茶。家 (Closed)

喺中上環附近食嘢行下街， 去到上環嗰頭有啲口渴， 就去咗朋友介紹嘅茶家，買杯飲品飲下嘢傾下偈。 朋友介紹Masala Chai, 即係印度奶茶, 飲品除咗有茶、奶仲有香料, 我記得以前喺啲印度餐廳好似都有飲過呢樣嘢， 味道非常特別， 同香港嘅奶茶好唔一樣㗎，都幾好飲。飲品製作需時，我哋都等咗八分鐘至兩個字到先至整好， 杯嘢好熱要等一等先可以飲到。 我哋本身坐咗喺室外位，覺得幾特別幾有風味， 但係呢度同時都係個吸煙位， 所以我哋入返室內上咗去樓上雅座，裏面好似一個屋企咁， 走悠閒路線，好舒服㗎。講番杯奶茶，即叫即煮，而且香料味十足，好正! 比之前我喺香港嘅一啲印度餐廳飲嘅更加香濃，唔怪得朋友咁推介 ! 喺呢度一路飲下嘢傾下偈hea下， 又幾舒服喎，果然冇介紹錯。 可惜頭先食得太飽，下次先試下其他飲品同埋啲蛋糕先。