾夠味道。豬紅都夠滑。如果是下午茶時間，會送凍或熱飲品。服務都算幾好，食物亦幾快到。不過地方比較細，得10幾20個位，所以比較窄，坐得無咁舒服。大家如果有機會經過美孚，又想吃米線，可以到這𥚃試一試。

六月有個星期日行開呢頭, 撞岩下午茶時間有飲品送, 就入黎呢間米線試下. 呢度既落單方法好得意...就算有個侍應係你隔離, 你都一定要大聲向企收銀位果個男人落單....全場都會知你食乜...個男人D語氣亦都麻麻地...好似好燥底咁款..講返食物, 我點左酸辣米線既小辣, 要左雞肉一個餸. 湯底味道都OK, 起碼有酸味有辣味, 都幾香濃咁既. 配料份量都唔少, 有肉碎, 酸菜, 韭菜, 芽菜,芫茜同埋蔥粒, 但D雞肉真係極之差....我未試過去一間米線舖會比D咁鞋既難食既雞肉比人............仲鞋過煲完湯D豬肉呀!!! 呢份雞肉仲要加$9...每塊雞肉都大大塊份量唔少, 但冇一塊係唔鞋..至於米線..佢種質地幾特別, 好似軟綿綿咁既...都OK既..