䊾宅韓國燒烤．料理 (Closed)

早前睇到報道推介呢間韓式燒烤串燒放題，我哋兩個人決定係呢度試吓$138串燒放題。我哋大概六點鐘去到，當時仲未有人， 員工亦好細心下我哋介紹唔同嘅選擇同價錢。呢度嘅環境都算寬敞，座椅下面亦都可以擺放手袋。 肉類嘅選擇都算多，值得推介嘅係薄西冷，薄薄嘅西冷牛扒大概燒幾分鐘就熟，而且非常腍容易入口。我哋亦都有叫五花腩，但係五花腩嘅味道就麻麻，味道較為淡而且五花腩與其他韓式燒肉店相比嘅五花腩較為薄而且有骨。大腸會成條上，要自己剪，烤香左之後入口鬆脆，好香口。反而個豬皮就一般，不過不失。 另外厚切玉子甜甜地味道唔錯。因為我哋不嬲都好鍾意食燒菠蘿，所以亦都有點菠蘿，菠蘿係新鮮菠蘿，而每塊菠蘿亦都算厚，而且非常甜同多汁，我哋都重複點咗兩次。 呢間韓式燒肉店同其他燒肉店嘅唔同係佢哋會把一張圓形嘅牛油紙係鐵板上面，但咁樣令到啲肉類一出汁就好易燒燶，亦都需要經常更換牛油紙。