Video
Read full review
2014-10-09
148 views
上星期因有長徦期便帶埋家人入去西貢吃喝玩樂。 在猶豫去邊間餐廳時看見有間門口放了鮮花，感覺十分討好，又經餐廳經理介紹有海鮮食，便入去試試。我地先點了兩客北寄貝，估唔到除日本餐廳㚈，西餐也可吃到，仲要是新鮮的，餐廳經理話每日都會去入貨。一客有兩隻，一隻是用芝士做，好香芝士味，另一隻是炒洋蔥煙肉配芝士，十分爽甜好味，連我兩個小朋友都話好好食。無想過北寄貝可以咁樣食法，super yummy.跟住叫左一個ribeye 、帶子risotto同蜆肉意粉。 雖然餐廳有供應美國牛但我地order左個英國牛，比較有肉味而且唔油，食完唔會好油個種。而帶子risotto個帶子好鮮甜，D飯比較軟身，唔係一般意大利飯咁硬，比較啱中國人。risotto 份量如果可以大D，就更好。至於個蜆肉意粉還以為好似其他餐廳用芝士做的白汁，原來蜆肉是新鮮的，好似食炒蜆有殼的，沒有白汁，保留新鮮蜆肉鮮味，一D都唔油，好鮮甜。甜品我地叫左香橙疏乎里，apple crumble。疏乎里賣相一般味道尚可，而apple crumble 不是一般做法，有好香牛油味，配有機蘋果，好爽甜。小朋友就叫左一個cookies and cream
我地先點了兩客北寄貝，估唔到除日本餐廳㚈，西餐也可吃到，仲要是新鮮的，餐廳經理話每日都會去入貨。一客有兩隻，一隻是用芝士做，好香芝士味，另一隻是炒洋蔥煙肉配芝士，十分爽甜好味，連我兩個小朋友都話好好食。無想過北寄貝可以咁樣食法，super yummy.
跟住叫左一個ribeye 、帶子risotto同蜆肉意粉。 雖然餐廳有供應美國牛但我地order左個英國牛，比較有肉味而且唔油，食完唔會好油個種。而帶子risotto個帶子好鮮甜，D飯比較軟身，唔係一般意大利飯咁硬，比較啱中國人。risotto 份量如果可以大D，就更好。至於個蜆肉意粉還以為好似其他餐廳用芝士做的白汁，原來蜆肉是新鮮的，好似食炒蜆有殼的，沒有白汁，保留新鮮蜆肉鮮味，一D都唔油，好鮮甜。
甜品我地叫左香橙疏乎里，apple crumble。疏乎里賣相一般味道尚可，而apple crumble 不是一般做法，有好香牛油味，配有機蘋果，好爽甜。小朋友就叫左一個cookies and cream smoothie 同strawberry smoothie, 味道幾好。
總括而言，食物新鮮好好味，環境舒服，唯一未中不足是waitress 比較新手，聽經理講原來餐廳是新開張，唔怪得員工比較新手。希望服務可改進一下而keep住食物水準，下次一定再去食過。
Post