Video
Read full review
2010-06-14
11 views
今日ｘｘ又請不眠王子食飯，王子又叫埋我去！真係多謝！多謝！今次餐廳名為【御膳飯莊】，一早賣個關子先，呢間【御膳飯莊】我會用２隻手指公再舉埋腳指公去稱讚。真係巧巧吃呀!地點同上次地獄飯局一樣都係樂富，我地４個人，１男３女叫左１０個菜４個甜品，仲係清得８８９９，嚇Ｃ人！因為對上既〝noPay飯局 - 地獄篇〞真係領教過咩叫地獄廚神之後，基本上今餐對【御膳飯莊】都唔會抱咩大期望，但係一食之下，我地上左天堂呀！飲品羅漢果木瓜煲龍脷葉【御膳飯莊】每日既健康飲品都唔同，今日既健康飲品就係→羅漢果木瓜煲龍脷葉一坐低Ｄ侍應好好招呼，即刻同我講有Ｄ咩飲品，我淨係記得侍應講過豆漿、羅漢果木瓜煲龍脷葉，我見個個都揀羅漢果木瓜煲龍脷葉，咁我緊係唔執輸啦！羅漢果木瓜煲龍脷葉：入口甘甜勁滋潤，我地每人都叫左２柸，因為真係好好飲，唔知幾時有得再飲過呢？因為【御膳飯莊】既健康飲品日日新款唔同，下次又唔知有咩特飲呢，好期待！冷盤（有２個ＳＩＺＥ分，〝例、小〞之分）除左【八年陳花雕醉雞】我地係叫左ｓｉｚｅ例之外，其餘３款我地都係叫ｓｉｚｅ小，其實４個人黎講已經好夠份量，因為份量真係唔野小，正正因為我地叫左ｓｉｚｅ小，大家
今次餐廳名為【御膳飯莊】，一早賣個關子先，呢間【御膳飯莊】我會用２隻手指公再舉埋腳指公去稱讚。真係巧巧吃呀!
地點同上次地獄飯局一樣都係樂富，我地４個人，１男３女叫左１０個菜４個甜品，仲係清得８８９９，嚇Ｃ人！
因為對上既〝noPay飯局 - 地獄篇〞真係領教過咩叫地獄廚神之後，基本上今餐對【御膳飯莊】都唔會抱咩大期望，但係一食之下，我地上左天堂呀！
飲品
羅漢果木瓜煲龍脷葉
【御膳飯莊】每日既健康飲品都唔同，今日既健康飲品就係→羅漢果木瓜煲龍脷葉
一坐低Ｄ侍應好好招呼，即刻同我講有Ｄ咩飲品，我淨係記得侍應講過豆漿、羅漢果木瓜煲龍脷葉，我見個個都揀羅漢果木瓜煲龍脷葉，咁我緊係唔執輸啦！
羅漢果木瓜煲龍脷葉：入口甘甜勁滋潤，我地每人都叫左２柸，因為真係好好飲，唔知幾時有得再飲過呢？因為【御膳飯莊】既健康飲品日日新款唔同，下次又唔知有咩特飲呢，好期待！
冷盤（有２個ＳＩＺＥ分，〝例、小〞之分）
除左【八年陳花雕醉雞】我地係叫左ｓｉｚｅ例之外，其餘３款我地都係叫ｓｉｚｅ小，其實４個人黎講已經好夠份量，因為份量真係唔野小，正正因為我地叫左ｓｉｚｅ小，大家先可以食到咁多野！
１．香蔥拌海蜇ＨＫＤ２８（小）
嘩～～第一道菜已經咁好食啦，唔知黎緊既會係點呢？海蜇超爽有咬感，果種爽口程度真係唔識形容。
２．皮蛋拌豆腐ＨＫＤ２８（小）
由於色澤問題，令到賣相唔係咁吸引，豆腐一擺入口，根本停唔到唔食呀；本應諗住皮蛋只係配角，應該都唔會咁講究，點知～嘩！都係一樣好食到唔駛講野呀！
３．糖醋小排骨ＨＫＤ２８（小）
自己諗住都係一舊起兩舊止，本身對排骨一ｄ都唔好，但係估唔到自己係不停咁食左好幾舊！
４．八年陳花雕醉雞ＨＫＤ５２（例）
嘩～～～呢個醉雞真係冇得頂，ｄ肉超滑，用左８年花雕浸左３日，完全入哂味，但又唔會淨係比ｄ酒蓋過成隻雞，一ｄ雪藏味都冇呀，如果唔係用冰鮮雞的話，完全係完美！
主菜
５．御膳烤鴨ＨＫＤ１８０（中）
隻鴨真係即刻烤起架，即時烤起先可以見到脹卜卜、仲拎立立！等左一陣已經開此縮，淨用肉眼望住鴨身一ｄ都唔肥膩。我地影完相後，高級主任開始將我地既鴨皮逐塊逐塊片出黎，佢真係好有心機，片呀片呀～～一路片一路將ｄ鴨皮砌埋花！
御膳烤鴨一共有６款配料：大頭菜絲、酸蘿蔔、芹菜絲、青瓜絲、京蔥絲、甜醬
薄餅係超貼心，因為佢地怕薄餅放係檯度會灘到凍哂，所以會將薄餅放入蒸籠上，蒸籠下既瓦煲係盛住滾水，用水蒸汽既熱力去保持薄餅既熱度，呢ｄ咪做足１００分囉！
而我食鴨皮就放哂６樣配料，估唔到出黎既配搭係一流，估唔酸蘿蔔同鴨皮係絕配，完全食唔出有酸既味道！包起左，我就一口食哂成件！正～～～不停食左好多件！
６．松鼠桂花魚ＨＫＤ１５０（可選松鼠／乾燒／紅燒／油浸）
我地就選擇松鼠製法，酸酸甜甜，老少咸宜，最岩老外。
等我地影完相後，高級主任就同我地分拆【松鼠桂花魚】。我從來都唔食淡水魚，因為我唔鍾意淡水魚有陣怪怪既泥味，但係唔知今晚發生咩事，我係咁同３位食伴不停一齊啄條魚，魚肉好鮮嫩、超滑，一Ｄ泥味都冇呀！
７．御膳京醬蝦（兩隻起）ＨＫＤ２３隻
呢個【御膳京醬蝦】超級無敵正，係必食！蝦係用海虎蝦，好大隻好多肉食，仲要１隻２３蚊，平過係街市買之餘，整埋比你食喎！御膳京醬蝦既醬再用黎撈飯食係超正架！
８．香蔥鳳尾蝦ＨＫＤ６５
味道好似天婦羅，入口一ｄ都唔油膩，炸都脆卜卜！
９．胡同開洋蔥油溫拌麵ＨＫＤ２８
我地４人每人分左一碗，味道好得意、怪怪的，但係好好味，越食越開胃！
點心
１０．御膳小籠包（５個）ＨＫＤ２５
雖見小籠包一籠5舊只售ＨＫＤ２５，基本上都唔會抱高期望，當我夾起時皮係黏住張紙，心想應該會整穿，點知皮薄堅韌係冇穿到架！
當我一口咬落去時，嘩～～～好ＪＵＩＣＥ呀，肉質新鮮，當我想再食埋最後一件時，竟然比王子快一步夾左！
甜品係唔可以缺少既一環，【御膳飯莊】既甜品完全係可以另起爐灶，質數一流，街外既甜品店完全係要行埋一邊呀！
１．桂花酒釀丸子ＨＫＤ４８
起初大家都以為叫一小碗，每人一啖就夠，點知一上檯竟然係一大窩，嚇死我地呀！
【桂花酒釀丸子】係結結的，唔係稀稀的；丸子係超多，用瓷匙一(不)滿滿都係丸子呀！
其實個人唔太鍾意食【桂花酒釀丸子】，因為曾經試過係街外食過係酸酸味既【桂花酒釀丸子】後，就對呢款既甜品打左個大交叉，今次一試之下，令我愛上【桂花酒釀丸子】。
２．香麻拔絲蘋果ＨＫＤ６２
【香麻拔絲蘋果】必食既甜品，高質數、高廚藝，廚房、樓面２邊都好用心，當【香麻拔絲蘋果】上檯時，見高級主任與侍應用心幫我地拔絲，真係見到長長既糖絲架，見到都留哂口水！
仲有一樣大家一定未試過，就係用黎拔絲既冰水，唔係冰水，而係用雪碧（有時會用忌廉），真係好特別！
高級主任解釋：因為雪碧大家可以嚐到汽水既甜味，而取締用冰水時出現雪藏味而影響味道。
３．陳皮豆沙煎窩餅ＨＫＤ３８
豆沙煎窩餅加上陳皮好煎，食時又係另一種味道。
４．冰糖桂花燉雪梨ＨＫＤ２２
我地叫左２個，２人ＳＨＡＲＥ１碗，食既時候我將雪梨用瓷匙粉碎雪梨，一啖一啖加埋冰糖桂花擺入口，真係潤肺潤喉呀！
Post
