Video
Read full review
2013-03-01
457 views
澳門在望, 船未泊岸, 老公已經問第N次, 「今晚幾點去Macallan Bar?」真攞命, 為了唔想佢催催槓, 特登早啲去官也街食晚飯, 然後行去銀河酒店朝聖酒吧隔離是雪茄吧, 再隔離是意大利餐廳星期一, 九點幾, 酒吧有三枱客, 環境非常幽靜老公唔講, 我都唔知枱上"蠟燭"原來是電蠟燭來的, 燭光亦只係一塊膠片, 真高科技!在昏暗"燭光"下研究menu, 我對威士忌向來冇興趣, 今次純粹係陪太子讀書.好簡單地點了Macallan cocktail因為舊冰好大, 杯邊有一片橙皮及檸檬皮, 太香了, 掩藏了威士忌的香味, 當雞尾酒酒飲都唔錯哩.輪到老公, 佢好認真地研究完本menu, 然後宣佈一個重大發現, 就係可以一次過飲勻五個年份,包括12、15、17、21及25年的Macallan Fine Oak, 都係MOP588啫! 佢好精明咁話:「 若果我淨order杯25年, 都要七百幾蚊, 呢個offer真係抵到裂呀!」雖然個心赤赤痛, 不過你話抵咪抵囉, 唔通我唔俾你叫咩?個待應小姐話呢啲大冰係用部特別機器做的五個小杯內就是不同年份的Macallen了.份量真係少, 我都唔好意思攞
老公已經問第N次, 「今晚幾點去Macallan Bar?」
真攞命, 為了唔想佢催催槓,
特登早啲去官也街食晚飯,
然後行去銀河酒店朝聖
酒吧隔離是雪茄吧, 再隔離是意大利餐廳
星期一, 九點幾, 酒吧有三枱客, 環境非常幽靜
老公唔講, 我都唔知枱上"蠟燭"原來是電蠟燭來的, 燭光亦只係一塊膠片, 真高科技!
在昏暗"燭光"下研究menu,
我對威士忌向來冇興趣,
今次純粹係陪太子讀書.
好簡單地點了Macallan cocktail
因為舊冰好大, 杯邊有一片橙皮及檸檬皮, 太香了, 掩藏了威士忌的香味,
當雞尾酒酒飲都唔錯哩.
輪到老公, 佢好認真地研究完本menu,
然後宣佈一個重大發現,
就係可以一次過飲勻五個年份,
包括12、15、17、21及25年的Macallan Fine Oak, 都係MOP588啫!
佢好精明咁話:「 若果我淨order杯25年, 都要七百幾蚊, 呢個offer真係抵到裂呀!」
雖然個心赤赤痛, 不過你話抵咪抵囉, 唔通我唔俾你叫咩?
個待應小姐話呢啲大冰係用部特別機器做的
五個小杯內就是不同年份的Macallen了.份量真係少, 我都唔好意思攞嚟試, 只敢拎嚟聞下,
梗係香啦,
到了澳門, 至知自己咁窮!
坐足成晚, 試完五杯威士忌,
老公游目四顧, 見到一山還有一山高
下次試試40年好唔好?「好呀, 你俾啲錢我去轉賭場先.」
OMG, 呢度有枝1951年, 睇怕賣咗層樓都飲唔起鳥.
Other Info. :
因為係酒店, 除了加一, 仲有5%稅,
總共MOP745.2
(The above review is the personal opinion of a user which does not represent OpenRice's point of view.)
Post
