Video
Read full review
2016-09-20
975 views
幾中意食西餐既我Pizza由細食到大，但係大型連鎖店食到個D多數都係唔正宗既「港式」Pizza。有次見到上環有呢間酒吧餐廳係由意大利人開，專賣Pizza，引起左我既好奇心，約左個朋友決定親身去試下。我地閒日收工後去食，8點半去到個陣入面空位頗多，靜靜地岩哂我地傾計談心。Menu上見到佢提供既Pizza種類都有廿幾種，Size有Regular 12吋同Very Big 20吋俾你揀，多人既話可以叫20吋，今次我地兩個女仔人少少叫Regular就夠哂啦。另外佢地仲可以俾客人揀兩款Pizza雙併，而價錢就會計貴D個款，就算叫一個批都可以試到多一款，呢個安排好貼心呢！Belgian Sweet Fruit Beer Lindemann (Apple) $62我地兩個都唔太識飲酒，但一場黎到，就想學下人地叫返支啤酒黎送Pizza啦！呢款水果味啤酒一共有五隻味選擇(Apple、Rasberry、Blueberry、Peach、Cherry)，我揀左穩陣d既蘋果，飲落90％似蘋果汁，甜甜地幾香，酒味唔重，好岩不勝酒力既女仔飲。Grilled Chicken Wings $54最中意食雞翼既我見到Me
但係大型連鎖店食到個D多數都係唔正宗既「港式」Pizza。
有次見到上環有呢間酒吧餐廳係由意大利人開，專賣Pizza，
引起左我既好奇心，約左個朋友決定親身去試下。
我地閒日收工後去食，8點半去到個陣入面空位頗多，靜靜地岩哂我地傾計談心。
Menu上見到佢提供既Pizza種類都有廿幾種，Size有Regular 12吋同Very Big 20吋俾你揀，
多人既話可以叫20吋，今次我地兩個女仔人少少叫Regular就夠哂啦。
另外佢地仲可以俾客人揀兩款Pizza雙併，
而價錢就會計貴D個款，就算叫一個批都可以試到多一款，呢個安排好貼心呢！
Belgian Sweet Fruit Beer Lindemann (Apple)
$62
21 views
0 likes
0 comments
我地兩個都唔太識飲酒，但一場黎到，
就想學下人地叫返支啤酒黎送Pizza啦！
呢款水果味啤酒一共有五隻味選擇(Apple、Rasberry、Blueberry、Peach、Cherry)，
我揀左穩陣d既蘋果，飲落90％似蘋果汁，
甜甜地幾香，酒味唔重，好岩不勝酒力既女仔飲。
Grilled Chicken Wings
$54
29 views
0 likes
0 comments
最中意食雞翼既我見到Menu有烤雞翼即刻叫左份！
一份有5隻，賣相一般般，但味道好出色！
岩岩焗好既雞翼熱辣辣，外皮微脆，內裡雞肉嫩滑，
用黑椒調味後帶微辣，非常惹味，送啤酒一流！
雙併Pizza (Crudo + Jacomax) $160
Crudo + Jacomax
$160
59 views
0 likes
0 comments
而同餐廳同名既Jacomax就有牛肉粒、蕃茄、三色椒、水牛芝士同雞蛋。
先講Pizza既餅底，佢唔會似麵包咁又厚又實，香脆得黎但又唔會薄到似食風咁，
口感岩岩好，呢種批底好多所謂既香港Pizza專門店都做唔到。
味道方面，Jacomax雖然食材多但配合度非常高，
牛肉粒夠惹味，芝士味都幾出，上枱個陣熱到辣手仲可以有少少拉絲效果添。
Crudo + Jacomax
$160
61 views
0 likes
0 comments
咁樣食都係第一次，感覺別有風味！
而Crudo呢款Pizza既茄醬味道比較濃，酸酸甜甜幾開胃，
帶濃郁咸香味既Parma Ham係火箭菜配合下唔會太膩，
食落感覺比Jacomax light d，我地兩個人就算食哂成個Pizza都唔會太飽滯，
仲可以繼續食多個甜品添！
Home-made Tiramisu
$78
26 views
0 likes
0 comments
最後我地再叫多個Tiramisu黎Share，
本身我以為佢會係一件Cake，原來係Tiramisu杯，
雖然Tiramisu質感係會偏濕潤，但呢個對我黎講太濕，
亦只有朱古力味，無咩咖啡味或酒味，個人就唔太推薦。
整體黎講呢到既批底係我係香港食過最正宗既，
而且餡料又足料又好味，我絕對會為左黎到既Pizza再黎！
Post
