Video
Read full review
2010-04-29
56 views
魚家姐, 魚細佬, + 相公都係3月+4月份生日的, 不過本魚同相公3月尾到4月頭去了台灣之旅, 返黎香港後又忙過不停, 終於要安排到接近4月尾先可以食呢餐飯呢 魚媽媽跟魚家姐唔想吃中菜, 又唔想食韓燒...生冷野...本魚搞盡魚腦汁, 終於比本魚醒起, 打令令之前去過呢間莎巴吃過, 仲話唔錯添, 於是本魚就決定訂呢間晚飯了.早3日前打了去訂7點7位, 是晚去到, 侍應姐姐話好彩本魚一早訂, 如果唔係就無法子比枱我地, 嘩~ 咁旺場喎~是晚食了:- 炒蘿白糕- 香口彈牙, 又唔係好咸, 味剛好, 有菜莆粒粒+ 芽菜, 食落無咁乾口~ 海鮮菠蘿炒飯- 炒到粒粒分明, 又有香口腰果, 味道帶甜(菠蘿粒粒) 好味 巴東雞- 魚家姐係開飯啦見食評話幾好, 想試, 食落汁帶甜+少少辣, 唔錯, 不過係雞肉乾了DD.... 叫了3種酵餅, 薯仔酵餅- 好味, 新鮮熱辣, 夾著一粒薯仔+紅蘿白粒粒, 淨食唔使點咖哩都好食. 印度酵餅 - 都新鮮, 但厚了點, 未夠鬆軟, 薄返少少就好了, 油酥餅- 又酥+唔太油, 比出面好好多 椰汁咖哩羊肉- 汁有濃郁既椰汁+咖哩味, 用黎點酵餅, 好食, 只係奇怪
魚家姐, 魚細佬, + 相公都係3月+4月份生日的, 不過本魚同相公3月尾到4月頭去了台灣之旅, 返黎香港後又忙過不停, 終於要安排到接近4月尾先可以食呢餐飯呢
魚媽媽跟魚家姐唔想吃中菜, 又唔想食韓燒...生冷野...本魚搞盡魚腦汁, 終於比本魚醒起, 打令令之前去過呢間莎巴吃過, 仲話唔錯添, 於是本魚就決定訂呢間晚飯了.
早3日前打了去訂7點7位, 是晚去到, 侍應姐姐話好彩本魚一早訂, 如果唔係就無法子比枱我地, 嘩~ 咁旺場喎~
是晚食了:-
炒蘿白糕- 香口彈牙, 又唔係好咸, 味剛好, 有菜莆粒粒+ 芽菜, 食落無咁乾口~
海鮮菠蘿炒飯- 炒到粒粒分明, 又有香口腰果, 味道帶甜(菠蘿粒粒) 好味
巴東雞- 魚家姐係開飯啦見食評話幾好, 想試, 食落汁帶甜+少少辣, 唔錯, 不過係雞肉乾了DD....
叫了3種酵餅, 薯仔酵餅- 好味, 新鮮熱辣, 夾著一粒薯仔+紅蘿白粒粒, 淨食唔使點咖哩都好食. 印度酵餅 - 都新鮮, 但厚了點, 未夠鬆軟, 薄返少少就好了, 油酥餅- 又酥+唔太油, 比出面好好多
椰汁咖哩羊肉- 汁有濃郁既椰汁+咖哩味, 用黎點酵餅, 好食, 只係奇怪, 我地只叫了羊肉, 點解發現有雞肉架呢?
海鮮湯喇沙- 原來都幾大碗唷, 叫了一碗大家一齊分黎食, 香濃椰汁加上海鮮配料也多, 青口, 蝦等..依家諗起都想再去吃呢~
冬陰公湯- 要了小的, 因為驚飲唔晒, 小份量都有3湯碗仔, 湯頭唔錯, 鮮味, 而且最重要香料夠重, 夠酸+夠辣唷~
肉骨茶- 又係要了小的, 都係分到3湯碗仔份量, 本魚無飲, 相公有, 相公話好飲, 因為夠藥材味之餘, 唔似有D店舖個D味帶甘苦, 相公話呢間好飲呢
總括味道幾好, 服務都好, 侍應會成日幫你refill 水, 而且又會介紹餸給我地, 再加上價錢唔貴, 會再去的!
Post
