Video
Read full review
2015-08-01
2718 views
如無必要，唔會再嚟好早之前見到好多正評，環境好似幾有格調幾唔錯，一直好想嚟食但都無機會。但今次之後......失望。食物其實算唔錯，價錢唔算貴，環境裝修幾有特色，但整體性價比就唔得喇。星期五的晚上，去尖沙咀食飯，預左多人要等位，仲要係H8，一定好多人。7:10pm去到Espuma, walk-in無book位，等左45mins先有得入座，不過因為有櫈可以坐住等，算係咁啦。餐廳內部裝潢幾特別，但座位太密，人太多。成個環境好嘈，似酒樓。 個人認為如將燈光較暗啲，放番啲音樂，會好好多，有氣氛好多。食物質素其實算可以，但餐廳只顧翻枱，想做多幾轉生意，而犧牲客人用膳質素。成餐飯令我最唔滿意嘅係佢地全程都好趕客咁款，由收食物到埋單都係!1. - 碟吞拿魚，我明明仲點緊個芥末醬，個待應一手伸來攞起隻碟想收走，然後先問我仲要唔要! 我仲用緊支叉仲點緊D醬，咁你覺得我仲要唔要丫?2. - 入座時已知道只可以食個半鐘。 我同男友兩個19:59入座落單，食左一個鐘都無，20:51就已經出單, 催我地買單！(原來我地去左食快餐店?? ) 我明明仲有成杯野未飲...咁都算，照埋單，諗住埋完單，飲埋杯野飲都得掛
好早之前見到好多正評，環境好似幾有格調幾唔錯，一直好想嚟食但都無機會。但今次之後......失望。
食物其實算唔錯，價錢唔算貴，環境裝修幾有特色，但整體性價比就唔得喇。
星期五的晚上，去尖沙咀食飯，預左多人要等位，仲要係H8，一定好多人。
7:10pm去到Espuma, walk-in無book位，等左45mins先有得入座，不過因為有櫈可以坐住等，算係咁啦。
餐廳內部裝潢幾特別，但座位太密，人太多。成個環境好嘈，似酒樓。 個人認為如將燈光較暗啲，放番啲音樂，會好好多，有氣氛好多。
食物質素其實算可以，但餐廳只顧翻枱，想做多幾轉生意，而犧牲客人用膳質素。
成餐飯令我最唔滿意嘅係佢地全程都好趕客咁款，由收食物到埋單都係!
1. - 碟吞拿魚，我明明仲點緊個芥末醬，個待應一手伸來攞起隻碟想收走，然後先問我仲要唔要! 我仲用緊支叉仲點緊D醬，咁你覺得我仲要唔要丫?
2. - 入座時已知道只可以食個半鐘。 我同男友兩個19:59入座落單，食左一個鐘都無，20:51就已經出單, 催我地買單！(原來我地去左食快餐店?? ) 我明明仲有成杯野未飲...咁都算，照埋單，諗住埋完單，飲埋杯野飲都得掛? 但個待應竟然好意思走過黎話下一張訂枱已經到在，要趕我地走！我卒之忍唔住出聲問"究竟平均用膳時間係幾耐?"，佢識得答一個半鐘， 我再話但我地食左一個鐘都無，佢地先同我地講我地可以坐多陣!
究竟係佢地搞錯左, 定有心好地好心急趕客走? 唔知道
講番食物，我地二人叫左以下幾款食物：
黑白芝麻吞拿魚卷$98凍食嘅。配上個芥末醬，味道幾驚喜
西班牙火腿菠菜奄列$62夠熱，切開有少少蛋汁漏出👍 有少許黑椒味，幾得意
但有一部份太熟，口感乾左啲
西班牙海鮮飯$128幾好，不過份量好細
值得一讚係D蝦個蝦身去左殼，唔使客人自己整，細心
招牌水果茶$46應該女仔會比較鐘意。因為都見到好多女仔點。佢除左有幾款生果，仲加左少少蘭香子，可以咬咬下。
我覺得味道可以，男友卻覺得味道太複雜，唔知咩味。
總括黎講，食物可以，環境裝修可以，服務不不不可以。
用呢個價錢，我深信o係好多其他地方，都可以做到比佢更好。
如想客人唔只光顧你一次，除左食物，服務都好緊要!
Post
