查理布朗咖啡專門店 (Closed)

自問係個Snoopy迷，由佢開張到而家都有幫襯。今次真係最失望嘅一次。復活節假未放完，同囝囝黎探下Charlie老朋友，趁未算peak hour，12點幾上到黎，仲有大半個場係空嘅，照舊坐梳化睇住卡通等野食。餐湯，幾分鐘就到左。小食同飯，跟住都到喇。意粉，到埋。不知不覺咁就坐左20分鐘。但係口乾乾，原來個飲品未上。侍應經過，問下有冇漏單。冇喎！跟住隔離有一檯比我早到的，都開始追問佢地杯飲品。佢地一檯5個大人加一班小朋，飲品都係未到過。我個心當堂冷左一截。另一邊廂，有一檯老外，又係食完所有飯餐都未有飲品。結果，成個梳化區，都係食完所有食物未上飲品。最後？張單表示12：28落單，我係13：15上飲品。45分鐘等一個飲品，成餐飯搵杯飲品濕下個口都冇。PS 可能間cafe咁多年，真係開始舊，下午30度行入黎，坐左30分鐘我仲出緊汗，冷氣好弱。下次同囝囝去尖沙咀，可能要動動腦筋去邊度食了。